ilakkiyainfo

ilakkiyainfo

ஆளப்போகிறானா தமிழன்!! –குமார் சுகுணா(கட்டுரை)

ஆளப்போகிறானா தமிழன்!! –குமார் சுகுணா(கட்டுரை)
October 31
01:19 2017

தமிழ், தமி­ழர்கள் என்ற உணர்வு மீண்டும் தற்­போது தமி­ழ­கத்தில் எழுச்­சி­பெற தொடங்­கி­யுள்­ளது.

மத்­திய அர­சுக்கு தலை­யாட்­டி­யாக இருக்கும் எடப்­பாடி, பன்னீர் தலை­மை­யி­லான தற்­போ­தைய தமி­ழக அரசை வீழ்த்தி புதிய அரசு ஒன்றை உரு­வாக்க வேண்டும் என்­பது இன்­றைய காலத்தின் தேவை என்று எதிர்க்­கட்சிகள் திரை­பி­ரப­லங்கள், சமூக ஆர்­வ­லர்கள் உள்ளிட்ட அனை­வ­ரதும் ஒரே குறிக்­கோ­ளாக மாறி­யுள்­ளது.

மோடி இருக்கும் வரை எங்கள் ஆட்­சியை யாரும் கலைக்க முடி­யாது. அவர் எங்­களை காப்­பாற்­றுவார் என்று அதி.மு.க. அமைச்­சர்கள் பகி­ரங்­க­மாக  கருத்து தெரி­வித்து  வந்­தாலும் ஆட்­சி­யா­ளரை விட மக்கள் மாபெரும் சக்தி என்­பது வர­லாறு….

ஜெய­ல­லிதா இருக்கும் வரை தமி­ழ­கத்­துக்கு பாதிப்பை ஏற்­ப­டுத்தும் மத்­திய அரசின் எந்த திட்­டமும் தமிழ்­நாட்­டுக்குள் நுழைய முடியவில்லை.

பா.ஜ.க. வினால் நுழைய முடி­யாத இரும்­பு­க் கோட்­டை­யா­கவே தமி­ழகம் இருந்­தது. ஆனால், அவ­ரது மறைவு அத்­த­னை­யையும் தலைகீழாக மாற்­றி­விட்­டது.

அண்மைக்­கா­ல­மாக தமி­ழ­கத்தில் நடை­பெறும் நிகழ்­வுகள் மக்­களை பெரும் பாதிப்­ப­டைய செய்­துள்­ள­தோடு புதிய தலை­மையின் தேவைப்­பாடு என்­பது இன்­றி­ய­மை­யா­த­தா­கி­விட்­டது

ஜெய­ல­லிதா மறைவு, கரு­ணா­நி­தியின் அர­சியல் ஓய்வு என்­ப­ன­வற்றால் தமி­ழக அர­சி­யலில் ஏற்­பட்­டுள்ள வெற்­றி­டத்தை நிரப்பும் வகையில்  ரஜி­னியும், கமலும் அர­சி­யலில் குதிப்­பார்கள் என்ற எதிர்­பார்ப்பு இருந்­தது.

rajini566657-15-1494835806 ஆளப்போகிறானா தமிழன்!! –குமார் சுகுணா(கட்டுரை) ஆளப்போகிறானா தமிழன்!! –குமார் சுகுணா(கட்டுரை) rajini566657 15 1494835806

ஆண்­டவன் கட்­டளை இட்டால் வருவேன் என ரஜினி கூறி­னாலும் எப்­போது களம் இறங்­குவார் என்று யாருக்கும் தெரி­யாது... ஆயினும் ரஜினி களம் இறங்கக் கூடும் என்று எதிர்­பார்க்­கப்­பட்ட நிலையில் அர­சியல் தொடர்பில் அதி­ரடி கருத்­து­களை கூறி மக்­களை தன் பக்கம் ஈர்த்த கமல் தனது புதிய கட்சி பற்றி அறி­விப்­ப­தாக கூறி பர­ப­ரப்பை ஏற்­ப­டுத்­தினார்.

ஆனால், அதற்­கான எந்த பணி­களும் நடை­பெ­றா­ததால், அவ­ரது அர­சியல் பற்றி மக்கள் சற்று சலிப்­பான மன­நி­லைக்கு வந்­துள்­ளனர்.

போர் வரும்­வரை காத்­தி­ருக்கும் ரஜி­னியும், நூறு நாட்­களில் தேர்தல் வைத்­தாலும் போட்­டி­யிடத் தயாராக இருக்கும் கமலும் ஏற்­க­னவே தமி­ழக அர­சி­ய­லுக்குள்  தங்­க­ளது கால்­களை ஆழப்­ப­திக்க முயற்­சித்­துக்­கொண்­டி­ருக்கும் போது அவர்­களைத் தாண்­டிய வெளிச்­சமும், தைரி­ய­மாக பிரச்­சி­னை­களைப் பேசு­கிறார் என்ற பிம்­பமும் ‘மெர்சல் பிரச்­சி­னையின் மூலம் விஜய்க்கு பரி­சாக கிடைத்­துள்­ளது.

விஜய்க்கு இருக்கும் அர­சியல் நோக்­கத்­துக்கு இது வழி­ச­மைத்து கொடுத்­து­விட்­டது என்றே கூறலாம். சில உண்­மை­களை நாம் வெளிப்­ப­டை­யாக பேசினால் எதிர்ப்­புகள் வரக் கூடும் என பேசவே தயங்­குவோம்.

ஆனால் எதிர்ப்­புகள் வரு­வதே நம்மை வலு­வ­டைய செய்யும் என்­ப­தற்கு உதா­ர­ண­மா­கி­விட்­டது விஜயின் மெர்சல்.

இந் நிலையில், ரஜினி, கமல் இரு­வ­ரையும் “மெர்சல் ஆக்கும் வகையில் புதிய எதிர்­பார்ப்பை “விஜய் உரு­வாக்கி இருக்­கிறார்.

8762-mersal114364932 ஆளப்போகிறானா தமிழன்!! –குமார் சுகுணா(கட்டுரை) ஆளப்போகிறானா தமிழன்!! –குமார் சுகுணா(கட்டுரை) 8762 mersal114364932

“மெர்சல்” படம் வெளி­யான முதல் நாளே அர­சி­யலில் தீ பயங்­க­ர­மாக பற்றி எரியத் தொடங்கி விட்­டது. மத்­திய அரசை தாக்கும் வகையில் படத்தில் வரும் வச­னங்கள் இருப்­ப­தாக தக­வல்கள் பர­வி­யதும் ‘மெர்சல்’ பற்றி மக்­க­ளிடம் ஒரு­வித எதிர்­பார்ப்பு உரு­வா­கி­யது.

டிஜிட்டல் இந்­தியா பற்­றியும் ஜி.எஸ்.டி. வரி விதிப்­பு உள்­ளிட்ட மத்­திய அரசின் திட்­டங்­களை தாக்கிப் பேசும் வச­னங்கள் ரசி­கர்கள் மத்­தியில் வர­வேற்பை பெற்­றுள்­ளன.

“டி.வி.யும் மிக்­சியும் இல­வ­ச­மாகக் கொடுக்கும் அரசால், ஏன் மருத்­துவம் தர முடி­யாது?”, “7 பெர்ஸன்ட் ஜி.எஸ்.டி. வாங்கும் சிங்­கப்பூர் இல­வச மருத்­துவம் வழங்கும் பொழுது, 28 பெர்ஸன்ட் வாங்கும் இந்­தியா ஏன் மருத்­துவ சேவையை இல­வ­ச­மாகக் கொடுப்­ப­தில்லை?”,

“மருத்­து­வத்­துக்கு பன்னி­ரெண்டு பெர்­ஸண்டாம்…பல தாய்­மா­ரோட தாலி­யறுக்­குற சாரா­யத்­துக்கு ஜி.எஸ்.டி. இல்­லயாம்”, “ஒரு அர­சாங்க மருத்­து­வ­ம­னை­யில ஒட்சிசன் சிலிண்டர் இல்ல.

அதுக்கு காரணம் ரெண்டு வரு­ஷமா சப்ளை பண்­ற­வங்­க­ளுக்கு பணம் கொடுக்­க­லையாம். இன்­னொரு மருத்­து­வ­ம­னை­யில இன்­கு­பேட்­டர்ல வச்­சி­ருந்த குழந்­தையை பெருச்­சாளி கடிச்­சது”, என்று பேஸ்­புக்­கிலும், வாட்ஸ்­ஆப்­பிலும் பல நாட்­க­ளாக வலம் வந்த பிரச்­சி­னை­களைத் தான் வச­னங்­களாகப் பேசி­யுள்ளார் விஜய்.

ஆனாலும், இத்­தனை நாட்­களாக தனித்­த­னி­யாக பேசப்­பட்­டது, திரைப்­படம் என்னும் வெகு­ஜன ஊட­கத்தில், ஒரு பிர­ப­ல­மான நடி­கரால் பேசப்­பட்­டதால் கைதட்டல் பெற்­றது.

ஒரு முதல்­வரின் மர­ணத்­தையே மர்­ம­மாக வைக்கும் மருத்­து­வ­ம­னை­களைப் பார்த்த மக்­க­ளுக்கு, பணம் பிடுங்கும் சில மருத்­து­வ­மனைகளின் மீதான கோபமே அந்தக் கைதட்டல். மருத்­து­வத்தை வியா­பா­ர­மாக ஆக்­கி­யி­ருக்கும் சில மருத்­து­வர்­க­ளையும், நவீன மருத்­து­வ­ம­னை­களின் நடை­மு­றை­க­ளையும் விமர்­சிக்கும் காட்­சியும் வச­னங்­களும் இருந்­தன.

அதற்கு சில மருத்­து­வர்­களும் எதிர்ப்பை தெரி­வித்­தனர். ஆனால், மக்­களின் ஆத­ரவு விஜய் பேசும் வச­னங்­க­ளுக்கு கிடைத்­து­விட்­டது. மொத்­தத்தில் ‘மெர்சல்’ படம் நடிகர் விஜயின் அர­சியல் உலக பிர­வே­சத்­துக்கு மிக வலு­வான அடித்­த­ளத்தை அமைத்து கொடுத்­துள்­ளது.

“ஒரு குழந்தை பிறக்­க­ணும்னா 10 மாசம். ஒரு தலைவன் உரு­வாக ஒரு யுகம்” என்ற விஜயின் வசனம் இதை உறு­திப்­ப­டுத்­தி­யுள்­ளது. எனவே விஜய் அர­சி­ய­லுக்கு வரு­வாரா என்ற எதிர்பார்ப்பை எகிற செய்­துள்­ளது.

நடிகர் விஜய்க்கு சினிமா மட்­டு­மல்ல…. அர­சி­ய­லிலும் ஒரு கண் உண்டு. அவர் செய்து வரும் நலத்­திட்ட உதவி நிகழ்ச்­சி­களை நன்கு உன்­னிப்­பாக கவ­னித்து வரு­ப­வர்­க­ளுக்கு இது தெள்ளத் தெளி­வாகப் புரியும்.

அர­சியல் மீதான தனது ஆசையை, விருப்­பத்தை 2009ஆம் ஆண்­டி­லேயே விஜய் வெளிப்­ப­டை­யாக கூறி விட்டார். புதுச்­சே­ரியில் நடந்த ஒரு விழாவில் அவர் உரையாற்றிய போது, அவர் அர­சி­ய­லுக்கு வருவேன் என்றார்.

இலங்கைத்தமிழர் பிரச்­சினை, காவிரி நதி நீர் பிரச்­சினை, ஜல்­லிக்­கட்டு பிரச்­சினை, கதி­ரா­மங்­கலம் பிரச்­சினை, நாண­யத்தாள் செல்­லாது என்ற அறி­விப்பு உள்­ளிட்ட ஒவ்­வொரு முக்­கிய பிரச்­சி­னை­களின் போதும் விஜய் தனது கருத்­தையும் குர­லையும் மிகத் தெளி­வாக வெளிப்­பட செய்தார்.

இவை அவ­ரிடம் உள்ள அர­சியல் ஆர்­வத்தை வெளிப்­ப­டுத்­தின. ராகுல், மோடி உள்­ளிட்ட அர­சியல் தலை­வர்­களை கடந்த காலங்­களில் அவர் சந்­தித்து பேசி­ய­போது விஜய் மீதான அர­சியல் பார்வை அதி­க­ரித்­தது. இன்று ‘மெர்சல்’ விஜயின் அர­சியல் பிர­வேச எதிர்­பார்ப்பை உச்­சத்­துக்கு கொண்டு சென்­றுள்­ளது..

ஏற்­க­னவே ‘கத்தி’ படத்தில், விவ­சாய பிரச்­சி­னையும், 2ஜி ஊழலும் வச­னங்­க­ளாகப் பேசப்­பட்­டன. ஆனால் அது இந்த அளவு தாக்­கத்தை ஏற்­ப­டுத்­த­வில்லை, கவ­னத்தை ஈர்க்­க­வில்லை என்று தான் சொல்­ல­வேண்டும். படம் வெளி­வந்த அடுத்த நாள், பா.ஜ.க. மாநில தலைவர் தமி­ழிசை சௌந்­த­ர­ராஜன், இந்த வச­னங்­களைக் கண்­டித்து, நீக்க வேண்டும் என்று கூறினார்.

images ஆளப்போகிறானா தமிழன்!! –குமார் சுகுணா(கட்டுரை) ஆளப்போகிறானா தமிழன்!! –குமார் சுகுணா(கட்டுரை) images1பின்னர், பா.ஜ.க. தேசிய செய­லாளர் எச்.ராஜா, ‘மெர்சல்’ பட வச­னங்­களை விமர்­சிக்கும் பொழுது, இன்னும் ஆழ்ந்து சென்று ‘ஜோசப் விஜய்’ என்று, அதிகம் அறி­யப்­ப­டாத, பேசப்­ப­டாத, விஜயின் பெயரால் குறிப்­பிட்டு, மதத்தால் அடை­யா­ளப்­ப­டுத்­தினார்.

இந்த இரண்டும் நிகழ்ந்த பின்னர் தான், ஒரு வழக்­க­மான ‘ஷங்கர்’தன­மான வணிக படத்தின் வச­னங்கள் இவ்­வ­ளவு தூரம் விவா­திக்­கப்­பட்­டன. எப்­பொ­ழுதும் விஜய் ரசி­கர்­களால் நிறையும் முதல் வாரத் திரை­ய­ரங்­குகள், பொது­மக்­களின் கவ­னத்தை ஈர்த்­தன. #மெர்­சல்vs­மோடி (#mersalvsmodi) என்ற பேச்சு சமூக வலைத்­த­ளங்­களில் பரவியது.

ரஜினி முதல் ராகுல் வரை மெர்­ச­லுக்கு ஆத­ர­வாகக் குரல் கொடுத்­துள்­ளனர். தேசிய ஊட­கங்கள் விவா­தித்­தன. ஒரு வாரத்தின் பிறகும் படத்­திற்கு கூட்டம் அதி­க­ரித்­தி­ருக்­கி­றது.

இத்­த­னைக்கும் காரணம், மெர்சல் வச­னங்­களை எதிர்த்­த­வர்கள். அவர்கள் எதிர்ப்­பதை ஆத­ரிக்க இப்­படி ஒரு அலை ஏற்­படும் அள­வுக்­குதான் இருக்­கி­றது அவர்­களின் நிலை. இன்னும் ஆழ்ந்து யோசித்தால், எதிர்த்­ததன் மூலம், தமி­ழக பா.ஜ.க., விஜய்க்கு பிரச்­சினை கொடுத்­தி­ருக்­கி­றதா, அல்­லது உத­வி­யி­ருக்­கி­றதா என்ற கேள்­வியும் எழு­கி­றது.

மெர்­சலில் ஆளும் பா.ஜ.க.வின் திட்­டங்கள் தவ­றாக விமர்­சிக்­கப்­ப­டு­வ­தாக தமி­ழக பா.ஜ.க. வினர் குரல் கொடுத்­த­துமே… விஜய்க்கு ஆத­ரவு குரல்கள் அதி­கரித்­தன. ராகுல் காந்­தியின் ஆத­ரவு மெர்­சலை இந்­திய அளவில் பேசு­பொ­ரு­ளாக மாற்­றி­யது. இதனை தொடர்ந்து பல அர­சியல் தலை­மைகள் விஜய்க்கு ஆத­ரவாக தங்­க­ளது கருத்தை பதிவு செய்து வரு­கின்­றன.

கமல், நேரில் சந்­தித்து விட்டார்… ரஜினி ட்வீட் போட்­டு­விட்டார்… விஷால் பேட்­டி­ய­ளித்­து­விட்டார்.. முழுத்­தி­ரை­யு­ல­கமும் மெர்­ச­லுக்கும் விஜய்க்கும் ஆத­ர­வாக நிற்­கி­றது.

இது எப்­படி நிகழ்ந்­தது? “சென்­னையை விட சின்ன நாடான சிங்­கப்பூர்… தனி நாடாக உரு­வான போது எப்­படி இருந்­தது…? இப்­பொழுது எப்­படி இருக்­கி­றது…நமது நாட்டில் ஏன் இது சாத்­தி­ய­மில்லை?”, என்று பன்­னி­ரண்டு ஆண்­டு­க­ளுக்கு முன் ‘அந்­நியன்’ கேள்­வி­யெ­ழுப்­பி­ய­பொ­ழுது, கொஞ்சம் சிந்­திப்­ப­வர்கள் எல்­லோ­ருமே கோபப்­பட்­டனர், கேலி பேசினர், சிங்­கப்­பூ­ருடன் இந்­தி­யாவை ஒப்­பி­டு­வது அபத்­த­மென்று.

இப்­பொ­ழுது, “7 பெர்ஸன்ட் ஜி.எஸ்.டி. வாங்கும் சிங்­கப்பூர் இல­வச மருத்­துவம் வழங்கும் பொழுது, 28 பெர்ஸன்ட் வாங்கும் இந்­தியா ஏன் மருத்­துவ சேவையை இல­வ­ச­மாக அளிப்­ப­தில்லை?”, என்று ‘மெர்சல்’ விஜய் கேட்­ட­பொ­ழுது, ஒப்­பீ­டுகள் ஏது­மின்றி கைதட்டல் பெற்­றது.

அந்த வச­னங்­களை எதிர்த்­த­வர்­க­ளுக்கு எதி­ராக, மெர்­ச­லுக்கு ஆத­ர­வாக பேரலை கிளம்­பி­யுள்­ளது. ஏனெனில், இந்த முறை பேசப்­பட்ட விட­யமும், அதை எதிர்த்த கட்­சியும் மக்­க­ளுக்கு ஏற்­ப­டுத்­திய பாதிப்பு அப்­படி. ஆம், எதி­ரிகள் ஜி.எஸ்.­டி.யும், பா.ஜ.­க.வும் என்­பதால், மெர்­ச­லுக்­கான ஆத­ரவு யாருமே எதிர்­பார்க்க முடி­யாத அளவு எழுந்­துள்­ளது.

தனது ஐம்­ப­தா­வது பட­மான ‘சுறா’வில் தன் மக்­களை நேசிக்கும் இளைஞன், மீனவ சமூ­கத்தின் மீட்­ப­ராக, தலை­வ­ராக உரு­வா­கு­வதாக நடித்­தி­ருந்தார் விஜய். அந்தப் படம் தோல்­வி­ய­டைந்­தது.

சுறா வெளி­யீட்­டுக்கு முன்னர் தான் தனது ரசிகர் மன்­றங்­களை ஒருங்­கி­ணைத்து ‘விஜய் மக்கள் இயக்கமாக மாற்­றினார். பின்னர் சிறிய இடை­வெ­ளிக்குப் பிறகு ‘தலைவா’வில் மும்பைத் தமி­ழர்­களின் தலை­வ­னாக வந்தார். தலை­வ­ரற்ற ஒரு மக்கள் கூட்­டத்­திற்கு, இவர் தலை­வ­ராகப் பொறுப்­பேற்க வேண்­டிய தருணம் வரு­வ­தாகப் படம் உரு­வாக்­கப்­பட்­டது.

டைம் டு லீட் (‘Time to Lead’) என்று வசனம் கொடுக்­கப்­பட்­டது. அப்­போ­தைய அ.தி­.மு.க. ஆட்­சி­யா­ளர்­களை இது உறுத்த, ‘டைம் டூ வெளியீடே’ தள்ளிப் போனது. அதற்கு முந்­தைய 2011 ஆம் ஆண்டு சட்­டப்­பே­ரவைத் தேர்­தலில் அ.தி.­மு.­க.வை ஆத­ரித்து, அதன் வெற்­றிக்குத் தன் ரசி­கர்­களை அணி­லாக உதவச் செய்தும் விஜய்க்கு இந்த நிலை ஏற்­பட்­டது.

இப்­படி தள்ளிப் போனது விஜயின் ‘தலைவா’ திட்டம். பின்னர், கத்­தியில் விவ­சா­யிகள் பிரச்­சினை, ‘தெறி’யில் சிறு­சே­ரியில் ஐ.டி. பெண் கொல்­லப்­பட்­டது, ‘பைரவா’வில் கல்விக் கொள்ளை, ‘மெர்சலில் மருத்­துவக் கொள்ளை, ஜி.எஸ்.டி. என மக்­களை நேர­டி­யாக பாதிக்கும் பிரச்­சி­னைகள் அனைத்­தையும் தன் படங்­களில் தொட்டு, அர­சி­யலை நோக்­கிய தன் அடி­களைப் பொறு­மை­யாக, ஆனால் அழுத்­த­மாக வைக்­கிறார்.

கலைஞர், எம்.ஜி.ஆர். காலத்தில் திரா­வி­டமும் விஜ­யகாந்த் காலத்தில் தேசப்­பற்றும் பேசப்­பட்ட தமிழ் திரைப்­ப­டங்­களில், இன்று தமி­ழு­ணர்வு பேசினால் தான் எடு­படும் என்­பதை உணர்ந்து ‘ஆளப் போறான் தமிழன்’ பாடல், நம் பாரம்­ப­ரிய வேட்டி பற்­றிய பெரு­மித வசனம் என சரி­யாக சேர்க்­கப்­பட்­டி­ருந்­தது. இளைய தள­பதி, தள­ப­தி­யா­கவும் மாறி­யி­ருந்தார்.

தனது மன்­றத்தை ‘விஜய் மக்கள் இயக்­க­மாக’ 2009 ஆம் ஆண்டு மாற்றி, மாவட்டம், வட்டம் அளவு வரை பலப்­ப­டுத்தி வரு­கிறார். அர­சியல் அனு­ப­வ­முள்ள புதுச்­சேரி முன்னாள் எம்.எல்.ஏ. வான ‘புஸ்ஸி’ ஆனந்தை தன் மக்கள் இயக்­கத்தின் தலை­வ­ராக நிய­மித்தார்.

ஆரம்­பத்தில் தி.மு.க. வட்­டா­ரத்தில் நெருக்­க­மாக இருந்தார் விஜய். உத­ய­நிதி ஸ்டாலின், சன் பிக்சர்ஸ் தயா­ரிப்பில் நடித்தார். அந்த உறவில், 2006 ஆம் ஆண்டு, டில்­லியில் நடந்த விழாவில், பொங்கல் சிறப்பு தபால் தலையை அப்­போ­தைய பிர­தமர் மன்­மோகன் சிங் வெளி­யிட விஜய் பெற்றுக் கொண்டார், தயா­நிதி மாறன் உட­னி­ருந்தார்.

பின்னர் 2009 ஆம் ஆண்டில் ஒரு நாள் திடீ­ரென்று காங்­கிரஸ் இளைஞர் அணி பொறுப்­பா­ள­ராக இருந்த ராகுல் காந்­தியை சந்­திக்க டில்லி சென்றார்.

இந்த சந்­திப்பு முக்­கி­யத்­துவம் வாய்ந்­த­தா­கவும், அப்­பொ­ழுது கட்­சிக்கு இள ­ரத்தம் பாய்ச்ச ராகுல் உழைத்­துக்­கொண்­டி­ருந்­ததால், அர­சியல் ஆலோ­சனையாக இருக்­கலாம் என்றும் கரு­தப்­பட்­டது.

விஜயின் தந்தை எஸ்.ஏ.சந்திரசேகரனும் தகவல்களை வெளி­யி­டாமல் சஸ்பென்ஸ் காத்தார். பின்­னொரு நாள் இது பற்றி ராகு­லிடம் செய்­தி­யா­ளர்கள் கேள்­வி­யெ­ழுப்ப, “இளைஞர் காங்­கி­ரஸில் சேர விரும்­பினார் விஜய். ஆனால், அதற்­கான வயதை அவர் தாண்­டி­விட்டார்” என்று கூறி விட­யத்தை ஒன்­று­மில்­லாமல் ஆக்­கினார் ராகுல்.

திரைப்­பட வர்த்­தக விடயங்­களால், தி.மு.க. நட்­பி­லி­ருந்தும் விலகி, காங்­கிரஸ் கிசு கிசுவும் பொய்­யாகி இருந்த நிலையில், 2011 ஆம் ஆண்டு தேர்­தலில் ஜெய­ல­லி­தாவை சந்­தித்து, விஜய் மக்கள் இயக்­கத்தின் ஆத­ரவைத் தெரி­வித்தார் விஜயின் தந்தை எஸ்.ஏ.சந்திரசேகரன் அந்தத் தேர்­தலில் அ.தி­.மு.க. வெற்றி பெற்ற பின் விஜயும் அவ­ரது தந்­தையும் இணைந்து சென்று வாழ்த்துத் தெரி­வித்­தனர்.

வெளியே வந்து செய்­தி­யா­ளர்­க­ளிடம், “அ.தி.மு.க.வின் வெற்­றிக்கு ராம­னுக்கு அணில் உத­வி­யது போல் நாங்கள் உத­வினோம் என்­பதில் மகிழ்ச்சி”, என்று விஜய் தெரி­வித்­த­துடன் முடிந்­தது அ.தி.­மு.­க­.வு­ட­னான உறவு. தயா­ரிப்­பாளர் சங்­கத்­திலும் எஸ்.ஏ.சந்­தி­ர­சே­கரனின் பலம் குறைந்­தது.

பின்னர் நிகழ்ந்­தது தான் ‘தலைவா’ பிரச்­சனை. 2014 ஆம் ஆண்டு பாரா­ளு­மன்ற தேர்­தலில் மோடியின் விருப்­பத்தின் பேரில், கோயம்­புத்­தூரில் அவரைச் சந்­தித்தார் விஜய். கடை­சி­யாக மெர்சல் பட வெளி­யீட்டில் ஏற்­பட்ட தடைகள் தொடர்­பாக தற்­போ­தைய முதல்வர் எடப்­பாடி பழ­னிச்­சா­மியை சந்­தித்தார்.

பண­ம­திப்­பு­நீக்க நட­வ­டிக்கை, ஜல்­லிக்­கட்டு போராட்­டத்தின் போது ரக­சி­ய­மாகக் கலந்­து­கொண்­டது என்று, இப்­படி பல ஆண்­டு­க­ளா­கவே திரைப்­ப­டங்­க­ளிலும், திரைப்­ப­டங்­க­ளுக்கு வெளி­யிலும் அர­சி­ய­லு­ட­னேயே விஜய் நடந்து வந்த நிலையில் தற்போது பா.ஜ.க. வினர் எச்.ராஜா குறிப்பாக தெரி­வித்த எதிர்ப்பு, இந்­திய அளவில் கவ­னத்­தையும் ஆத­ர­வையும் மெர்­ச­லுக்கும் விஜய்க்கும் பெற்றுக் கொடுத்­தி­ருக்­கி­றது. ஒரு சாதாரண சினிமா, கழகக் குர­லா­கவும், கருத்து சுதந்­திரப் போரா­கவும் பார்க்­கப்­ப­டு­கி­றது.

தமிழ்­நாட்டில், ஆரம்­பத்­தி­லி­ருந்தே ஆண்­டாண்­டு­ கா­ல­மாக களத்­தி­லி­ருந்து செயற்­ப­டு­ப­வர்கள் அடை­யாத புக­ழையும் வெளிச்­சத்­தையும், திரைப்­ப­டங்­களில் நடித்­த­வர்கள் எளிதில் பெற்­று­வி­டு­வது நிகழ்ந்து வரு­கி­றது.

எம்.ஜி.ஆர். இதற்கு சிறந்த உதா­ர­ண­மென்­றாலும், அப்­படி சினி­மா­வி­லி­ருந்து வந்­த­வர்கள் அனை­வ­ருமே வெற்­றியும் பெற­வில்லை. சிவா­ஜி­யி­லி­ருந்து பாக்­யராஜ் வரை பல உதா­ர­ணங்கள் உண்டு. என்­றாலும், மெர்சல் படத்தில் பேசப்­பட்ட பிரச்­சி­னைகள் அனைத்­தையும் தொடர்ந்து பேசி வரும் சீமான், திரு­மு­ருகன் காந்தி போன்­றோரின் செயற்­பாட்டைத் தாண்­டிய தேசிய வெளிச்­சத்தைப் பெற்­றி­ருக்­கி­றது இந்த ஒரு படம்.

அது போல, திரைப்­ப­டங்­களை எடுத்­துக்­கொண்­டாலும், கருத்து ரீதி­யா­கவும், வலி­மை­யா­கவும் பன்­ம­டங்கு அழுத்­த­மாக மக்கள் பிரச்­ச­னை­களைப் பேசிய படம் ‘ஜோக்கர்’.

ஆனால், அந்தப் படம் இந்த அளவு விவா­திக்­கப்­ப­ட­வில்லை. அந்தப் படம் குறித்து குற்றம் சாட்­டி­ய­வர்கள் யாரும் காட்­டாத எதிர்ப்பும், அப்­போ­தைய அர­சியல் சூழலும் காரணம். மேலும், பிர­ப­ல­மான நடிகர் இல்­லா­ததும் ஒரு காரணம்.

ஏற்­க­னவே ஒவ்­வொரு பெரிய பிரச்­சி­னையும் நேரும்­போது, அதை திசை­தி­ருப்பும் வகையில் சில சின்ன பிரச்­ச­ி னைகள் எழு­வது வாடிக்கை. தமி­ழ­கத்தில் டெங்கு ஏற்­ப­டுத்தி வரும் மர­ணங்கள் தொட­ரும்­பொ­ழுது, நாட்டில் உள்ள அனை­வ­ருமே அறிந்த, ஏற்­க­னவே எதிர்ப்­புகள் இருப்பது தெரிந்த பிரச்சினைகளைப் பேசும் வசனங்களுக்கு, தணிக்கையெல்லாம் கடந்து வெளியான பின்பு எதிர்ப்பு தெரிவித்து, இவ்வளவு தூரம் அதை பேசுபொருள் ஆக்கியிருப்பதும் யோசிக்க வைக்கிறது.

எது எப்படியோ, தமிழிசையும், எச்.ராஜாவும் காட்டிய எதிர்ப்பு, விஜயின் அரசியலுக்கும் பா.ஜ.க தெரிந்தோ தெரியாமலோ செய்திருக்கும் பேருதவியே… தற்போதைய தமிழகத்தில் தீர்க்கப்படாத பிரச்சினைகள் அதிகரித்துள்ளதோடு டெங்கு உயிரிழப்புகள் கந்து வட்டி கட்டமுடியாமல் பெற்ற குழந்தைகளை பெற்றோரே பெற்றோல் ஊற்றி எரித்துக் கொன்று தாங்களும் தீவைத்துக்கொண்டு உயிரிழக்கும் அவலங்கள் தொடருகின்றன.

பா.ஜ.க.வின் கைப்பாவை என விமர்சிக்கப்படுகின்ற தமிழக அரசால் அதாவது எடப்பாடி பழனிச்சாமியால் இப்பிரச்சினைகளில் இருந்து கூட மக்களை காப்பாற்ற முடியவில்லை. மாறாக தங்களது கட் அவுட்களை தமிழகமெங்கும் வைக்க நீதிமன்றத்தில் வாதாடிகொண்டிருகின்றனர்.

தன்னை எதிர்பவர்களை எல்லாம் வருமான வரி சோதனை, சி.பி.ஐ. விசாரணை என இழுத்தடிக்கும் மோடி தலைமையிலான அரசுக்கு தொடர்ந்து தமிழகத்தில் தமக்கு கட்டுப்பட்ட ஒரு கைப்பாவை தலையாட்டி பொம்மை போன்ற அரசே தேவைப்படுகின்றது.

ஆனால் தமிழகத்துக்கு நல்ல தலைமை தேவைப்படுகின்றது… நிரப்ப முடியாத ஒரு வெற்றிடம் ஜெயலலிதாவின் மறைவுக்கு பின்னர் தமிழக அரசியலில் ஏற்பட்டுள்ளது. ஆகவே ஒரு தலைவரின் தேவை இத்தருணத்தில் மிக மிக அவசியமானது அது விஜயாக கூட இருக்கலாம்.

–குமார் சுகுணா–

Related Articles

0 Comments

No Comments Yet!

There are no comments at the moment, do you want to add one?

Write a comment

Write a Comment

Your email address will not be published.
Required fields are marked *

*

ilakkiyainfo Tweets

Facebook Like Box

Contact Us

news@ilakkiyainfo.com

Email Subscription

தினமும் பதிவுகளை மின்னஞ்சல் மூலம் பெற்றிட

Enter your email address:

Delivered by FeedBurner

November 2017
M T W T F S S
« Oct    
 12345
6789101112
13141516171819
20212223242526
27282930  

Latest Comments

குறைந்த ஊதிய தகவல் சரியானது. ஆனால், ஒரு கத்தார் ரியால் 42.2 ரூபாய்கள் மட்டுமே. ஆகவே குறைந்த ஊதியம் இலங்கை [...]

முஸ்லிம்களின் உள்விவகாரங்களில் எப்பவுமே நான் கருத்து தெரிவிப்பதில்லை. ஆனால் முஸ்லிம் பெண்களை பகீரங்க வெளியில் படங்களோடு கேழ்விக்குளாக்குவது அதிற்சியாய் இருக்கிறது.குறானில் [...]

புலி கூடடத்தால் மிஞ்சியது அழிவு மட்டுமே, இன்று தமிழர்களுக்கு இருக்கும் ஒரே அரசியல் தீர்வான " மாகாண சபை [...]

How can you tell she is a Eelam girl, has she Sri Lankan Citizen ? [...]

2009கு பின் சில காலமாக அடங்கியிருந்த புலி காவலிகள் மீண்டும் தங்கள் அடாவடிகளை ஆரம்பித்ததும் காரணம் தற்போது [...]

இலங்கை பத்திரிகைகள்

English News