சாலை விதிகளை மதிக்காமல் வந்த ஜீப் டிரைவரைப் பைக்கில் வந்த இளைஞர் தனியாக எதிர்த்து நிற்கும் வீடியோ ஒன்று வைரலாகி வருகிறது.
ஒருவழிப்பாதையில் தவறாக வேண்டுமென்றே எதிர் திசையில் ஜீப்பில் வந்தவருடன் ஜீப்பின் எதிரே தன் பைக்கை நிறுத்தி அந்த இளைஞர் துணிச்சலுடன் மல்லுக்கட்டுகிறார்.
ஜீப்பை மோதுவதுபோல் முன்னே கொண்டு வந்தபோதும் இளைஞர் அசரவில்லை. முடிவில் ஜீப் டிரைவர் பின்னால் செல்கிறார். அதன்பிறகு, அந்த இளைஞர் தன் பைக்கில் அங்கிருந்து செல்கிறார்.
சுமார் 3 நிமிடம் ஓடும் இந்த வீடியோ இப்போது சமூக வலைதளங்களில் வைரலாகி வருகிறது. சம்பவம் நடந்தது எங்கே எனத் தெரியவில்லை.
ஆனால், இந்தூரைச் சேர்ந்த ஒருவர், தனக்கு தெரிந்தவரின் சகோதரர் அந்த இளைஞர் என்று சொல்லி அந்த வீடியோவை ஃபேஸ்புக்கில் பகிர்ந்துள்ளார்.