பொள்ளாச்சி  உடுமலை வீதியில் கெடிமேடு என்ற இடத்தில் உள்ள கால்வாயில் கார் ஒன்று மிதந்ததை கண்ட பொதுமக்கள்,  உடனடியாக தீயணைப்புத்துறைக்கும், பொலிஸாருக்கும் தகவல் தெரிவித்துள்ளனர். விரைந்து சென்ற அவர்கள் காரை மீட்கும் பணியில் ஈடுபட்டனர், கிரேன் உதவியுடன் கார் மீட்கப்பட்டது.

 

காருக்குள் 6 பேரின் சடலங்கள் மீட்கப்பட்டுள்ளது. விபத்தில் உயிரிழந்தவர்கள், கோவை மலுமிச்சம்பட்டியைச் சேர்ந்தவர்கள் என முதற்கட்டத் தகவல்கள் தெரிவிக்கின்றன.

பிரகாஷ் என்பவர், தனது மனைவி, இரு குழந்தைகள் மற்றும் சகோதரர் குடும்பத்தினருடன் அந்த காரில் சென்றதாகக் கூறப்படுகிறது.

asdasds  கால்வாயில் மிதந்த கார்: ஒரே குடும்பத்தை சேர்ந்த ஆறு பேர் சடலங்களாக மீட்கப்பட்ட சோகம் asdasdsகுறிப்பிட்ட அந்த இடத்தில் வீதிஅகலமாகவும், அதன் வளைவில் பாலம் குறுகியதாகவும் இருப்பதாக சொல்லப்படுகிறது. நள்ளிரவில் கார் வேகமாகச் சென்ற போது, கட்டுப்பாட்டை இழந்து, கால்வாயில் பாய்ந்து விழுந்து விபத்து ஏற்பட்டுள்ளது.

கால்வாயில் கார் விழுந்த போது கதவுகள் அனைத்தும் பூட்டியிந்த காரணத்தால், யாராலும் தப்பித்து இருக்க முடியாது என பொலிசார் கூறியுள்ளனர்.

இதையடுத்து சடலங்களை மீட்டு பிரேத பரிசோதனைக்கு அனுப்பிய பொலிசார் இது குறித்த  மேலதிக விசாரணைகளை மெற்கொண்டு வருகின்றனர்.