ilakkiyainfo

ilakkiyainfo

அனன்யாவுக்குப் பதில் அமலா பால்… சார்லிக்குப் பதில் தம்பி ராமையா..!’’ – – ‘மைனா’ மேக்கிங் பகிரும் பிரபு சாலமன்

அனன்யாவுக்குப் பதில் அமலா பால்… சார்லிக்குப் பதில் தம்பி ராமையா..!’’ – – ‘மைனா’ மேக்கிங் பகிரும் பிரபு சாலமன்
November 06
04:46 2017

‘மைனா’… பரிசுத்த காதலோடு பயணிக்கும் ஒரு காதல் ஜோடியின் கதை. பெரிய பட்ஜெட் படங்களின் ஆதிக்கம் அதிகமாக இருந்த தருணத்தில் தமிழ் சினிமாவுக்கு கிடைத்த அற்புத முத்து ‘மைனா’.

இந்த படத்திற்கு முன், பிரபு சாலமன் சில படங்கள் இயக்கியிருந்தாலும் அவருக்கான அங்கீகாரத்தை கொடுத்த ஆற்றல்மிகு படைப்பு இது.

காதல் கதையை மையமாக வைத்து படத்தை இப்படியும் எடுக்கலாமா என்ற ஆச்சர்யத்துடனும் சுருளி – மைனா காதலுக்கு ஏற்படும் துன்பங்களை எண்ணி கண்ணின் விளிம்பில் ததும்பி நிற்கும் நீரோடு கனத்த மனதுடனும் வெளியே வந்தவர்கள் தான் ‘மைனா’விற்கு சாட்சி.

இந்த படைப்பு வெளியாகி இன்றுடன் ஏழு வருடங்கள் நிறைவடைந்தாலும் படத்தின் தாக்கம் இருந்துகொண்டுதான் இருக்கிறது.

திரைக்கு பின்னால் நடந்த சுவாரஸ்ய சம்பவங்களையும், படப்பிடிப்பின் போது சந்தித்த சவால்களையும் பற்றி அறிந்துகொள்ள இயக்குநர் பிரபு சாலமனை தொடர்புகொண்டு பேசினோம்.
mynaaa_21572  அனன்யாவுக்குப் பதில் அமலா பால்… சார்லிக்குப் பதில் தம்பி ராமையா..!’’ - - 'மைனா' மேக்கிங் பகிரும் பிரபு சாலமன் mynaaa 21572

‘மைனா’ உருவான கதை பத்தி சொல்லுங்க?

” சைதாப்பேட்டை  துணை நீதிமன்றம் பக்கத்துல இருக்க ஒரு பஸ் ஸ்டாப்ல நான் நின்னுட்டு இருந்தேன். அப்போ, ஒரு கைதியை போலீஸ் விலங்கு மாட்டி கோர்ட்ல ஆஜர்படுத்த அழைத்து வந்தார்.

அப்போ, அவங்க போலீஸ் கைதி என்பதைத் தாண்டி அவ்வளவு நெருக்கமா பேசி ஜாலியா சிரிச்சுட்டு வந்தாங்க. போலீஸ், கைதிக்கு டீ வாங்கித் தந்து சகஜமா பேசிட்டே கோர்ட்டுக்குள்ள கூட்டிட்டு போனார்.

அன்பு என்னும் விலங்குதான் இவங்க ரெண்டு பேருக்கும் இடையில் இருந்தது. இதை பார்க்கும்போது தான், இது சாத்தியாமானால் எப்படி இருக்கும், அவன் உண்மை குற்றவாளியா, அவங்க பின்னாடியே ஒரு பொண்ணும் இருந்தா எப்படி இருக்கும்னு யோசிச்சததுதான் ‘மைனா’ படத்தோட கதை.

இதை மையமா வெச்சு கதை பண்ண ஆரம்பிச்ச போது, ராஜேந்திரன்னு ஒருத்தரை புழல் சிறையில சந்திச்சு பேசினேன். அப்போ அவர் ‘இப்படிதாங்க தென்காசியில நான் வேலை பார்க்கும்போது ஒருத்தன் ஜெயில்லை இருந்து தப்பிச்சுட்டான்.

அடுத்த நாள் தீபாவளி வேற. நாங்களும் அலைஞ்சு திரிஞ்சு தேடி கடைசியா பார்த்தா குற்றாலத்துல எண்ணேய் தேச்சு குளிச்சுட்டு இருந்தான்.

ஏன்டா இப்படி பண்ணனு கேட்டா, ‘சார் இன்னைக்கு தீபாவளி மட்டுமில்ல என் ஆளுக்கு பொறந்த நாள் சார். அதான் பாத்துட்டு போலாம்னு வந்தேன்.

சரி உட்காருங்க நம்ம வீட்ல கறி சோறு தின்னுட்டு ஜெயிலுக்கு போலாம்’னு சொன்னவன்கூட உட்காந்து கறி சோறு தின்னுட்டு அவனை கூட்டிட்டு வந்தோம்.

பாத்தீங்களா எப்படிலா இருக்காய்ங்க’னு அந்த அதிகாரி சொன்ன அனுபவம் வித்தியாசமாகவும் சுவாரஸ்யமாகவும் இருந்துச்சு. அதைத்தான் அப்படியே படத்துல வெச்சிருந்தேன். “

நடிகர், நடிகைகள் எப்படி தேர்வு செய்தீர்கள்..?

“படத்துக்கு யாரை ஹீரோவா போடலாம்னு நிறைய குழப்பங்கள் இருந்துச்சு. அந்த நேரத்துல என் ஆஃபிஸுக்கு விதார்த் வந்திருந்தான். ஏற்கெனவே சின்னச்சின்ன ரோல்கள்ல நடிச்சிருந்தான்.

உடனே, தலைமுடியை கலைச்சு, லுங்கியை கட்டச்சொல்லி போன்ல போட்டோ எடுத்து பாத்தேன். அப்போவே முடிவாகிடுச்சு என் படத்துக்கு ஹீரோ விதார்த்தான்னு.

இதை அவன்கிட்ட சொன்னவுடனே அவன் கிண்டல் பண்றீங்களானு நம்பவே இல்லை. அப்படிதான் விதார்த் ஹீரோ ஆனார். ஹீரோயினா முதல்ல ப்ளான் பண்ணது அனன்யாதான். அவங்க பிஸியா இருந்தனால அமலா பால் ஃபிக்ஸ் பண்ணோம்.

அதே போல, தம்பி ராமையா கேரக்டர் பண்ண வேண்டியது சார்லி. அவருக்கு அப்போ டேட் இல்லாத காரணத்தினால் அவர் நடிக்கலை. அப்பறம் ஒரு  நிகழ்ச்சியில தான் தம்பி ராமையா சாரை பாத்தேன்.

பாத்தவுடனே இவர்தான்னு க்ளிக் ஆகிடுச்சு. அப்புறம் அவர்கிட்ட கதை சொன்னவுடனே ஓகே சொல்லிட்டார். உங்களுக்கு இந்த படத்துக்கு கண்டிப்பா ஒரு பெரிய அங்கீகாரம் கிடைக்கும்னு படம் பண்ணும்போதே நான் சொல்லிட்டே இருப்பேன்.

அதே மாதிரி தேசிய விருது கிடைச்சது. இந்த படத்துல காமெடி, எமோஷன், ஆடியனஸை அழவெக்கிறதுனு பல பரிணாமங்கள்ல இவரோட நடிப்பு இருக்கும் “

myna_21393  அனன்யாவுக்குப் பதில் அமலா பால்… சார்லிக்குப் பதில் தம்பி ராமையா..!’’ - - 'மைனா' மேக்கிங் பகிரும் பிரபு சாலமன் myna 21393

கேரளா – தமிழ்நாடு எல்லையில படம் பண்ணிருக்கீங்க. என்ன மாதிரியான சவால்களை சந்திச்சீங்க? 

“தேனி – கேரளா பகுதிகள்ல படம் ஷூட் பண்ணோம். குறிப்பா, சுருளியை போலீஸ்காரங்க தேடும்போது காட்டுக்குள்ள தீப்பந்தம் பிடிச்சிட்டு போவாங்க.

அந்த சீனுக்கு நிஜமாவே நாங்க ஒரு ஆறேழு பேர் தீப்பந்தம் பிடிச்சு கேமரா பின்னாடியே ஓடுனோம். எக்ஸ்போஷர் இல்லாம அந்த தீயோட வெளிச்சத்துல தான் படம் எடுத்தோம்.

அது ரொம்ப சவாலா இருந்துச்சு. லோகேஷன் பார்க்க போகும்போது காட்டு யானை, சிறுத்தை எல்லாம் நடமாடுறதை பாத்தோம். அந்த விறுவிறுப்புல ஷூட் பண்ணது த்ரில்லாகவும் சுவாரஸ்யமாகவும் இருந்துச்சு.

நிறைய இடங்கள்ல வெளிச்சம் பெரிய சவாலா இருந்துச்சு. அதை ரொம்ப அழகா சமாளிச்சு ஒளிப்பதிவு செஞ்சு கொடுத்தார் சுகுமார். “

பஸ் மலையில இருந்து விழுற காட்சிகளை எப்படி எடுத்தீங்க?

“என்னை பொருத்தவரை படத்துல அதான் க்ளைமேக்ஸ். அந்த ரெண்டு போலீஸும் சுருளி மேல அவ்வளவு கடுப்பா இருந்தாலும் மைனா சொல்லி அவங்களை இவன் காப்பாத்தும்போது தான், மனிதநேயம்னா என்னனு தெரிஞ்சுப்பாங்க.

அப்படி ரெண்டு பேரும் சுருளி – மைனாவுக்கு உதவி பண்ணணும்னு நினைக்குற அந்த தருணம்தான் படத்தில ப்ரேக்கிங் பாயின்ட். அந்த பஸ்ஸை க்ரேனைவெச்சு தூக்கி அது மேல நின்னு தான் நடிக்கவச்சேன்.

அந்த சீனை மூணு நாள் எடுத்தோம். மூணாவது நாள் ஷாட் முடிஞ்சு அந்த பஸ்ஸில் இருந்து கீழே இறங்கி கொஞ்ச நேரத்துல பஸ் உண்மையாவே மலையில இருந்து கீழே விழிந்திடுச்சு.

ஷூட் போயிட்டு இருக்கும்போது விழிந்திருந்தா என்ன ஆகிருக்கும்னு நினைக்கவே ஒருமாதிரி இருக்கு. அந்த பஸ் கண்ணாடி உடையற சத்தமே த்ரில் கொடுக்கும் படத்தை பாக்கும்போது.

அந்த சவுண்டுக்கு நாங்களும் என்னென்னவோ பயன்படுத்தி பாத்தோம். அப்பறம் கடைசியா, கண்ணாடியை சூடு பண்ணி தண்ணிக்குள்ள விட்டு ரெக்கார்ட் பண்ணோம் அந்த சவுண்ட்தான் படத்துல இருக்கும்.  ”

mynaa_21409  அனன்யாவுக்குப் பதில் அமலா பால்… சார்லிக்குப் பதில் தம்பி ராமையா..!’’ - - 'மைனா' மேக்கிங் பகிரும் பிரபு சாலமன் mynaa 21409
 படத்தை இப்படித்தான் முடிக்கணும்னு தெளிவா இருந்தீங்களா?

“ஆமா. அதுல ரொம்ப தெளிவா இருந்தேன். கடைசியா சுருளியும் மைனாவும் சேர்ந்து வாழுறமாதிரி கதை இருந்தா எல்லா படங்கள் மாதிரி இருந்திருக்கும்.

படம் முடிஞ்சு வெளியே போகும்போது மனசுல ஒரு கனத்தை கொடுக்கணும்னு தான் கதையை இப்படி முடிச்சேன். அப்போதான் ஒரு நல்ல பதிவா இருக்க முடியும்.

ஒரே சீரியஸான மூட்ல இருந்திடக்கூடாதுனுதான் ஒவ்வொரு சீரியசான சீனுக்கு பிறகு காமெடி வசனங்களை வெச்சிருந்தேன். அதுவும் சரியான சமயத்தில் க்ளிக் ஆச்சு. படத்துக்காக உழைச்ச ஒவ்வொருத்தருக்கும் நன்றி சொல்லிக்கிறேன்” என்றபடி விடைபெற்றார் இயக்குநர் பிரபு சாலமன். 

Related Articles

0 Comments

No Comments Yet!

There are no comments at the moment, do you want to add one?

Write a comment

Write a Comment

Your email address will not be published.
Required fields are marked *

*

ilakkiyainfo Tweets

Facebook Like Box

Contact Us

news@ilakkiyainfo.com

Email Subscription

தினமும் பதிவுகளை மின்னஞ்சல் மூலம் பெற்றிட

Enter your email address:

Delivered by FeedBurner

November 2017
M T W T F S S
« Oct    
 12345
6789101112
13141516171819
20212223242526
27282930  

Latest Comments

குறைந்த ஊதிய தகவல் சரியானது. ஆனால், ஒரு கத்தார் ரியால் 42.2 ரூபாய்கள் மட்டுமே. ஆகவே குறைந்த ஊதியம் இலங்கை [...]

முஸ்லிம்களின் உள்விவகாரங்களில் எப்பவுமே நான் கருத்து தெரிவிப்பதில்லை. ஆனால் முஸ்லிம் பெண்களை பகீரங்க வெளியில் படங்களோடு கேழ்விக்குளாக்குவது அதிற்சியாய் இருக்கிறது.குறானில் [...]

புலி கூடடத்தால் மிஞ்சியது அழிவு மட்டுமே, இன்று தமிழர்களுக்கு இருக்கும் ஒரே அரசியல் தீர்வான " மாகாண சபை [...]

How can you tell she is a Eelam girl, has she Sri Lankan Citizen ? [...]

2009கு பின் சில காலமாக அடங்கியிருந்த புலி காவலிகள் மீண்டும் தங்கள் அடாவடிகளை ஆரம்பித்ததும் காரணம் தற்போது [...]

இலங்கை பத்திரிகைகள்

English News