ilakkiyainfo

ilakkiyainfo

`என் அம்மா, அப்பாவுக்கு நான் இப்போ எப்படி இருப்பேன்னுகூட தெரியாது..!’’ – ‘அருவி’ எமிலி

`என் அம்மா, அப்பாவுக்கு நான் இப்போ எப்படி இருப்பேன்னுகூட தெரியாது..!’’ – ‘அருவி’ எமிலி
December 21
06:25 2017

`கடந்த வெள்ளியன்று  வெளியாகி பல பாஸிட்டிவ் விமர்சனங்களைப் பெற்றிருக்கும் திரைப்படம் ‘அருவி’. அறிமுக இயக்குநர் அருண் எடுத்திருக்கும் இந்தப் படத்தில் திருநங்கை கதாபாத்திரத்தில் எமிலியாக நடித்திருப்பவர் நடிகை அஞ்சலி வரதன்.

இவருக்கு முதல் படமான ‘அருவி’ வாய்ப்பு எப்படி வந்தது என்பது பற்றி தெரிந்துகொள்ள அஞ்சலியிடம் பேசினோம்.

”இந்தப் படத்தில் அருவியை அவர்கள் வீட்டில் இருப்பவர் புறக்கணிப்பார்கள். அப்போது, அருவி எப்படி வீட்டிலிருந்து வெளியே வந்து கஷ்டப்படுவாரோ, அதே மாதிரி நான் திருநங்கையாக இருந்ததால் வீட்டிலிருந்து வெளியே வந்து பட்ட கஷ்டங்களும், அவமானங்களும் அதிகம்” என்று பேச ஆரம்பிக்கிறார் அஞ்சலி.

” என்னுடைய சொந்த ஊர் பாண்டிச்சேரி. சின்ன வயதில் அப்பா, அம்மா குடும்பத்துடன் சென்னைக்கு வந்துவிட்டனர். என்னுடன் பிறந்தவர்கள் இரண்டு அண்ணன், அக்கா. நான்தான் வீட்டில் கடைக்குட்டி.

என்னுடைய பத்து வயதின்போதே எனக்குள்ளே ஹார்மோன் சேன்ஜ் ஆகி, திருநங்கையாக மாறப்பெற்றேன். அப்போது என்னுடன் ஸ்கூலில் படித்த பசங்க எல்லாம் என்னை மிகவும் கிண்டல் செய்வார்கள்.

எனக்கு அப்போது அழுகையாக வரும். வீட்டில் இருந்த என் பெற்றோர்கள், உடன் பிறந்தவர்கள் எல்லோரும் என்னை தீண்டத்தகாத ஒருவராய்ப் பார்க்க ஆரம்பித்தனர்.

நான் சாப்பிட்ட தட்டு, படுக்கை எல்லாம் தனியாக ஓரத்தில்தான் இருக்கும். அதை அவர்கள் தொட மாட்டார்கள்.

அவர்களுடைய பொருள்கள் எதையும் தொடவும் விட மாட்டார்கள். வீட்டில் இருந்தவர்களை என்னைப் புரிந்துகொள்ளாத காரணத்தால் என் 16 வயதில் வீட்டை விட்டு வெளியேறினேன்.

அப்போது சென்னையிலிருந்த திருநங்கைகள் சிலரிடம் நட்பானேன். மும்பையில் சில நாள்களும் இருந்தேன். அப்போது வாழ்க்கை இப்படியே போயிட்டே இருக்குனு யோசித்தேன்.

அப்போது ஒரு என்.ஜி.ஓ-வில் பரதநாட்டியம் சொல்லித்தருவதாகச் சொன்னார்கள். உடனே, அதில் சேர்ந்தேன்.

பொன்னினு  ஒரு திருநங்கை அங்கே இருந்தாங்க. அவங்கதான் எனக்கு குரு. அவர்களிடம்தான் பரதநாட்டியம் கத்துக்கிட்டேன். பொன்னி, ”சென்னையில் ஒரு பரதநாட்டிய கிளாஸ் ஆரம்பிக்கணும்”னு சொன்னாங்க.

சரி, பண்ணலாம்னு திருநங்கை மற்றும் குடிசை வாழ் பகுதியில் வாழும் குழந்தைகளுக்காக பரதநாட்டிய கிளாஸ் தொடங்கினோம். தற்போது நாற்பது குழந்தைகள் பரதநாட்டியம் கத்துக்கிட்டு இருக்காங்க.

அப்போது, ‘அருவி’ படத்தில் நடிப்பதற்காக ஆடிசன் நடந்தது. அதில் கலந்துகொள்ள தூத்துக்குடியில் இருந்து ஒரு திருநங்கை வந்திருந்தார்கள். அவர்களை ஆடிசனுக்காக நான்தான் அழைத்துப் போனேன். ஏன்னா, அவர்களுக்குச் சென்னையில் எந்த இடமும் தெரியாது.

anjali_17175  `என் அம்மா, அப்பாவுக்கு நான் இப்போ எப்படி இருப்பேன்னுகூட தெரியாது..!’’ - 'அருவி' எமிலி anjali 17175

ஆடிசன் போன இடத்தில் எனக்கும் சேர்த்து ஒரு சீன் கொடுத்தாங்க. நாங்க ரெண்டு பேரும் நடித்தோம். அதன்பிறகு ரிசல்ட் எதுவும் சொல்லவில்லை அதனால் கிளம்பி விட்டோம்.

அதன் பிறகு ஒரு மாதம் கழித்து எனக்கு போன் வந்தது, உங்களைப் படத்தில் நடிக்க செலக்ட் செய்திருக்கிறோம் என்று, அதற்குப்பிறகு ஒரு மூன்று மாதம் எப்படி நடிக்கணும்னு சொல்லிப் பயிற்சி கொடுத்தாங்க.

இது எல்லாமே மூன்றரை வருஷத்துக்கு முன்பு நடந்தது. நடிக்கும்போது எங்களுக்கான பயிற்சி முறைப்படி கொடுத்ததால் எந்த சீனும் நடிப்பதற்கு கஷ்டமாகத் தெரியவில்லை.

நான் அடிவாங்கும் சீனில், ‘அண்ணா நல்லா அடிங்க அப்போதுதான் தத்ரூபமாக இருக்கும்”னு  நானே சொன்னேன்

ஷூட்டிங் முடிந்து இரண்டரை வருஷத்துக்குப் பிறகுதான் படம் ரிலீஸ் ஆகியிருக்கு. இத்தனை வருஷத்துக்குப் பிறகு படம் ரிலீஸாகி நல்லா பேசப்படும்போது மகிழ்ச்சியாக உள்ளது.

படம் ரிலீஸ் ஆனதுக்குப் பிறகு தியேட்டரில் போய் படம் பார்த்தேன். அப்போது நிறையப் பேர் என்னைப் பார்த்து எமிலி கேரக்டர் நல்லா செய்திருக்கீங்கனு பாராட்டினாங்க.

இது எனக்கு ரொம்ப மகிழ்ச்சியாக இருந்தது. ஏன்னா, என் அம்மா படம் பார்த்து இருப்பாங்களானு தெரியாது. அப்படியே பார்த்திருந்தாலும் அவர்களுக்கு என்னை அடையாளம் தெரியுமானு கூட தெரியவில்லை.

சின்ன வயதிலேயே வீட்டிலிருந்து வெளியே வந்துவிட்டதால் என்னை அவர்களுக்கு அடையாளம்கூட தெரியாது. நான் எங்கே இருக்கேன் இப்போது என்ன செய்கிறேன் என்று என்னைப் பெத்தவர்களுக்குத் தெரியாது.

என் அப்பா இறந்துவிட்டார் என்ற செய்திகூட எனக்கு யாரோ ஒருவர் மூலமாக சமீபத்தில்தான் தெரியவந்தது. முழுப்படத்தையும் பார்க்கும்போது என்னையே அறியாமல் க்ளைமாக்ஸ் சீனில் அழுதுவிட்டேன்.

அப்படியே புரட்டி எடுத்துவிட்டது. தியேட்டரை விட்டு வெளியே வரும்போது கனத்த இதயத்துடன்தான் வந்தேன்.

14_17403  `என் அம்மா, அப்பாவுக்கு நான் இப்போ எப்படி இருப்பேன்னுகூட தெரியாது..!’’ - 'அருவி' எமிலி 14 17403

எனக்கு எல்லாமே திருநங்கை பொன்னிதான். அவர்களும் படம்பார்த்துவிட்டு என்னைப் பாராட்டினார்கள்.

தியேட்டரில் மக்கள் எல்லோரும் என்னுடன் செல்பி எல்லாம் எடுத்துக்கொண்டார்கள். இது எல்லாம் எனக்கு வித்தியாசமான அனுபவமாக இருந்தது.

படத்தில் என்னுடைய கேரக்டர் பார்த்துவிட்டு நிறைய திருநங்கைகள் போன் பண்ணி வாழ்த்தினார்கள். ஏன்னா, என்னை மாதிரி ஒரு திருநங்கை முன்னேறினால்தான் எனக்குப் பின்னால் வரும் எத்தனையோ திருநங்கைகளுக்கு வாய்ப்புகள் கிடைக்கும்.

திருநங்கைகளுக்கு வேலை கிடைத்துவிட்டால் போதும் அவர்களே முன்னேறி விடுவார்கள். அரசாங்கம் அதைச் செய்யும் அப்படிங்கிறதை விட இந்தச் சமூகம்தான் முதலில் அதற்கு வழிவகுக்கணும்.

பத்து வருடங்களுக்கு முன்பு திருநங்கைகளைப் பார்த்த பார்வைக்கும் இப்போது சமூகத்தில் இருக்கும் மக்கள் பார்க்கும் பார்வைக்கும் நிறைய வித்தியாசங்கள் வந்திருக்கு.

இப்போதுதான் கொஞ்சம் எங்களை மதிக்க ஆரம்பித்து இருக்கிறார்கள்.  ஆனால், இன்னும் அடுத்த படிக்கு நாங்கள் எல்லோரும் செல்ல வேண்டும். சமூகத்துடன் ஒன்றிதான் நாங்கள் இருக்கோம்.

நாங்கள் எல்லோரும் எங்கள் வாழ்க்கையில் எத்தனையோ அவமானங்களைச் சந்தித்து இருக்கோம்” என்றார் ‘அருவி’ படத்தில் எமிலியாக வாழ்ந்த அஞ்சலி வரதன்.

Related Articles

0 Comments

No Comments Yet!

There are no comments at the moment, do you want to add one?

Write a comment

Write a Comment

Your email address will not be published.
Required fields are marked *

*

ilakkiyainfo Tweets

Facebook Like Box

Contact Us

news@ilakkiyainfo.com

Email Subscription

தினமும் பதிவுகளை மின்னஞ்சல் மூலம் பெற்றிட

Enter your email address:

Delivered by FeedBurner

September 2018
M T W T F S S
« Aug    
 12
3456789
10111213141516
17181920212223
24252627282930

Latest Comments

இவளுக்கு கடுமையான தண்டனை கொடுக்க வேண்டும் , அதை பார்த்து ஒரு தமிழ் நாய் பிரிவினை பற்றி பேச [...]

சுவிஸ் குமாரை தப்பிக்க 45 இலட்சம் பெற்று கொண்டு உதவியது விஜயகலா மகேஸ்வரன் என்ற தேவடியா , [...]

ஐரோப்பாவில் இப்படி ஒரு காட்டு மிராண்டி மக்களா ? இது தடை செய்யப்பட வேண்டும். ஜப்பானியர்கள் [...]

அன்று மேற்குலகின் ( அமெரிக்கா ) வாலை அன்டன் பாலசிங்கம் மூலம் பிடித்த இந்த பிரபாகரன், [...]

சீனர் என்ற படியால் பணம் கொடுத்தார் இதுவே ஒரு மேற்கு நாடடவராக இருந்தால் " Thank You [...]

இலங்கை பத்திரிகைகள்

English News