ilakkiyainfo

ilakkiyainfo

“ஓடும் காரிலிருந்து மனைவியைக் கீழே தள்ளிய கணவன்!’ – கோவையில் வெளியான அதிர்ச்சி வீடியோ

“ஓடும் காரிலிருந்து மனைவியைக் கீழே தள்ளிய கணவன்!’ – கோவையில் வெளியான அதிர்ச்சி வீடியோ
June 12
05:25 2019

திருமணமான பதினோரு வருடங்களுக்குப் பிறகு, ஏற்பட்ட கருத்து வேறுபாட்டால் தனது மனைவியை ஓடும் காரிலிருந்து கணவனே கீழே தள்ளி கொலை செய்ய முயன்ற சி.சி.டி.வி காட்சி வெளியாகி பெரும் பரபரப்பை ஏற்படுத்தி உள்ளது.”

கோவை துடியலூரை அடுத்து உள்ள தொப்பம்பட்டி குருடம்பாளையம் பகுதியைச் சேர்ந்தவர் ஆர்த்தி. சென்னையைச் சேர்ந்தவர் அருண் ஜூடு அமல்ராஜ்.

இருவருக்கும் திருமணமாகி பதினோரு வருடங்கள் ஆகின்றன. இரண்டு ஆண் குழந்தைகள் இருக்கிறார்கள். கடந்த மே மாதம், கோவையிலிருந்து சென்னைக்கு அழைத்துச் செல்வதாகக் கூறி ஆர்த்தியை காரில் ஏற்றிச்சென்றுள்ளார் அருண்.

துடியலூர் பகுதியில் கார் சென்று கொண்டிருக்கும்போது, கொலை செய்யும் நோக்கில், ஆர்த்தியை ஓடும் காரிலிருந்து கீழே தள்ளிவிட்டுச் செல்லும் சி.சி.டி.வி காட்சி தற்போது வெளியாகி பெரும் அதிர்வலைகளை ஏற்படுத்தியுள்ளது.

இதுகுறித்து துடியலூர் காவல் நிலையத்தில் வழக்குப் பதிவு செய்யப்பட்டுள்ளது.

என்ன பிரச்னை? போலீஸ் வட்டாரத்தில் விசாரித்தோம், “ கணவன் மனைவிக்குள் ஏற்பட்ட கருத்து வேறுபாடு காரணமாக கடந்த ஐந்து ஆண்டுகளாக ஆர்த்தியும் அருணும் பிரிந்து வாழ்ந்து வந்துள்ளனர்.

மும்பையில் ஒரு தனியார் நிறுவனத்தில் வேலை செய்துவந்த ஆர்த்தி மும்பையிலேயே விவாகரத்திற்கு விண்ணப்பித்துள்ளார்.

வழக்கை விசாரித்த நீதி மன்றம் குழந்தைகளின் எதிர்காலத்தைக் கருத்தில்கொண்டு சில விதிமுறைகளை விதித்து இருவரையும் சேர்ந்து வாழ அறிவுறுத்தியுள்ளது.

நீதிமன்ற உத்தரவுப்படி மும்பையில் தான் பார்த்த வேலையை விட்டுவிட்டு கோவை வந்துள்ளார் ஆர்த்தி. அருணும் சென்னையிலிருந்து வந்து ஆர்த்தியிடம் சமரசமாகப் பேசியிருக்கிறார்.

மே மாதம் 7-ம் தேதி, எல்லோரும் குடும்பத்தோடு ஊட்டிக்குச் சென்றிருக்கிறார்கள் அங்கேயே அருண் தனது பெற்றோர்களோடு சேர்ந்து ஆர்த்தியிடம் மீண்டும் தகராறில் ஈடுபட்டுள்ளார்.

ஆர்த்தியைக் கொலை செய்துவிடுவதா மிரட்டியுள்ளார். தனது கணவர் நீதிமன்ற விதிகளை மீறுவதாகவும் தன்னையும் தனது குழந்தைகளையும் மிரட்டுவதாகவும் கூறி ஊட்டி காவல் நிலையத்தில் புகார் கொடுத்துள்ளார் ஆர்த்தி.

இதுதொடர்பாக விசாரணை நடத்திய போலீஸாரிடம், `இனிமேல் இதுபோல் செய்யமாட்டேன்’ என்று உறுதியளித்து ஆர்த்தியை கோவைக்கு அழைத்து வந்துள்ளார் அருண்.

கோவை துடியலூரை அடுத்து உள்ள குருடம்பாளையத்தில் உள்ள ஆர்த்தியின் தங்கை வீட்டிலிருந்து, சென்னைக்கு அழைத்துச் செல்வதாகக் கூறி ஆர்த்தியை காரில் ஏற்றிச்சென்ற அருண், சிறிது தூரத்திலேயே மீண்டும் பிரச்னை செய்துள்ளார்.

பின்பு அருணும் அவரது பெற்றோரும் சேர்ந்து ஆர்த்தியை ஓடும் காரிலிருந்து கொலை செய்யும் நோக்கில் கீழே தள்ளிவிட்டுச் சென்றுள்ளனர்.

காரிலிருந்து ஆர்த்தி கீழே தள்ளப்படும் காட்சிகள் அப்பகுதியில், பொருத்தப்பட்டிருந்த சி.சி.டி.வி கேமராவில் பதிவாகி உள்ளது. காரிலிருந்து கீழே விழுந்ததில் காயமடைந்த ஆர்த்தி போலீஸில் புகார் அளித்துள்ளார்.

Related Articles

0 Comments

No Comments Yet!

There are no comments at the moment, do you want to add one?

Write a comment

Write a Comment

Your email address will not be published.
Required fields are marked *

*

ilakkiyainfo Tweets

Facebook Like Box

Contact Us

news@ilakkiyainfo.com

Email Subscription

தினமும் பதிவுகளை மின்னஞ்சல் மூலம் பெற்றிட

Enter your email address:

Delivered by FeedBurner

August 2019
M T W T F S S
« Jul    
 1234
567891011
12131415161718
19202122232425
262728293031  

Latest Comments

மிகப் பெரும் விஞ்ஞானிகள் , இவர்கள் நாசாவின் பணியாற்ற வேண்டியவர்கள் , ஆறறிவு அல்ல 12 அறிவு உடையவர்கள் , [...]

துப்பாக்கி உனக்கு ஏன் உன் சொந்த சகாக்களை கொல்லவா ? 1988 - 1996 வரை நீ செய்த [...]

50 வருடங்களுக்கு பின் தான் இந்தியாவுக்கு முடிந்திருக்கு. சீன எப்பவோ சாதித்து விட்ட்து. [...]

My vote for Mr. Gotabhaya Rajapaksa, he can only save our country. [...]

இறைவனின் துணையோடு நிலவை பிளந்த நபிக்கு அதே இறைவனின் துணையோடு ஒட்டவைக்க முடியாதா? ?? இந்த உலகத்தையே நாம்தான் படைத்தோம்னு சொல்லும் [...]

இலங்கை பத்திரிகைகள்

English News