ilakkiyainfo

ilakkiyainfo

மைத்திரிபால சிறிசேன: ‘இலங்கையில் போதைப்பொருள் குற்றவாளிகளுக்கு விரைவில் மரண தண்டனை’

மைத்திரிபால சிறிசேன: ‘இலங்கையில் போதைப்பொருள் குற்றவாளிகளுக்கு விரைவில் மரண தண்டனை’
February 06
21:11 2019

இலங்கையில் போதைப்பொருள் வர்த்தகம் தொடர்பில் மரண தண்டனை விதிக்கப்பட்டுள்ள குற்றவாளிகளுக்கு எதிர்வரும் இரண்டு மாதங்களுக்குள் தண்டனை நிறைவேற்றப்படும் என ஜனாதிபதி மைத்திரிபால சிறிசேன தெரிவித்துள்ளார்.

நாடாளுமன்றத்தில் ஜனாதிபதி மைத்திரிபால சிறிசேன இன்று (புதன்கிழமை) விசேட உரை நிகழ்த்திய சந்தர்ப்பத்திலேயே இதனைக் குறிப்பிட்டிருந்தார்.

எவ்வாறான எதிர்ப்புகள் வந்தாலும், போதைப்பொருள் வர்த்தகத்தில் ஈடுபட்டு குற்றச்சாட்டு நிரூபிக்கப்பட்டு மரண தண்டனை விதிக்கப்பட்டவர்களுக்கு அதனை நிறைவேற்ற நடவடிக்கை எடுப்பதாக இதன்போது உறுதியளித்துள்ளார்.

மரண தண்டனை நிறைவேற்றும் நடவடிக்கைகளின் போது, அதனை தடுக்கும் வகையில் மனித உரிமை செயற்பாட்டளார்கள் முன்வர வேண்டாம் எனவும் ஜனாதிபதி இதன்போது கேட்டுக்கொண்டுள்ளார்.

சிறந்த நல்லொக்கம் கொண்ட நாடொன்றை உருவாக்கும் செயற்பாட்டிற்கு ஒத்துழைப்புக்களை வழங்குமாறும் அவர் கேட்டுக்கொண்டுள்ளார்.

இதேவேளை, சட்டவிரோத போதைப்பொருள் வர்த்தகத்துடன் தொடர்புடைய பலர் கடந்த காலங்களில் கைதுசெய்யப்பட்டிருந்தனர்.

அத்துடன், பெருமளவான சட்டவிரோத போதைப்பொருள்கள் கடந்த சில தினங்களாக அதிகளவில் கைப்பற்றப்பட்டு வருவதாக காவல்துறையினர் தெரிவிக்கின்றனர்.

இதேவேளை, மரண தண்டனை விதிக்கப்பட்டுள்ளவர்களின் பெயர் பட்டியலை தான் ஜனாதிபதி செயலகத்திடம் கையளித்துள்ளதாக சிறைச்சாலைகள் மறுசீரமைப்பு அமைச்சர் தலதா அத்துகோரல நேற்றைய தினம் (செவ்வாய்கிழமை) தெரிவித்திருந்தார்.

எனினும், தன்னால் கையளிக்கப்பட்ட ஆவணங்கள் குறித்து, ஜனாதிபதி இதுவரை பதிலளிக்கவில்லை எனவும் அவர் கூறியிருந்தார்.

இந்த நிலையிலேயே ஜனாதிபதி மைத்திரிபால சிறிசேன இந்த அறிவிப்பை விடுத்திருந்தார்.

_105504764_5d0f4b96-db67-4e71-af7d-315f580f953f  மைத்திரிபால சிறிசேன: 'இலங்கையில் போதைப்பொருள் குற்றவாளிகளுக்கு விரைவில் மரண தண்டனை' 105504764 5d0f4b96 db67 4e71 af7d 315f580f953fமரண தண்டனை கைதிகள் மற்றும் நிறைவேற்றும் செயற்பாடு

போதைப்பொருள் வர்த்தகம் தொடர்பான குற்றச்சாட்டுக்கள் உறுதிப்படுத்தப்பட்டு, மரண தண்டனை விதிக்கப்பட்ட சுமார் 30 கைதிகள் வரை இலங்கையில் உள்ளதாகவும் சிறைச்சாலைகள் ஊடகப் பேச்சாளர் துஷார உபுல்தெனிய  தெரிவித்தார்.

இலங்கையில் மரண தண்டனையை நிறைவேற்றும் அதிகாரிகளை உடனடியாக சேவையில் இணைத்துக்கொள்வதற்கான நடவடிக்கைகள் தற்போது முன்னெடுக்கப்பட்டு வருவதாகவும் அவர் சுட்டிக்காட்டினார்.

எதிர்வரும் வாரமளவில் அதற்கான நடவடிக்கைகள் முன்னெடுக்கப்படும் என சிறைச்சாலைகள் ஊடகப் பேச்சாளர் துஷார உபுல்தெனிய கூறினார்.

இலங்கையில் மரண தண்டனையை நிறைவேற்ற முடியுமா?

ஐக்கிய நாடுகள் சபையின் 1966ஆம் ஆண்டு சிவில் மற்றும் அரசியல் உடன்படிக்கையின், மரண தண்டனையை ரத்து செய்யும் சரத்தில் இலங்கை கைச்சாத்திடவில்லை என பிரபல மனித உரிமை செயற்பாட்டாளரும், இலங்கை மனித உரிமை ஆணைக்குழுவின் முன்னாள் ஆணையாளருமான பேராசிரியர் பிரதீபா மஹனாமாஹேவா தெரிவித்தார்.

அதனால், நீதிமன்றத்தில் மரண தண்டனை விதிக்கப்பட்டவர்களின், மரண தண்டனையை நிறைவேற்றும் ஆவணத்தில் ஜனாதிபதி கையெழுத்திடும் பட்சத்தில், அதனை நிறைவேற்ற முடியும் எனவும் அவர் சுட்டிக்காட்டினார்.

_105504765_2236bbe6-e958-4d6b-8681-e0b826f3cbcd  மைத்திரிபால சிறிசேன: 'இலங்கையில் போதைப்பொருள் குற்றவாளிகளுக்கு விரைவில் மரண தண்டனை' 105504765 2236bbe6 e958 4d6b 8681 e0b826f3cbcdஎனினும், இந்த மரண தண்டனை நிறைவேற்றப்படும் பட்சத்தில், இலங்கை எதிர்வரும் காலங்களில் பாரிய பிரச்சனைகளை எதிர்நோக்கும் எனவும் அவர் குறிப்பிட்டார்.

எதிர்வரும் மார்ச் மாதம் ஜெனிவாவில் நடைபெறவுள்ள ஐக்கிய நாடுகள் சபையின் மனித உரிமை பேரவை கூட்டத் தொடர்பில் இலங்கை பாரிய சவாலை எதிர்கொள்ளும் எனவும் பேராசிரியர் பிரதீபா மஹனாமாஹேவா கூறினார்.

இலங்கை மரண தண்டனையை நிறைவேற்றும் நிலைப்பாட்டிற்கு வந்துள்ளதாக, பல மனித உரிமை அமைப்புக்கள், ஐநா மனித உரிமை ஆணையாளருக்கு பல மனுக்களை கையளித்துள்ளதாக அவர் சுட்டிக்காட்டினார்.

இவ்வாறு கையளிக்கப்பட்ட மனுக்கள் ஏற்றுக் கொள்ளப்பட்டு, அவை எதிர்வரும் ஐநா மனித உரிமை பேரவை கூட்டத் தொடர் நிகழ்ச்சி நிரலுக்குள் உள்வாங்கப்பட்டுள்ளதாகவும் அவர் குறிப்பிட்டார்.
படத்தின் காப்புரிமை Getty Images

இலங்கை ஜனாதிபதி மைத்திரிபால சிறிசேனவின் பதவிக் கால இறுதித் தருணத்தில், மரண தண்டனை நிறைவேற்றப்படுமானால், தனிப்பட்ட ரீதியில் அவருக்கு நற்பெயர் கிடைக்கும் என கூறிய பேராசிரியர் பிரதீபா மஹனாமாஹேவா, அது நாட்டின் நற்பெயருக்கு கலங்கத்தை ஏற்படுத்தும் எனவும் சுட்டிக்காட்டினார்.

அதனால் மரண தண்டனை நிறைவேற்றுவதற்கு பதிலாக, மாற்று வழிகளை ஆராய வேண்டும் என இலங்கை மனித உரிமை ஆணைக்குழுவின் முன்னாள் ஆணையாளருமான பேராசிரியர் பிரதீபா மஹனாமாஹேவா கேட்டுக்கொண்டுள்ளார்.

இலங்கையில் 1976ஆம் ஆண்டு ஜுன் மாதம் 23ஆம் திகதிக்கு பின்னர் மரண தண்டனை இதுவரை நிறைவேற்றப்படவில்லை.

நீதிமன்றங்களினால் குற்றம் இழைத்தவர்களுக்கு மரண தண்டனை வழங்கப்பட்டாலும், அதனை நிறைவேற்றும் ஆவணங்களில் எந்தவொரு ஜனாதிபதியும் 1976ஆம் ஆண்டு ஜுன் மாதம் 23ஆம் திகதிக்கு பின்னர் கையெழுத்திடவில்லை என்பது குறிப்பிடத்தக்கது.

Related Articles

0 Comments

No Comments Yet!

There are no comments at the moment, do you want to add one?

Write a comment

Write a Comment

Your email address will not be published.
Required fields are marked *

*

ilakkiyainfo Tweets

Facebook Like Box

Contact Us

news@ilakkiyainfo.com

Email Subscription

தினமும் பதிவுகளை மின்னஞ்சல் மூலம் பெற்றிட

Enter your email address:

Delivered by FeedBurner

April 2019
M T W T F S S
« Mar    
1234567
891011121314
15161718192021
22232425262728
2930  

Latest Comments

Wellcome our future President , we need you for our country. [...]

வலிகள் வரிகளாக எனக்குள் அதை கவிதையாக [...]

இது எல்லாம் நாம் எதிர்பார்த்தது தான் , ரவி கருணாநாயகே நிதியமைச்சராக இருந்த பொது , [...]

எவ்வளவு வளம் இருந்தாலும் நெஞ்சில் வீரமும் , ஆண்மையும் இருக்க வேண்டும், இலங்கையில் மிக சிறு புலி [...]

நாங்கள் கடவுளுககும் மேலாக நேசிககும் மகிந்த ராஜபக்சேவை பதவி நீக்க 2015 சதி செய்த இந்தியா நல்லா [...]

இலங்கை பத்திரிகைகள்

English News