ilakkiyainfo

ilakkiyainfo

மரணம் ஒரு முறைதான்! (கவிதை) -சந்துரு

மரணம் ஒரு முறைதான்! (கவிதை) -சந்துரு
April 17
20:53 2014

 

அடங்கிப்போகும்
தமிழர்களின் மூச்சும்
அடக்கப்படும் எரிக்கப்படும்
தமிழர்களின் உடலங்களும்!

இன்றல்ல நேற்றல்ல
என் அப்பன் பாட்டன் காலத்திலிருந்தே
அழுகிப்போகும் அரசியல்
அடங்கிப்போகும் தமிழன் பேச்சுமூச்சு!

நாகரீகம் வானை முட்டி
வளர்ந்து நின்றாலென்ன
ஜனநாயகம் வீதியில் உலாவினாலென்ன
இனவாதம் மறுஜென்மம் எடுக்கும்

மனித உடலங்களையும்
மனித மனங்களையும் கொத்தித்தின்னும்
பெரும்பான்மை வீசும் சவுக்குகளில்
கிழிந்துபோகும் சிறுபான்மை!

ஐநாவும் அமெரிக்காவும்
வருமென்று எண்ணாதே!
எண்ணையும் நிலக்கரியும்
எங்களிடம் இருக்கவில்லை

முதலாளித்துவ முதலைகள்
திறக்கும் வாய்க்குள் விழுந்துபோவது
சிறுபான்மை மட்டுமல்ல
பெரும்பான்மை உழைப்பாளிகளுமே!

ஆதிக்க ஆளுமைகள்
சித்தரிக்கும் சித்திரங்களாய் -இன்று
பு(லி)துப்பயங்கர  வாதம்
தெரு நாய்களாக நாதியற்று

நாளாந்தம் நடந்தேறும்
மனிதக்கொலைகள் கைதுகள்
தடம் பதித்து வரும் தலைமுறைகள்
தடம் புரண்டு எங்கே செல்கின்றன ?

உனக்கும் எனக்கும் தானே
வடக்கிலும் தெற்கிலும் விடுதலை
வேண்டி  மரணத்தை முத்தமிட்டார்கள்
மறந்து போனாயோ  மாவீரர்களை ?

நாளாந்தம் ஓடி ஓடி
அலுத்துப்போன  உன்னிடமே
அறிவும் ஆத்திரமும் வரவேண்டும்
ஆதிக்கத்தின் பக்க வேர்களை  வெட்ட

கந்தனையும் கர்த்தரையும்
இன்னும் நீ நம்பிக்கொண்டிருக்கிறாயா
அவர்களே இப்பதான் குடியேற்றப்படுகிறார்கள்
மண்டியிட நினையாதே  மாற்றம் தேடி வா

மரணம் ஒருமுறைதான்  -உன்னோடு
கூடவே  முதுகில் பயணிக்கிறது!
அடிமைகளாக தினமும் கை தூக்காதே
ஆணிவேரை பிடுங்க கரம் பற்றி உயர்த்து!

பத்தட்டும் புரட்சித் தீ
திக்கெட்டும் விடுபடட்டும்!

*சந்துரு *

Related Articles

0 Comments

No Comments Yet!

There are no comments at the moment, do you want to add one?

Write a comment

Write a Comment

Your email address will not be published.
Required fields are marked *

*

ilakkiyainfo Tweets

Facebook Like Box

Contact Us

news@ilakkiyainfo.com

Email Subscription

தினமும் பதிவுகளை மின்னஞ்சல் மூலம் பெற்றிட

Enter your email address:

Delivered by FeedBurner

July 2017
M T W T F S S
« Jun    
 12
3456789
10111213141516
17181920212223
24252627282930
31  

Latest Comments

நீதிபதி தமது முதல் பேட்டியில் தம்மை நோக்கி அந்த நபர் சுட்ட்தாகவும் , தமது பாது [...]

எனக்கு மற்றைய எல்லாத்தையும் விட விஷத்தை தான் பிடித்திருக்கு , ஏனெனில் நானும் ஒரு கொடிய விஷம். [...]

வித்தியாவின் படுகொலையில் முக்கியமான சந்தேக நபரான சுவிஸ் குமார் பற்றி, ஆறாவது சாட்சியாளரான முகமட் இவ்லார் என்பவர் [...]

கக்கூசு நாட்டு படையினர் அவமானகரமான மடிய போகின்றனர் , கக்கூசு நாடு அவர்களின் குடும்பங்களுக்கு [...]

தூஊஊஊஊ , இவனை செருப்பால இடிக்கிறதுக்கு முன் , இவனை தெரிவு செய்த யாழ் பாணிகளை [...]

இலங்கை பத்திரிகைகள்

English News