உலகப் பிரபல எக்ஸ்பொக்ஸ் வீடியோ விளையாட்டு உபகரணத்தில் ஆபாசப்படங்களைக் கண்டுகளித்த பின்னர் 7 வயது சகோதரியை பாலியல் வல்லுறவுக்குட்படுத்தியதாக குற்றச்சாட்டிற்குள்ளான 12 வயது சிறுவன் ஒருவன் விடுதலை செய்யப்பட்ட சம்பவம் பிரித்தானியாவில் இடம்பெற்றுள்ளது.
பாடசாலை மாணவனான மேற்படி சிறுவன் (தற்போது 13 வயது), தனது சகோதரியை பாலியல் வல்லுறவுக்குட்படுத்தியதை ஒப்புக்கொண்டுள்ளான்.
நண்பன் ஒருவனின் வீட்டிலிருந்த எக்ஸ்பொக்ஸ் வீடியோ விளையாட்டு உபகரணத்தில் ஆபாசப்படத்தை கண்டுக்களித்ததையடுத்து, கடந்த வருடம் மார்ச்சுக்கும் மே க்கும் இடையிலான காலப் பகுதியில் தனது சகோதரியை பல தடவைகள் பாலியல் துஷ்பிரயோகப்படுத்தியதை அவன் ஒப்புக்கொண்டுள்ளான்.
இந்நிலையில் மேற்படி வழக்கை விசாரித்த பிளக்பேர்ன் சிறுவர் நீதிமன்ற நீதிபதி, அறியாப் பருவத்தில் ஆபாசப்படத்தால் தூண்டப்பட்டு சிறுவனால் மேற்கொள்ளப்பட்ட குற்றச்செயலுக்காக அவனை அவனது குடும்பத்திலிருந்து பிரிக்க விரும்பவில்லை என தெரிவித்து விடுதலை செய்துள்ளார்.