ilakkiyainfo

இதுதான் “அலாவுதீன் அற்புத விளக்கு” என்று கூறி 31 லட்சம் ஏப்பம்

இதுதான் “அலாவுதீன் அற்புத விளக்கு” என்று கூறி 31 லட்சம் ஏப்பம்
October 31
15:06 2020

எத்தனை சதுரங்க வேட்டை படம் வந்தாலும் ஏமாறுகிறவர்களுக்கு பஞ்சம் இல்லாதவரை ஏமாற்றுகிறவர்களுக்கும் சிக்கலில்லை.

கதைகளில் வரும் அலாவுதீன் அற்புத விளக்கு இதுதான் என்று கூறி ஒரு விளக்கை 31 லட்சம் ரூபாய்க்கு விற்றதாக மூவர் குற்றம்சாட்டப்பட்டுள்ளனர். அவர்களில் இருவரை போலீசார் கைது செய்துள்ளனர்.

ஆனால், இந்த ஏமாற்றுவேலை நடந்தததாக கூறப்படுவது தமிழ்நாட்டில் அல்ல. உத்தரப்பிரதேசத்தில்.

பணம் தந்து ஏமாந்ததாக புகார் தந்திருப்பவர் ஒரு மருத்துவர்.

“இதுதான்அலாவுதீன் அற்புத விளக்கு. இதை வைத்திருந்தால் செல்வமும், வளமும் சேரும்” என்று மயக்கும் சொற்களைக் கூறி இந்த ஏமாற்று விற்பனை நடந்ததாக அவர் குற்றம்சாட்டுகிறார்.

அரேபிய இரவுகள் கதையில் வருவதுபோல, விளக்கை தேய்தால் ஆவி வரும் என்று கூறி, அதே போல போலியாக வரவைத்து, அந்த அலாவுதீன் விளக்கை அவர்கள் விற்றதாக சில இந்திய ஊடகங்கள் செய்தி வெளியிட்டுள்ளன.

இந்த விளக்குக்கு அவர்கள் கேட்ட தொகை சுமார் 1 கோடி 50 லட்சம். ஆனால் இறுதியாக 31 லட்சம் ரூபாய்க்கு பேரத்தை முடித்துள்ளார்கள்.

இந்த சம்பவத்தில் ஈடுபட்ட மூன்றாவது நபர் ஒரு பெண்ணாக இருக்கலாம் என்றும் அவர்தான் இந்த சம்பவம் முழுவதற்கும் காரணமாக இருக்கலாம் என்றும் சந்தேகிக்கப்படுகிறது.

இந்த வார தொடக்கத்தில் ஏமாந்த மருத்துவர் உத்தரப்பிரதேச மாநிலம் மீரட் நகரக் காவல்துறையிடம் புகார் அளித்துள்ளார்.

அந்தப்புகாரில், ஒரு பெண்ணையும், அவரது மகன்கள் என்று நினைத்த இரு ஆண்களையும் கடந்த ஒரு மாதம் முன்பு சந்தித்ததாக அவர் குறிப்பிட்டுள்ளதாக என்டிடிவி தொலைக்காட்சி செய்தி கூறுகிறது.

“அவர்கள் என்னிடம் ஒரு சாமியார் குறித்து பேச ஆரம்பித்தார்கள். அந்த சாமியார் அவர்கள் வீட்டிற்கு வந்ததாகவும் கூறினர்.

நான் அந்த சாமியாரை பார்க்க வேண்டும் என்று வலியுறுத்தினர். நானும் அவரை சந்தித்தேன். அவர் ஏதோ சடங்கு சம்பிருதாயங்கள் எல்லாம் செய்தார்.

அப்படி ஒருமுறை நான் அவரை சந்திக்க சென்றபோது, அலாவுதினை என் கண்முன் வரவைத்தார். பிறகுதான் தெரிந்தது அந்த இரு ஆண்களில் ஒருவர்தான் அலாவுதீனாக வேடமிட்டு நடித்துள்ளனர் என்று” என அப்புகாரில் அந்த மருத்துவர் மேலும் குறிப்பிட்டுள்ளார்.

அலாவுதீன் விளக்கில் இருந்து பூதத்தை வரவைத்து, அது உண்மை என்று நம்ப வைத்ததாகவும் சில ஊடக செய்திகள் கூறுகின்றன.

இறுதியாக அந்த அலாவுதீன் விளக்கை வைத்திருந்தால் செல்வம், நல்ல உடல்நலம் மற்றும் அதிஷ்டம் வந்து சேரும் என்று கூறி அதற்கு 1 கோடியே 50 லட்சம் ரூபாய் விலை கூறினர். ஆனால் பணமாக 31 லட்சம் பெற்று பேரத்தை முடித்தனர்.

இதே ஆட்கள் வேறு சில குடும்பங்களை ஏமாற்றியதும் தெரிய வந்துள்ளதாகவும், மீரட்டின் மூத்த காவல்துறை அதிகாரி அமித் ராய் என்டிடிவியிடம் தெரிவித்தார்.

இதுதொடர்பாக இருவர் கைது செய்யப்பட்டுள்ளனர். ஒரு பெண் தேடப்பட்டு வருகிறார்.

About Author

admin

admin

Related Articles

0 Comments

No Comments Yet!

There are no comments at the moment, do you want to add one?

Write a comment

Write a Comment

*

ilakkiyainfo Tweets

Facebook Like Box

January 2021
MTWTFSS
 123
45678910
11121314151617
18192021222324
25262728293031

Latest Comments

சீனாவை எதிர்த்த எவரும் வாழ்ந்தது கிடையாது அது தெரிந்து தான் நெப்போலியன் சீனாவை கைப்பற்றும் ஆலோசனை தந்த தளபதியை ஓங்கி...

கொரோனா பணத்தாசை பிடித்தவனை எல்லாம் திருத்தியிருக்கோ ??? போட்டொன்று போகும் போது கொண்டு போக ஒன்றும் இருக்காது...

இதையே நோர்த் கொரியா செய்திருந்தால் மிருக உரிமை ஆர்வலர்கள், மேற்கு நாடுகள் என பலரும் கொதித்து போய் கத்தோ கத்தென்று...

நித்யானந்தாவுக்கு,பல நடிகைகள் அலுத்துப்போனதால்,நயன்தாராவை அனுபவித்து சீழிக்கத்தயாராகிவிட்டான்...

பல வருடங்களின் பின்பு என்று தங்களின் கட்டுரை வாசித்து, பலன் அடைத்தேன் , உண்மைகள் பல அறிந்தேன் , இனியாவது...

Email Subscription

தினமும் பதிவுகளை மின்னஞ்சல் மூலம் பெற்றிட

Enter your email address:

Delivered by FeedBurner

Contact Us

news@ilakkiyainfo.com