ilakkiyainfo

ilakkiyainfo

தமிழ்த் தேசியக் கூட்­ட­மைப்பை பிள­வு­ப­டுத்திச் சாதிக்கும் யுக்தி பலிக்­குமா? -கபில்

தமிழ்த் தேசியக் கூட்­ட­மைப்பை  பிள­வு­ப­டுத்திச் சாதிக்கும் யுக்தி பலிக்­குமா?  -கபில்
September 16
12:30 2018

எந்தக் கொள்­கையும் இல்­லாத கூட்­ட­மைப்பு என்று கூறி­யுள்ள வடமாகாண முதலமைச்சர் அதே கூட்­ட­மைப்பின் மூலம் கிடைத்த முத­ல­மைச்சர் பதவி காலா­வ­தி­யாகும் நாள் வரை அதில் அமர்ந்து விட்டுப் போகும் உறு­தி­யுடன் தான் இருக்­கிறார் என்­பதில் சந்­தே­க­மில்லை.கூட்­ட­மைப்­புக்கு குறிப்­பிட்ட கொள்கை என எது­வு­மில்லை என்று கூறும் நிலைக்கு அவர் வந்து விட்ட நிலை­யிலும், அங்கு அவர் இனி­மேலும் தரித்து நிற்பார் என்று நம்­பு­வ­தற்கு இட­மில்லை

தமிழ்த் தேசியக் கூட்­ட­மைப்பை விட்டு, வடக்கு மாகாண முத­ல­மைச்சர் விக்­னேஸ்­வரன் வெளி­யேறப் போகிறார் என்­பது இப்­போது, உறு­தி­யாகி விட்­டது. அதனை அவர் அண்­மையில் ஒரு ஆங்­கில நாளி­த­ழுக்­கான செவ்­வியில் தெளி­வா­கவே கூறி­யி­ருக்­கிறார்.

தமிழ் மக்கள் பேர­வையின் கூட்­டத்தில் 2009இல் ஏற்­றுக்­கொண்ட தலை­மைத்­துவ பாத்­திரம் மற்றும் அணு­கு­மு­றையில் கூட்­ட­மைப்பு தோல்வி கண்டு விட்­டது என்று மொட்­டை­யாகக் கூறி தனது, வெளி­யேற்­றத்­துக்கு அச்­சாரம் போட்ட முத­ல­மைச்சர், ஆங்­கில நாளி­த­ழுக்கு கொடுத்த செவ்­வியில் மிகப் பட்­ட­வர்த்­த­ன­மாக பல விட­யங்­களைப் போட்டு உடைத்­தி­ருக்­கிறார்.

“தமிழ்த் தேசியக் கூட்­ட­மைப்­பிடம் குறிப்­பிட்ட எந்தக் கொள்­கை­களும் இல்லை. அது ஒரு பதிவு செய்­யப்­பட்ட அர­சியல் கட்­சியும் அல்ல. அத­னிடம் பொது­வான சின்­னமும் இல்லை.

முறைப்­படி, கிர­ம­மான கூட்­டங்­களை நடத்­து­வதும் இல்லை. எமது மக்­களின் தேவைகள், அபி­லா­சை­களை பிர­தி­ப­லிப்­பதை கைவிட்ட ஒரு குழு­வி­னா­லேயே அது இயக்­கப்­ப­டு­கி­றது.

மக்­க­ளுக்கு எது சிறந்­தது என்று அந்தக் குழுவே முடிவு செய்­கி­றது. நீங்கள் குறிப்­பிட்ட அந்த கன­வானும், (சுமந்­திரன்), அவ­ரது அடி­யாள்­க­ளுமே அதனை இயக்­கு­கின்­றனர். அவர்­களின் நலன்கள் சுய­சார்­பு­டை­யவை. மக்­களின் பங்­க­ளிப்­புக்கு அங்கு இட­மில்லை.” என்று அவர் அந்தச் செவ்­வியில் குறிப்­பிட்­டி­ருக்­கிறார்.

ஒரு கட்­சியில் இருந்து வெளி­யே­று­வ­தற்கு முடிவு செய்து விட்ட ஒரு­வ­ருக்கு, இதை­விடக் கூடு­த­லான நியா­யங்­களோ, கார­ணங்­களோ தேவைப்­ப­டாது.

ஆனால், முத­ல­மைச்சர் விக்­னேஸ்­வரன் தமிழ்த் தேசியக் கூட்­ட­மைப்பில் இணைந்து போட்­டி­யிட முன்­வந்த போதும், கூட்­ட­மைப்பு இப்­படித் தான் இருந்­தது. இப்­போதும் அப்­ப­டியே தான் இருக்­கி­றது.

அவர் கூட்­ட­மைப்பில் சேரும் போது கூட்­ட­மைப்­பிடம் இருந்த அதே தகை­மைகள் தான், இப்­போது அவர் வெளி­யேறும் போதும் அத­னிடம் இருக்­கி­றது.

எனவே கூட்­ட­மைப்பு மாறி விட்­டது என்று நியா­யப்­ப­டுத்­தினால் அது தவறு.

சில காலங்­க­ளுக்கு முன்னர், கூட்­ட­மைப்புத் தலை­மை­யுடன் முரண்­பா­டுகள் ஏற்­பட்ட போது, கூட்­ட­மைப்­புக்குள் இப்­ப­டி­யான நிலை இருக்­கி­றது என்று எனக்குத் தெரி­யாது என்று முத­ல­மைச்சர் கூறி­யி­ருந்தார்.

ஒரு முன்னாள் நீதி­ய­ரசர், தனக்­கென ஒரு ஆளுமைப் பரப்­பையும், செல்­வாக்குப் பரப்­பையும் கொண்ட ஒருவர், முத­ல­மைச்சர் பத­வியை நீட்­டு­கி­றார்கள் என்­றதும், அந்தக் கட்­சியின் தகு­நிலை, தகு­தி­யீ­னங்கள் பற்றி ஆரா­யாமல் உள்ளே வந்­தது சரி­யா­னதா?

எந்தக் கொள்­கையும் இல்­லாத கூட்­ட­மைப்பு என்று கூறி­யுள்ள அவர், அதே கூட்­ட­மைப்பின் மூலம் கிடைத்த முத­ல­மைச்சர் பதவி காலா­வ­தி­யாகும் நாள் வரை அதில் அமர்ந்து விட்டுப் போகும் உறு­தி­யுடன் தான் இருக்­கிறார் என்­பதில் சந்­தே­க­மில்லை.

கூட்­ட­மைப்­புக்கு குறிப்­பிட்ட கொள்கை என எது­வு­மில்லை என்று கூறும் நிலைக்கு அவர் வந்து விட்ட நிலை­யிலும், அங்கு அவர் இனி­மேலும் தரித்து நிற்பார் என்று நம்­பு­வ­தற்கு இட­மில்லை.

அதையே அவர் கடந்த வாரம் செவ்­வியில் மற்­றொரு சந்­தர்ப்­பத்தில் “மக்­களின் கருத்­துக்கள் மற்றும் அபி­லா­சை­களை மதிக்­கா­த­வர்­களின் கைகளில் நான், ஒரு கைப்­பா­வை­யாக இருக்க முடி­யாது. என்றும் அவர் கூறி­யி­ருக்­கிறார்.

இந்த நிலையில் விக்­னேஸ்­வ­ரனின் வெளி­யேற்றம் உறு­தி­யாகி விட்­டது. அவர் இன்­னொரு கட்­சியில் சேர்­கி­றாரோ, கூட்­ட­ணியை அமைக்­கி­றாரோ, அல்­லது மக்கள் இயக்­கத்­துக்கு தலை­மை­யேற்­கி­றாரோ என்­ப­தல்ல பிரச்­சினை.

அவர் கூட்­ட­மைப்பை விட்டு வெளி­யேறப் போவது உறுதி. அவ்­வாறு அவர் வெளி­யேறி அடுத்து எந்த நட­வ­டிக்­கையை எடுத்­தாலும், அது தமிழ்த் தேசியக் கூட்­ட­மைப்­புக்கு பாதிப்பை ஏற்­ப­டுத்தும் என்­பது தான் உண்மை.

ஏனென்றால், கூட்­ட­மைப்பின் வாக்­குகள் பிள­வு­படும்.

முத­ல­மைச்சர் விக்­னேஸ்­வரன் அர­சி­யலை விட்டு ஒதுங்கி மக்கள் இயக்­கத்­துக்கு தலைமை தாங்க முயன்­றாலும், அவர் கூட்­ட­மைப்பின் காலை இழுத்து வீழ்த்தும் காரி­யத்­தையே செய்வார் என்­பதும் உறு­தி­யா­கி­யி­ருக்­கி­றது.

கூட்­ட­மைப்­புக்குள் இருந்து கொண்டே, 2015 பாரா­ளு­மன்றத் தேர்­தலில் வீட்டை விட்டு வெளியே வந்து வாக்­க­ளி­யுங்கள் என்று அறை­கூவல் விடுத்த அவர், கூட்­ட­மைப்பை விட்டு வெளியே வந்த பின்­னரும் சும்­மா­யி­ருப்பார் என்று எவரும் எதிர்­பார்க்க முடி­யாது.

கூட்­ட­மைப்பை விட்டு வெளியே வந்து, கூட்­ட­மைப்பின் வாக்­குகள் பிரிக்­கப்­ப­டு­வ­தை­யிட்டும் அவர் கவலை கொள்ளப் போவ­தில்லை. அதனால் தமிழர் தரப்­புக்கு ஏற்­படக் கூடிய இழப்­பு­க­ளையும் பெரிய விட­ய­மாக அவர் கரு­த­வில்லை.

ஆங்­கில நாளிதழ் செவ்­வியில் இது­பற்றி கேட்­கப்­பட்­ட­தற்கு அவர் அளித்­தி­ருக்­கின்ற பதிலே அதற்குச் சான்று.

“நீங்கள் இன்­னொரு கூட்டின் கீ்ழ் போட்­டி­யிட்டால் வாக்­குகள் பிள­வு­படும்.தனிப்­பெ­ரும்­பான்மை கிடைக்­காது. இதனால் பாதிக்­கப்­படப் போவது தமிழர் தரப்பே, அர­சியல் தீர்வை நோக்­கி­யி­ருக்கும் தமிழர் தரப்­புக்கு இது ஒரு பின்­ன­டைவே, நீங்­களே ஆக்­கு­வோ­னா­கவும், அழிப்­போ­னா­கவும் இருக்க விரும்­பு­கி­றீர்­களா?” என்று கேள்வி எழுப்­பப்­பட்­டது.

அதற்கு அவர் “தனிப்­பட்ட நல­வு­ரித்­துக்­களைப் பெற்றுக் கொள்ள அர­சியல் மௌனம் காத்து- எமது பிரச்­சி­னை­க­ளையும் நல­வு­ரித்­துக்­க­ளையும் வெளிப்­ப­டுத்­து­வதைத் தவிர்க்க எத்­த­னிப்­பதை தடுக்க வாக்­குகள் பிள­வு­பட்டால் அதில் பிழை­யில்லை.

கடந்த 9 ஆண்­டு­களில் கட்சி பிள­வு­ப­டாமல் இருந்து, அர­சியல் தீர்வு காணும் விட­யத்தில் ஒரு அங்­கு­ல­மேனும் முன்­னே­றி­யுள்­ளதா?

இரா­ணுவம் எமது காணி­களில் இன்­னமும் குடி­யி­ருக்­கி­றது. சிங்­களக் குடி­யேற்­றங்கள் தொடர்­கி­றது. பௌத்­தர்கள் நிரந்­த­ர­மாக வாழாத பகு­தி­களை நோக்கி புத்தர் சிலைகள் வரு­கின்­றன. எமது காணி உரித்­து­களில் மகா­வலி அதி­கா­ர­சபை தலை­யி­டு­கி­றது. எமக்­கு­ரிய சிறி­ய­ள­வி­லான பொலிஸ் அதி­கா­ரத்­தையும் எம்­மிடம் தர­வில்லை. இப்­ப­டியே நீண்டு செல்­கி­றது’ என்று கூறி­யி­ருந்தார்.

அதா­வது, தமிழ் மக்­களின் பிரச்­சி­னைகள், நல உரித்­துக்­களை வெளிப்­ப­டுத்­து­வதை தவிர்ப்­பதை தடுப்­ப­தற்­காக வாக்­குகள் பிள­வு­ப­டுத்­தப்­ப­டு­வதில் தப்­பில்லை என்று மாத்­திரம் அவர் கூற­வில்லை.

கூட்­ட­மைப்­பாக கடந்த 9 ஆண்­டு­களில் ஒன்­று­பட்­டி­ருந்து எதனைச் சாதித்தோம் என்றும் அவர் கேள்வி எழுப்­பி­யி­ருக்­கிறார்.

இதுதான் அபத்­த­மான விடயம். “ஒன்­று­பட்டால் உண்டு வாழ்வு”, ஒற்­று­மையே பலம், என்று பல பழ­மொ­ழிகள் கூறப்­ப­டு­கின்­றன. ஆனால் அதை­யெல்லாம் உதா­சீனம் செய்யும் வகையில் அமைந்­தி­ருக்­கி­றது முத­ல­மைச்­சரின் கருத்து.

கூட்­ட­மைப்பு ஒன்­று­பட்­டி­ருந்­தது கடந்த 9 ஆண்­டு­களில் மாத்­தி­ர­மல்ல, அதற்கு முன்­னரே, 2001ஆம் ஆண்டில் இருந்தே கூட்­ட­மைப்பு செயற்­பாட்டு ரீதி­யாக ஒன்­று­பட்­டி­ருந்­தது. விடு­தலைப் புலி­க­ளுடன் சேர்ந்தே செயற்­பட்­டது.

அப்­படி ஒன்­று­பட்­டி­ருந்தும், கூட தமி­ழரின் உரி­மை­களை அடையும் விட­யத்தில் எதையும் சாதிக்க முடி­ய­வில்லை என்­பது உண்மை தான்.

அதற்­காக, வாக்­கு­களை பிரித்துப் போட்டு, அர­சியல் செய்தால் மாத்­திரம், அந்த அர­சியல் உரி­மை­க­ளையும், முத­ல­மைச்சர் குறிப்­பிட்ட விட­யங்­க­ளையும் சாதித்து விட முடி­யுமா?

கூட்­ட­மைப்பை பிள­வு­ப­டுத்தி, அதன் வாக்­கு­களை சிதைத்து வெளியே வரும் முத­ல­மைச்சர், தான் தலை­மை­யேற்கும் கூட்­ட­ணியைக் கொண்டு மாத்­திரம், இந்த விட­யங்­களை அடைந்து விட முடி­யுமா? அதுவும் நிச்­ச­ய­மற்­றது தான். ஒரு போதும் அவரால் அத்­த­கைய வாக்­கு­று­தியைக் கூட கொடுக்க முடி­யாது.

பல­மாக இருக்கும் போது கண்­டு­கொள்­ளாத சிங்­களத் தலை­மைகள், தமிழர் தரப்பு பல­வீ­ன­ம­டையும் போது கண்­டு­கொள்­வார்கள் என்று எதிர்­பார்ப்­பது மடமை.

முத­ல­மைச்சர் விக்­னேஸ்­வ­ரனைப் பொறுத்­த­வ­ரையில், கூட்­ட­மைப்பு மற்றும் அதன் தலைமை தொடர்­பாக ஆழ்ந்த அதி­ருப்­தியும், வெறுப்பும் இருக்­கி­றது. அத­னுடன் ஒட்­டிப்­போக முடி­யா­மைக்கு அவர் ஆயிரம் கார­ணங்­களை முன்­வைக்­கலாம். அது அவ­ரது தனிப்­பட்ட விடயம்.

கூட்­ட­மைப்புத் தலை­மை­யுடன் இணங்கிப் போவதும் போகாமல் இருப்­பதும், அவ­ரது உரிமை. ஆனால் அதற்­காக, ஒன்­பது ஆண்­டுகள் ஒன்­றாக இருந்து எதைச் சாதித்தோம், இனிப் பிள­வு­பட்டால் என்ன என்ற தோர­ணையில் கேள்­வியை எழுப்­பு­வது அபத்தம்.

தமிழர் தரப்பின் வாக்­குகள் சித­ற­டிக்­கப்­ப­டாமல், ஒன்­று­ப­டுத்­தப்­பட வேண்டும். அதன் மூலம் உரு­வாக்­கப்­படும் பலம் தான் முக்­கி­ய­மா­னது. அது கூட்­ட­மைப்­பாக இருக்­கலாம். இன்­னொரு அமைப்­பா­கவும் இருக்­கலாம். ஆனால் தமி­ழரின் வாக்­குகள் ஒருங்­கி­ணைக்­கப்­பட வேண்டும்.

அதை விடுத்து. வாக்­கு­களைப் பிள­வு­ப­டுத்­து­வதோ- அதனை நியா­யப்­ப­டுத்­து­வதோ, அற்ப அர­சியல் நலன்சார் விட­ய­மா­கவே தெரி­கி­றது.

முதலமைச்சர் விக்னேஸ்வரன் தானே ஒரு அணியை உருவாக்கி மேற்கூறிய விடயங்களை – அல்லது இலக்குகளை அடைய முடியும் என்பதற்குக் கூட எந்த உத்தரவாதமும் இல்லை என்பதை அவர் மறந்து விடக் கூடாது.

இதில் தனியே தமிழர்களின் அரசியல் மாத்திரமல்ல. சிங்களவர்களின் அரசியலும் சேர்ந்தே இருக்கிறது.

எனவே அவரால் கூட இந்த விடயங்களை தனித்துச் சாதித்து விட முடியும் என்று நம்புவதற்கு தமிழ் வாக்காளர்கள் ஒன்றும் முட்டாள்களில்லை.

தமிழ்த் தேசியம் பேசிக் கொண்டு தமிழ் மக்களின் வாக்குகளை உடைத்து, சிங்களப் பேரினவாத சக்திகளுக்கு வடக்கிலும் தீனி போடும் நிலை ஒன்று ஏற்படுமானால், அதற்கான பாவத்துக்கும் பழிக்கும், தமிழ் மக்களின் வாக்குகளை உடைத்தவர்கள் எவராயினும் பொறுப்புக்கூறியே ஆக வேண்டும்.

அத்தகையதொரு நிலையை நோக்கித் தான், தமிழ்த் தேசிய அரசியல்வாதிகள் ஒட்டுமொத்தமாகச் சென்று கொண்டிருக்கிறார்கள்.

Related Articles

0 Comments

No Comments Yet!

There are no comments at the moment, do you want to add one?

Write a comment

Write a Comment

Your email address will not be published.
Required fields are marked *

*

ilakkiyainfo Tweets

Facebook Like Box

Contact Us

news@ilakkiyainfo.com

Email Subscription

தினமும் பதிவுகளை மின்னஞ்சல் மூலம் பெற்றிட

Enter your email address:

Delivered by FeedBurner

November 2019
M T W T F S S
« Oct    
 123
45678910
11121314151617
18192021222324
252627282930  

Latest Comments

இந்த கோமாளி சர்வ தேசத்துக்கு எதோ செய்தி சொல்வதாக கூறி இந்த தேர்தலில் போட்டியிடடான் , ஆனால் வடகிழக்கு [...]

காஷ்மீர் மக்களை உரிமையுடன் இந்த மோடி ( மோசடி ) நடத்த வேண்டும் , இலங்கை தமிழர்கள் கருணை காட்ட [...]

எந்த தை பொங்கலுக்கு , எந்த தீபாவளிக்கு தீர்வு வரும் அதை முதலில் சொல்லுங்க ? புலிகள் [...]

17ம் திகதிக்கு பின் இங்கு , பணம் காயும் , வாழைப்பழ குலையும் சேமிக்கும் இடமாக மாற்றப்பட [...]

இங்கு வேலை செய்யும் தமிழர்கள் நவீன கால அடிமைகள் , இந்த உணவகத்தை புறக்கணிப்பதுடன் [...]

இலங்கை பத்திரிகைகள்

English News