ilakkiyainfo

ilakkiyainfo

நம்புவீர்களா? மாம்பழம் விற்கும் எம்.பி.-யின் மகள்!

நம்புவீர்களா? மாம்பழம் விற்கும் எம்.பி.-யின் மகள்!
August 11
09:45 2017

யாரைப் பார்த்தாலும் `அந்தக் காலத்தில் கக்கன் இருந்தார், காமராஜர் இருந்தார். இப்பவும் இருக்காங்களே’ என்கிற புலம்பல்தான் எழுகிறது. நம் காலத்திலும்கூட அப்படி ஓர் அரசியல்வாதி வாழ்கிறார்.

நமக்குதான் அறிமுகம் இல்லை. நாட்டில் நிலவும் அரசியல் சூழலில், அந்த அரசியல்வாதியையும் நிச்சயமாக அறிமுகம் செய்துவைக்க வேண்டும்.

அவர்தான் கரியமுண்டா. ஒருமுறை எம்.பி-யாக இருந்தாலே மகனுக்கு பெட்ரோல் பங்க் வைத்துக் கொடுத்து, நான்கு தலைமுறைகளுக்குச் சொத்து சேர்த்துவிடுபவர்களுக்கு மத்தியில், கரியமுண்டாவின் மகள், தெருவில் மாம்பழம் விற்கிறார்.

kariya_10047  நம்புவீர்களா? மாம்பழம் விற்கும் எம்.பி.-யின் மகள்! kariya 10047

முன்னாள் மக்களவை சபாநாயகர் கரியமுண்டா

பீகார் மாநிலத்தைச் சேர்ந்த கரியமுண்டா, 1977-ம் ஆண்டு முதல் குந்தி (தற்போது ஜார்ஹன்ட்) தொகுதியிலிருந்து ஏழு முறை எம்.பி-யாகத் தேர்ந்தெடுக்கப்பட்டவர்.

1977-ம் ஆண்டில் மொரார்ஜி தேசாயின் அரசில் மத்திய அமைச்சராகவும் இருந்தார். தேர்தலுக்குத் தேர்தல் தொகுதி மாறும் அரசியல்வாதிகளுக்கு மத்தியில், ஒரே தொகுதியில் தொடர்ந்து போட்டியிட்டு வெற்றிபெற்றவர் கரியமுண்டா.

தேர்தல் பிரசாரத்துக்கு எல்லாம் அவர் போகவேண்டிய அவசியமே இல்லை. `படுத்துக்கொண்டே ஜெயித்தார்’ எனச் சொல்வார்கள் அல்லவா! முண்டாவும் அந்த ரகம்தான். வாஜ்பாய் அமைத்த 13 நாள் அமைச்சரவையில், முண்டா அமைச்சராக இருந்தார். மக்களவை துணை சபாநாயகர் பதவியும் வகித்திருக்கிறார்.

kariya-1_10299  நம்புவீர்களா? மாம்பழம் விற்கும் எம்.பி.-யின் மகள்! kariya 1 10299விவசாயத்தில் ஈடுபடும் கரிய முண்டா

77 வயதான கரியமுண்டா, இப்போதும் குந்தி தொகுதி எம்.பி-தான். ஜார்ஹன்டில் அனிகாரா என்ற கிராமத்தில் சாதாரண ஓட்டு வீட்டில்தான் வசித்துவருகிறார்.

வீட்டைச் சுற்றி உள்ள நிலத்தில், காய்கறிகளை அவரே பயிரிடுகிறார். எஞ்சியதை விற்பனைக்கு அனுப்புவார். ஜார்ஹன்ட் மாநில அமைச்சர்களே கோடிகளில் புரள்கையில், எட்டு முறை எம்.பி-யாக இருந்த கரியமுண்டாவின் சொத்து மதிப்பு 75 லட்சம் ரூபாய்தான்.

கரியமுண்டாவின் தொகுதியில் நக்ஸலைட்டுகள் தொல்லையும் அதிகம். இருப்பினும், கரியமுண்டா தன் வீட்டுக்குப் பாதுகாப்பு வேண்டும் என்று ஒருநாளும் கேட்டதில்லை.

இவருக்கு, இரண்டு மகன்கள் நான்கு மகள்கள். அதில் சந்திரவதி சாரு என்பவர் ஆசிரியையாகப் பணியாற்றுகிறார். தந்தை எம்.பி-யாக இருந்தாலும், அதன் பாதிப்பு இல்லாமல் வளர்ந்தவர் சந்திரவதி.

கரியமுண்டா, தன் குழந்தைகளை சமூக அக்கறையுடன்தான் வளர்த்திருந்தார். எம்.பி-யின் மகள் என்றே கருதாத சந்திரவதி, சாமான்ய மக்களுடன் விரும்பிப் பழகுவார்.

சந்தைக்குச் சென்று மாம்பழங்களை வாங்கி வந்து தெருக்களில் அமர்ந்து விற்பனை செய்வார். பணத் தேவைக்காக சந்திரவதி மாம்பழ விற்பனையில் ஈடுபடவில்லை.

மாம்பழம் விற்கும் கரிய முண்டாவின் மகள்

விவசாயிகளுக்கும் பயனளிக்கும் வகையிலும், மாம்பழ விற்பனையில் கிடைக்கும் வருவாயில் ஏழைக் குழந்தைகளின் பள்ளிக் கல்விக் கட்டணத்தைச் செலுத்துவதற்காகவும் சந்திரவதி இந்த மாம்பழ விற்பனை செய்கிறார்.

சந்திரவதி கூறுகையில், “என் தந்தை `சமுதாயத்தின் அடித்தட்டு மக்களை எப்போதும் மறந்துவிடக் கூடாது’ என்று கூறுவார். தற்போதையை தலைமுறை, விவசாயத்தில் ஈடுபடுவதைக் கேவலமாக நினைக்கிறது.

விவசாயிகள் இந்த நாட்டின் முதுகெலும்பு என்பதை மறந்துவிடக் கூடாது. இளைய தலைமுறைக்கு எடுத்துக்காட்டாக இருக்க வேண்டும் என்பதற்காகவே, ஆசிரியைப் பணியுடன் மாம்பழம் விற்கும் பணியிலும் ஈடுபடுகிறேன்.

இதில், கிடைக்கும் வருவாயை வைத்து, முடிந்த வரை ஏழைகளுக்கு உதவுகிறேன். மக்கள் எளிய வாழ்க்கைக்குப் பழகிக்கொள்ள வேண்டும்” என்கிறார்.

Related Articles

0 Comments

No Comments Yet!

There are no comments at the moment, do you want to add one?

Write a comment

Write a Comment

Your email address will not be published.
Required fields are marked *

*

ilakkiyainfo Tweets

Facebook Like Box

Contact Us

news@ilakkiyainfo.com

Email Subscription

தினமும் பதிவுகளை மின்னஞ்சல் மூலம் பெற்றிட

Enter your email address:

Delivered by FeedBurner

December 2017
M T W T F S S
« Nov    
 123
45678910
11121314151617
18192021222324
25262728293031

Latest Comments

அமெரிக்க எடுபிடி ஆக உள்ள மைத்ரி அரசுக்கு ரஷ்யா அடித்த ஆப்பு இது, ஈரான், [...]

இந்த கொலை கார புளொட் காரன் சித்தம் பிழைத்தவன் , [...]

இவர்கள் எல்லா யாழ் பாணிகளை போல் பிரபாகனிசத்தை பின் பற்றுபவர்கள் , மாவீரர் தினம் [...]

டிரம்ப் செய்துள்ள ஒரே நல்ல விடையம் இது தான். [...]

chechi your dance is superb... Tamil News Bulletin [...]

இலங்கை பத்திரிகைகள்

English News