ilakkiyainfo

15 வய­து­டைய இளம் மொட்டை அழித்தது யார்?

15 வய­து­டைய இளம் மொட்டை அழித்தது யார்?
March 18
02:30 2015

செல்­வ­ராசா சரண்யா என்­றதோர் இளம் மொட்டு கன­க­ரா­யன்­குளம் பகு­தியில் கருகி மடிந்திருக்கின்றது. அதனை கருக்கி அழித்­தி­ருக்­கின்­றார்கள் என்று சொல்­வதே பொருத்­த­மா­ன­தாக இருக்கும். அது எவ்­வாறு கரு­கி­யது.

அதனை கருக்­கி­யது யார்? அதனைச் செய்ய வேண்­டிய தேவை என்ன? – இது­போன்ற கேள்­வி­க­ளுக்கு இன்னும் பதில் கிடைக்­க­வில்லை. அவைகள் மர்மம் நிறைந்த விட­யங்­க­ளா­கவே இருக்­கின்­றன.

கன­க­ரா­யன்­கு­ளத்தை அடுத்­துள்ள மன்­ன­குளம் கொல்­லர்­பு­ளி­யங்­கு­ளத்தில் சீதை­யம்மா என்ற தனது பாட்­டி­யுடன் வளர்ந்து வந்­த­வர்தான் 15 வய­து­டைய சரண்யா. அவ­ருக்கு பெற்றோர் கிடை­யாது.

அவர்கள் இறந்­து­விட்­டார்கள். சிறிது காலம் சிறுவர் நன்­ன­டத்தை அதி­கா­ரி­களின் பொறுப்பில் வவுனியாவில் இல்லம் ஒன்றில் வளர்ந்து வந்தார்.

சரண்யா பார்­வைக்கு முழு­மை­யாக வளர்ச்­சி­ய­டை­யாத ஒரு பிள்­ளையின் தோற்ற இயல்பைக் கொண்டி­ருப்பார். ஆனால் மிகவும் திற­மை­சாலி. படிப்பில் மிகவும் கெட்­டிக்­காரி.

செயற்­திறன் மிக்­கவர் என்­ப­து தான் அவ­ருடன் நன்கு பழ­கி­ய­வர்கள் மற்றும், அவரை நன்கு அறிந்­தவர்களின் கருத்­தாகும்.

எவ்­வ­ள­வுக்குத் திற­மை­சா­லியோ, அந்த அள­வுக்கு பிடி­வாதம் பிடிப்பார். கோபமும் கொள்வார் என்றும் அவரை நன்கு அறிந்­த­வர்கள் கூறு­கின்­றார்கள்.

தனக்குப் பிடிக்­காத விட­யங்­களில் அவரை ஈடு­ப­டுத்த முடி­யாது. அது எவ்­வ­ள­வுதான் முக்­கி­ய­மா­ன­தாக இருந்­தாலும், அதனை, அவரைச் செய்ய வைக்க முடி­யாது. அவ்­வ­ளவு பிடி­வா­த­மு­டை­யவர்.

இந்தப் பிடி­வா­தத்தின் முன்னால் மற்­ற­வர்கள் பணிந்து போயி­ருக்­கின்­றார்­களே தவிர, அவரை ஒரு­வ­ரா­லுமே பணிய வைக்க முடி­ய­வில்லை என்­பதே அவ­ருடன் பழ­கி­ய­வர்கள்.

அவ­ரு­டைய நலன்­களில் அக்­கறை கொண்டு செயற்­பட்­ட­வர்­களின் அனு­ப­வ­மாகும். அவ­ருடை பிடி­வா­தத்தை ஒதுக்­கி­விட்டுப் பார்த்தால், அவரைப் போன்ற நல்­ல­தொரு பிள்­ளையைக் காண முடி­யாது என்­பதும் அவர்­க­ளு­டைய அபிப்­பி­ரா­ய­மாகும்.

suside-041சிறுவர் இல்­லத்தில் இருந்த சரண்யா தனது அம்­மம்­மா­வுடன் வசிக்க விரும்­பி­ய­தை­ய­டுத்து, அவர் அவரு­டைய அம்­மம்­மா­வுடன் இருப்­ப­தற்கு அதி­கா­ரிகள் அனு­ம­தித்­தி­ருந்­தனர்.

அம்­மம்­மா­வுடன் கொல்­லர்­பு­ளி­யங்­கு­ளத்தில் வசித்து வந்த சரண்யா கன­க­ரா­யன்­குளம் மகா­வித்­தி­யா­ல­யத்தில் இணைந்து படித்து வந்தார்.

படிப்பில் இயற்­கை­யா­கவே திற­மை­சா­லி­யான அவர் பாட­சா­லை­யிலும் நன்கு கல்­வி­கற்று ஏனைய மாண­வர்­க­ளுக்கு முன்­மா­தி­ரி­யாகத் திகழ்ந்தார்.

அம்­மம்­மா­வுடன் இணைந்­தி­ருந்த சரண்­யாவின் மூத்த சகோ­தரன் அயலில் உள்ள ஒரு குடும்­பத்­துடன் சேர்ந்து அங்­கேயே வசித்து வந்­த­தை­ய­டுத்து, சரண்­யாவும் அங்கு சென்று இருந்து பாட­சா­லைக்குச் சென்­றுள்ளார். சரண்­யாவின் இளைய சகோ­தரன் ஒரு­வரும் கூட அங்கு சென்று சில நாட்கள் இருந்துள்ளார்.

சரண்­யாவின் சகோ­தரன் தங்­கி­யி­ருந்த குடும்­பத்தில் ஒரு பெண்ணும், அவ­ரு­டைய வய­து­வந்த இரண்டு மகள்­க­ளுமே இருந்­தனர்.

இந்தக் குடும்பம் யாழ்ப்­பா­ணத்தைச் சேர்ந்­தது. ஆனால் தொழில் நிமித்­த­மாக சரண்­யாவின் அம்­மம்­மா­வு­டைய அயலில் வசித்து வந்­தது. அய­ல­வர்கள் என்ற பழக்­கத்தில் சரண்­யாவின் சகோ­த­ரனும், சரண்­யாவும், அவ­ரு­டைய இளைய சகோ­த­ர­னும் அங்கு சென்­றி­ருந்­தனர்.

முதலில் இந்த உறவும் வாழ்க்­கையும் நன்­றா­கவே இருந்­தது. ஆனால், கடந்த பெப்­ர­வரி மாதம் சிவராத்திரி தின விழா வந்­த­தை­ய­டுத்து, சரண்­யாவின் வாழ்க்­கையில் சூறா­வளி வீசி­யது.

சிவ­ராத்­தி­ரிக்­காக திருக்­கே­தீஸ்­வரம் சென்று வந்த சரண்யா சில தினங்­க­ளாக உடல் நலம் குன்­றிய நிலையில் இருந்­துள்ளார்.

தொண்டை நோ எனக் கூறி, பேச முடி­யா­தி­ருப்­ப­தா­கவும், தெரி­வித்­த­தை­ய­டுத்து, அந்த வீட்டுப் பெண் சரண்­யாவை மாங்­குளம் வைத்­தி­ய­சா­லைக்கு அழைத்துச் சென்று சிகிச்­சைக்­காக அனு­ம­தித்­தி­ருந்தார்.

திடீர் மர­ணமும், சரண்­யாவின் உடல் நிலையும்

அங்கு சரண்­யாவின் உடல் நிலை மோச­ம­டைந்­த­தை­ய­டுத்து, அவரை வைத்தி­யர்கள் கிளி­நொச்சி வைத்­தி­ய­சா­லைக்கு மேல் சிகிச்­சைக்­காக அனுப்­பி­யி­ருந்­தார்கள். அங்கு அவர் எதிர்­பா­ராத வித­மாக திடீ­ரென மர­ண­ம­டைந்­துள்ளார்.

இந்தத் திடீர் மர­ணத்­தை­ய­டுத்து, அவ­ரு­டைய மர­ணத்­திற்­கான கார­ணத்தை அறி­வ­தற்­காக நடத்­தப்­பட்ட மருத்­துவ பரி­சோ­த­னை­யின்­போதே, 15 வய­து­டைய பள்ளி மாண­வி­யா­கிய சரண்­யாவின் பால் நிலை சார்ந்த உள்­ளு­றுப்­புக்கள், திரு­ம­ண­மா­கிய ஒரு பெண்ணின் உடல் நிலையைப் போன்­றி­ருந்­தமை வெளிச்­சத்­திற்கு வந்­துள்­ளது.

அது மட்­டு­மல்­லாமல் ஒன்­றுக்கும் மேற்­பட்­ட­வர்கள் உட­லு­றவு கொண்­டி­ருந்த நிலையும் தெரி­ய­வந்துள்­ளது.

இது­பற்றி சரண்­யாவின் உயி­ரற்ற உடலை மருத்­துவ பரி­சோ­த­னைக்கு உட்­ப­டுத்­திய வைத்­தியர் சரண்யாவின் அம்­மம்­மா­வுக்கும் அவ­ருடன் உத­விக்­காகச் சென்­றி­ருந்த கிராம மாதர் அபி­வி­ருத்திச் சங்கத் தலை­விக்கும் தெரி­வித்­துள்ளார். இத­னை­ய­டுத்தே, சரண்யா கூட்­டுப்­பா­லியல் வல்­லு­ற­வுக்கு ஆளா­கி­யி­ருந்தார் என்ற விடயம் பகி­ரங்­க­மா­கி­யது.

s-saranika-rape1-600x450சரண்­யாவின் மரணம் குறித்து அறிந்த வன்னி மாவட்ட பாரா­ளு­மன்ற உறுப்­பி­னர்­க­ளான சிவ­சக்தி ஆனந்தன், வினோ நோக­ரா­த­லிங்கம் மற்றும் மாகாண சபை உறுப்­பி­னர்­க­ளான ஜி.ரி.லிங்­க­நாதன்,

எம்.தியா­க­ராஜா, தர்­ம­பால சென­வி­ரத்ன ஆகியோர் கொல்­லர்­பு­ளி­யங்­குளம் கிரா­மத்­திற்குத் துக்கம் விசா­ரிக்கச் சென்­ற­போதே, சரண்­யாவின் அம்­மம்­மாவும், கிராம மாதர் அபி­வி­ருத்திச் சங்­கத்­தி­னரும் சரண்­யா­வுக்கு என்ன நடந்­தது என்­பது பற்றி தாங்கள் அறிந்­த­வற்றைத் தெரி­வித்து, அவ­ருக்கு இழைக்­கப்­பட்­டி­ருந்த அநி­யா­யத்­திற்கு நீதி வழங்­கப்­பட வேண்டும் என கோரி­யி­ருந்­தனர்.

sivaskthiசரண்­யாவின் குடும்ப நிலைமை உள்­ளிட்ட அனைத்து விப­ரங்­க­ளையும் அறிந்து கொண்ட மக்கள் பிர­தி­நி­திகள் கன­க­ரா­யன்­குளம் பொலி­சாரைச் சந்­தித்து சரண்­யாவின் மரணம் தொடர்­பான விப­ரங்கள் என்ன என கேட்­ட­போது, அவர்கள் சரண்யா கூட்டுப் பாலியல் வல்­லு­ற­வுக்கு உட்­ப­டுத்­தப்­பட்­டி­ருப்­பதை உறு­திப்­ப­டுத்­தினர்.

அவ­ரு­டைய மரணம் தொடர்­பான விப­ரங்­களைத் தெரி­வித்த பொலிசார், தமது பதி­வேட்டில் அவர் மீது இழைக்­கப்­பட்­டி­ருந்த பாலியல் குற்றம் தொடர்­பான விப­ரங்கள் அடங்­கிய பகு­தியை வாசிப்­ப­தற்கும் அனு­ம­தித்­தி­ருந்­தனர்.

ஆங்­கி­லத்தில் குறிப்­பி­டப்­பட்­டி­ருந்த அந்தப் பகு­தியை வட­மா­காண சபை உறுப்­பினர் ஜி.ரி.லிங்­க­நாதன் ஏனைய மக்கள் பிர­தி­நி­தி­க­ளுக்கும், அவர்­க­ளுடன் சென்­றி­ருந்த செய்­தி­யா­ளர்­க­ளுக்கும் கேட்கும் வகையில் சத்­த­மாக வாசித்­தி­ருந்தார்.

policeஇந்த மரணம் தொடர்­பாக விசா­ர­ணைகள் நடத்­தப்­பட்டு வரு­வ­தாக கன­க­ரா­யன்­குளம் பொலிசார் மக்கள் பிர­தி­நி­தி­க­ளிடம் தெரி­வித்­த­போது…….,

சரண்யா தங்­கி­யி­ருந்த வீட்­டிற்கு அடிக்­கடி வழ­மை­யாகச் சென்று வந்­த­வர்கள் பற்றி, தாங்கள் அறிந்த விப­ரங்­க­ளையும், அவர்­களின் பெயர்­க­ளை­யும்­கூட மக்கள் பிரதிநிதிகள் பொலி­சா­ரிடம் தெரி­வித்து, இவர்­க­ளையும் விசா­ரணை செய்ய வேண்­டி­யது அவ­சியம் என வலி­யு­றுத்­தி­யி­ருந்­தனர்.

அதே­வேளை, தன்னை ஒரு பொலிஸ்­காரர் என கூறிக்­கொண்டு அந்த வீட்­டிற்குச் சென்று வந்­தவர் பற்­றியும் அவர்கள் கன­க­ரா­யன்­குளம் பொலி­சா­ருக்குத் தெரி­வித்­தி­ருந்­தனர்.

அது மட்­டு­மல்­லாமல், சரண்­யாவின் மரணம் ஊர் மக்கள் மத்­தியில் மட்­டு­மல்­லாமல் பொது­மக்கள் மத்தியில் பேர­திர்ச்­சியை ஏற்­ப­டுத்­தி­யி­ருக்­கின்­றது.

மக்கள் மத்­தியில் ஒரு­வித பதற்ற நிலையைத் தோற்­று­வித்­துள்­ளது என்­ப­தையும் எடுத்­துக்­கூறி முறை­யான விசா­ர­ணைகள் நடத்­தப்­பட வேண்டும் என்­ப­துடன், சிறுமி சரண்யா மீது இழைக்­கப்­பட்­டுள்ள பாலியல் குற்­றத்­திற்குக் கார­ண­மா­ன­வர்­களை உட­ன­டி­யாகக் கைது செய்து சட்ட நட­வ­டிக்கை எடுக்க வேண்டும் என்றும் கேட்டுக் கொண்­டனர்.

ஆனால் நாட்கள் நகர்ந்­த­னவே தவிர, சிறுமி சரண்யா தொடர்­பான விசா­ர­ணைகள் துரி­த­மா­கவும், சரியான முறை­யிலும் மேற்­கொள்­ளப்­பட்­ட­தாகத் தெரி­ய­வில்லை.

சிறுமி சரண்­யாவின் மரணம் தொடர்­பான அதிர்ச்­சி­யூட்டும் தக­வல்கள் ஊட­கங்­களில் வெளி­வந்­தி­ருந்த போதிலும், சிறுவர் நலன்கள் தொடர்­பாகச் செயற்­ப­டு­கின்ற அரச திணைக்­க­ளங்­களின் கவ­னத்தை உரிய முறையில் ஈர்த்­த­தா­கவோ, அவர்­களை துடிப்­புடன் செயற்­பட வைத்­த­தா­கவோ தெரி­ய­வில்லை.

அதே­நேரம் இந்த விடயம் தொடர்பில் உரிய விசா­ர­ணைகள் நடத்­தப்­பட வேண்டும் என்ற ஏற்­பட்­டி­ருந்த அழுத்­தத்­தை­ய­டுத்து, தேசிய சிறுவர் பாது­காப்பு அதி­கார சபை­யினர் விசா­ர­ணை­களை முடுக்­கி­விட்­டி­ருப்­ப­தாக சிறுவர் விவ­கார இரா­ஜாங்க அமைச்சர் ரோஸி சேனா­நா­யக்க தனது முக­நூலில் தெரி­வித்­தி­ருந்தார்.

சரண்­யாவின் மரணம் சம்­ப­வித்து ஒரு வாரத்­துக்கும் அதிக காலம் கடந்த பின்பே தேசிய சிறுவர் பாது­காப்பு அதி­கார சபை­யினர் அது­பற்­றிய விசா­ர­ணை­களை முடுக்­கி­விட்­டி­ருந்­த­தாகத் தெரி­கின்­றது.

சிறுமி சரண்யா சிறுவர் இல்லம் ஒன்றில் இருந்து பின்னர் அவ­ரு­டைய அம்­மம்­மா­வுடன் சேர்க்­கப்பட்டி­ருந்து, பின்னர் அவர் திடீ­ரென மர­ண­ம­டைந்­ததைப் பற்றி உட­ன­டி­யாக சிறுவர் நன்­ன­டத்தைப் பிரிவினர் உரிய அதி­கா­ரி­களின் கவ­னத்­திற்குக் கொண்டு வந்­தி­ருந்த போதிலும், அவர் மீது இழைக்கப்பட்­டி­ருந்த குற்றம் தொடர்­பான தக­வல்கள் தாம­த­மா­கவே அந்த உரிய அதி­கா­ரி­களின் கவனத்­திற்குச் சென்­ற­தாகத் தெரி­விக்­கப்­பட்­டுள்­ளது.

suside-01இப்­போ­தைய நிலைமை

சிறுமி சரண்யா மீது பாலியல் குற்றம் இழைக்­கப்­பட்­ட­தற்­கான அடை­யா­ளங்கள் அவ­ரு­டைய உடலில் காணப்­பட்­டுள்ள போதிலும், அவ­ரு­டைய மரணம் இயற்கை மரணம் என்றே பதி­வா­கி­யி­ருக்­கின்­றது.

ஆயினும் அவ­ரு­டைய உடலின் நரம்புத் தொகு­தியில் நச்சுத் தன்மை காணப்­பட்­ட­மையும் அவ­தா­னிக்­கப்­பட்டு, அது தொடர்­பான மருத்­துவ ஆய்­வு­களை மேற்­கொள்­வ­தற்­காக முக்­கிய உடற்­பா­கங்கள் அரச பகுப்­பாய்வு திணைக்­க­ளத்­திற்கு அனுப்­பப்­பட்­டி­ருப்­ப­தா­கவும், அந்த ஆய்­வ­றிக்கை வந்த பின்பே, இறப்­புக்­கான காரணம் தெரி­ய­வரும் என்றும் தெரி­விக்­கப்­பட்­டுள்­ளது.

மர­ணத்தில் சந்­தேகம் எழாத கார­ணத்­தினால், பொலிசார் மேற்­கொண்டு துரித விசா­ர­ணை­களை நடத்த முடி­யா­தி­ருப்­ப­தா­கவும், இறப்­புக்­கான காரணம் தெரிந்த பின்பே மேற்­கொண்டு நட­வ­டிக்­கைகள் எடுக்க முடியும் என்றும் பொலிசார் தெரி­வித்­துள்­ளனர்.

ஆயினும் இது தொடர்­பான பூர்­வாங்க விசா­ர­ணைகள் நடை­பெற்று வரு­வ­தாக பொலிசார் தெரி­வித்­துள்­ளனர்.

அதே­நேரம் இந்த மரணம் தொடர்­பாக பொலிசார் நீதி­மன்­றத்­தி­ற்கு சமர்ப்­பித்­துள்ள அறிக்­கையில், புதைக்­கப்­பட்­டுள்ள சரண்­யாவின் சட­லத்தைத் தோண்­டி­யெ­டுத்து, மீண்டும் மருத்­துவ பரி­சோ­தனை செய்­வ­தற்கு அனு­ம­தி­ய­ளிக்க வேண்டும் என கோரி­யி­ருக்­கின்­றனர்.

ஆயினும் அந்த கோரிக்­கையை நிரா­க­ரித்­துள்ள நீதி­மன்றம், இந்த மரணம் தொடர்­பாக நடத்­தப்­பட்ட மரண விசா­ரணை அறிக்­கை­யையும், மருத்­துவ அறிக்­கை­யையும் பார்­வை­யிட்­டதன் பின்பே பொலி­சாரின் கோரிக்­கைக்குப் பதி­ல­ளிக்க முடியும் என தெரி­வித்­துள்­ளது.

அத்­துடன் மரண விசா­ரணை அறிக்கை மருத்­துவ அறிக்கை என்­ப­வற்றை எதிர்வரும் 30 ஆம் திகதி நீதி­மன்­றத்தில் சமர்ப்பிக்குமாறு பொலி­சா­ருக்கு நீதி­மன்றம் உத்­த­ர­விட்­டுள்­ளது.

சிறுமி சரண்யா வசித்த இடம் கன­க­ரா­யன்­குளம் பகுதி சிகிச்­சைக்­காக மாங்­கு­ளத்தில் அனு­ம­திக்­கப்­பட்ட அவர், கிளி­நொச்சி வைத்­தி­ய­சா­லை­யி­லேயே மர­ண­ம­டைந்தார்.

மரண விசா­ர­ணையும் கிளி­நொச்­சி­யி­லேயே நடை­பெற்­றது. ஆனால், சரண்­யாவின் மர­ணத்­திற்கு முன்­னரும், மர­ணத்­திற்குப் பின்­னரும். அவ­ரு­டைய விட­யங்கள் வவு­னியா மாவட்ட நீதி நியா­யா­திக்கப் பிரதே­சத்­தி­லேயே கையா­ளப்­ப­டு­கின்­றது என்­பது முக்­கி­ய­மா­னது.

விடை காணப்­ப­ட­வேண்­டியவிட­யங்கள்

சிறுவர் இல்லம் ஒன்றில் பரா­ம­ரிக்­கப்­பட்டு பின்னர் அம்­மம்­மா­விடம் ஒப்­ப­டைக்­கப்­பட்ட சிறுமி சரண்யா, அம்­மம்­மாவின் பரா­ம­ரிப்பில் இல்­லாமல் வேறு யாரோ ஒரு குடும்­பத்­தி­ன­ருடன் சென்று வசித்­தி­ருந்­தது தொடர்பில் சிறுவர் பரா­ம­ரிப்பு அதி­கா­ரிகள் உட­ன­டி­யாக ஏன் கவனம் செலுத்­த­வில்லை என்ற கேள்வி எழுந்­தி­ருக்­கின்­றது.

சரண்­யாவின் குண­ந­லன்கள் இயல்­புகள் என்­ப­வற்றை நன்கு அறிந்­தி­ருந்த அதி­கா­ரிகள், அவர் வசித்த அம்­மம்­மாவின் வீடு, அவ­ருக்குப் போதிய அளவில் பாது­காப்­பான­தல்ல என தெரி­வித்து, அவ­ருக்கு வீட்­டுத்­திட்­டத்தில் இட­ம­ளிக்­கப்­பட வேண்டும் என்று அது தொடர்­பான அதி­கா­ரி­க­ளுக்கு பரிந்­து­ரைத்­தி­ருந்­தனர் என்ற தக­வலும் உண்டு.

அதே­நேரம், சரண்யா இறப்­ப­தற்கு முன்னர் வசித்து வந்த வீட்டில் இருந்த அவ­ரு­டைய வய­தொத்த ஏனைய இரண்டு சிறு­மி­க­ளுக்கும், சரண்­யா­வுக்கும் அந்த வீட்­டிற்கு அடிக்­கடி வருகை தந்­த­வர்­களில் குறிப்­பிட்ட ஒரு­வரோ, இரு­வரோ பாலியல் சார்ந்த காட்­சி­களை கைத்­தொ­லை­பே­சியில் பார்ப்­ப­தற்கு வழங்­கி­யி­ருந்­தனர் என்ற தக­வலும் வெளி­யா­கி­யி­ருக்­கின்­றது.

இந்தத் தகவல் நிச்­ச­ய­மாக பொலி­சாரின் விசா­ர­ணை­களில் தெரி­விக்­கப்­பட்­டி­ருக்க வேண்டும், அது­பற்­றிய தக­வல்கள் அந்த விசா­ரணை பதிவில் இடம்­பெற்­றி­ருக்க வேண்டும் என்று எதிர்­பார்க்க வேண்­டி­யுள்­ளது.

சிறுமி சரண்யா ஏதோ ஒரு வருத்தம் காரண­மாக சிகிச்­சைக்­காக அனு­ம­திக்­கப்­பட்டு திடீ­ரென மரணமடைந்­த­தை­யடுத்து நடத்­தப்­பட்ட மருத்­துவ பரி­சோ­த­னை­யி­லேயே அவர் மீது பாலியல் குற்றம் இழைக்­கப்­பட்­டி­ருக்­கின்­றது என்ற தடயம் தெரிந்­தது.

தக­வலும் வெளி­யா­கி­யி­ருந்­தது. அப்­ப­டி­யானால், அவ­ருக்கு தனது வீட்டில் இட­ம­ளித்து, அவரைப் பரா­ம­ரித்து வந்த பெண் விசா­ர­ணைக்கு உட்­ப­டுத்­தப்­பட்­டாரா என்­பது தெரி­ய­வில்லை.

அதே­நேரம் அந்த வீட்டில் சரண்­யா­வுடன் சம வய­து­டைய இரண்டு சிறு­மிகள் இருந்­தி­ருக்­கின்­றார்கள். அவர்­களும் திருக்­கே­தீஸ்­வ­ரத்­திற்கு சிவ­ராத்­தி­ரிக்­காகச் சென்­றார்­களா, அப்­ப­டி­யானால், அவர்­க­ளுக்கு என்ன நடந்­தது, அல்­லது அவர்­க­ளுக்கு ஏதேனும் நடந்­ததா என்­பது பற்றி விசா­ரணை செய்­யப்­பட்­டதா என்­பதும் தெளி­வில்­லாமல் உள்­ளது.

சரண்யா மர­ண­ம­டைந்­த­தை­ய­டுத்து, அவ­ருக்கு இழைக்­கப்­பட்­டி­ருந்த பாதிப்­புக்கு, அவர் வசித்­தி­ருந்த அல்­லது அவரைத் தனது பெண் பிள்­ளை­க­ளுடன் வைத்துப் பரா­ம­ரித்து வந்த பெண் பொறுப்பு கூற வேண்டும் என்ற கொதிப்பு ஊர் மக்கள் மத்­தியில் எழுந்­தி­ருந்­தது.

அது மட்­டு­மல்­லாமல், அவர் மீது விசா­ரணை நடத்­தப்­ப­டா­தி­ருப்­பதை உணர்ந்த மக்கள் அவர் தொடர்ந்து தமது ஊரில் இருப்­ப­தனால் வேண்­டத்­த­காத விளை­வுகள் ஏனைய பிள்­ளை­க­ளுக்கும் என்ற அச்­சத்­தையும் கொண்­டி­ருந்­தனர்.

இதனால் அயல் வீட்டுக் கிண­று­களில் அந்தப் பெண் தண்ணீர் எடுப்­ப­தற்கு வீட்டு உரி­மை­யா­ளர்கள் அனு­ம­திக்­க­வில்லை. இதன் கார­ண­மாக அவர் அந்த ஊரில் தொடர்ந்து வசிக்க முடி­யாத நிலை­யேற்­பட்டு, அவர் யாழ்ப்­பா­ணத்திற்குத் தனது இரண்டு பெண்­பிள்­ளை­க­ளு­டனும் சென்­று­விட்­ட­தாகத் தெரி­விக்­கப்­ப­டு­கின்­றது.

அந்தப் பெண்­ணு­டைய வீட்டில் இருந்து திருக்­கே­தீஸ்­வ­ரத்­திற்குச் சென்ற சரண்யா எத்­தனை நாட்­களின் பின்னர் வீடு திரும்­பினார், அங்கு சென்­றி­ருந்­த­போது, அவ­ருக்கு என்ன நடந்­தது, யார் யார் அவ­ரு­டன சென்­றி­ருந்­தார்கள், அவர்கள் உண்­மை­யி­லேயே திருக்­கே­தீஸ்­வரம் சென்­றார்­களா அல்­லது அங்கு செல்­வ­தாகக் கூறி வேறு எங்­கேனும் சென்­றார்­களா, அப்­ப­டி­யானால் எங்கு சென்­றார்கள், என்ன நடந்­தது, என்ற விட­யங்கள் எதுவும் ஆரா­யப்­பட்­ட­தா­கவோ விசா­ரணை செய்­யப்­பட்­ட­தா­கவோ தெரி­ய­வில்லை.

அது மட்­டு­மல்­லாமல், சரண்யா தங்­கி­யி­ருந்த வீட்டில் அவ­ருக்கு ஏதேனும் நடந்­ததா என்ற கேள்­விக்கும் விடை காணப்­பட வேண்­டி­யுள்­ளது.

மறு­பக்­கத்தில், சிறுவர் நன்­ன­டத்தை அதி­கா­ரி­க­ளினால், பாது­காப்­பான பரா­ம­ரிப்பு கிடைக்கும் என்ற எதிர்­பார்ப்பில் ஒப்­ப­டைக்­கப்­பட்ட சிறுமி சரண்­யாவை பொறுப்­பேற்ற அவ­ரு­டைய அம்­மம்மா என்ன கார­ணத்­திற்­காக, அவரை வேறு ஒரு­வ­ரு­டைய வீட்டில் சென்று தங்­கி­யி­ருப்­ப­தற்கு அனு­ம­தித்­தி­ருந்தார் என்­பது கண்­ட­றி­யப்­பட்­ட­தா­கவும் தெரி­ய­வில்லை.

சிறுமி சரண்யா சென்று தங்­கி­யி­ருந்த வீட்டுப் பெண்­ம­ணிக்கும், சரண்­யாவின் அம்­மம்­மாவும் உற­வி­னர்­களா, நண்­பர்­களா அல்­லது ஏற்­க­னவே ஒரு­வ­ருக்கு ஒருவர் பரிச்­ச­ய­மா­ன­வர்­களா?

அவ்­வாறு இல்­லை­யென்றால் எந்த நம்­பிக்­கையின் அடிப்­ப­டையில் சரண்­யாவை அவ­ரு­டைய அம்­மம்மா அந்தப் பெண்ணின் வீட்டில் சென்று தங்­கி­யி­ருப்­ப­தற்கு அனு­ம­தித்­தி­ருந்தார் என்­பதும் தெளி­வில்­லாமல் இருக்­கின்­றது.

இவ்­வாறு பல தரப்­புக்­களில் பல கோணங்­களில் கேள்­விகள் எழு­வ­தற்குக் காரணம் இல்­லாமல் இல்லை.

கூட்டுப் பாலியல் வல்­லு­ற­வுக்கு உட்­ப­டுத்­தப்­பட்­ட­தற்­கு­ரிய தட­யங்­களை உடலில் கொண்­டி­ருந்த சிறுமி சரண்­யா­வுக்கு வயது 15.

இலங்­கையில் ஒருவர் 18 வயதை அடைந்த பின்பே, அவர் வய­துக்கு வந்­தவர் என்று சட்­ட­ரீ­தி­யாகக் கணிக்­கப்­ப­டு­கின்­றது. அத்­துடன் 16 வய­து­டை­ய­வர்­களும், அதற்குக் குறைந்­த­வர்­களும் சிறு­வர்கள் என கணிக்­கப்­ப­டு­கின்­றார்கள்.

இந்த வகையில் பூப்­ப­டைந்த சிறு­மி­யொ­ரு­வரின் விருப்­பத்­து­டனோ அல்­லது அவ­ரு­டைய விருப்­பத்­திற்கு மாறா­கவோ அவ­ருடன் உட­லு­றவு கொள்­வ­தென்­பது, தண்­ட­னைக்­கு­ரிய பாலியல் வல்­லு­றவு குற்­ற­மாகக் கரு­தப்­ப­டு­கின்­றது. இத்­த­கைய குற்­றத்­திற்குக் கடும் தண்­டனை வழங்­கப்­பட வேண்டும் என்று சட்டம் கூறு­கின்­றது.

இதை­யும்­விட சிறுவர் உரி­மைகள் ரீதி­யா­கவும், சிறுமி ஒருவர் மீதான பாலியல் குற்றம் என்­பது பார­தூ­ர­மாகக் கரு­தப்­ப­டு­கின்­றது. இந்த நிலையில் அநி­யா­ய­மாகக் கசக்கிப் பிழியப்­பட்ட சரண்யா குறித்து சிறுவர் உரி­மைக்­காகக் குரல் கொடுப்­ப­வர்கள் என்ன செய்­தி­ருக்­கின்­றர்கள், அவ­ருடன் வேறு சிறு­மி­களும் பாதிக்­கப்­பட்­டி­ருக்­கின்­றார்­களா என்­பதைக் கண்­ட­றிய என்ன செய்­தி­ருக்­கின்­றார்கள் என்ற கேள்வி விசு­வ­ரூ­ப­மெ­டுத்­தி­ருக்­கின்­றது.

எது எப்­ப­டி­யா­னாலும், சிறுமி சரண்யா மீது இழைக்­கப்­பட்­டுள்ள குற்­றச்­செ­யல்­க­ளுக்குக் கார­ண­மா­ன­வர்கள் கண்டு பிடிக்­கப்­பட வேண்டும்.

அவர்கள் சட்­டத்தின் முன் நிறுத்­தப்­பட்டு உரிய தண்­டனை வழங்­கப்­பட வேண்டும். இதன் ஊடாக சரண்யா போன்ற அபலைச் சிறு­மி­களின் பாது­காப்பு சமூ­கத்தில் உறு­திப்­ப­டுத்­தப்­பட வேண்டும்.

-செல்­வ­ரட்னம் சிறி­தரன்-

About Author

admin

admin

Related Articles

0 Comments

No Comments Yet!

There are no comments at the moment, do you want to add one?

Write a comment

Write a Comment

*

ilakkiyainfo Tweets

Facebook Like Box

August 2020
MTWTFSS
 12
3456789
10111213141516
17181920212223
24252627282930
31 

Latest Comments

இந்த செய்தி வாட்ஸ்அப்பில் எனக்கு வந்தது. ஆர்வமிருப்பவர்கள் அறிந்து கொள்ளலாமே எனப் பகிர்கிறேன். பதில்கள் தெரிந்தால் பகிரலாம். தமிழரசு கட்சியின்...

ஈன தமிழரின் இவ்வளவு பிரச்சனைகளுக்கும் காரணம் ஐ.தே.க அப்படியிருந்தும் ஐ.தே.க ல் போட்டியிடுபவர்களும் ஐ.தே.க வாக்கு அளிப்பவர்களும் எப்படிப்படட கேவலமான...

எங்கள் நாட்டை பார்க்க எங்கள் தலைவர்கள் ராஜபக்சேகள் உள்ளார்கள் , நீ பொத்தி கொண்டு போ...

அமெரிக்கா தன் விமான சேவையை சீனா அனுமதிக்க வேண்டும் என மிரட்டி மீண்டும் சீனாவுக்கு தனது விமானங்களை அனுப்பிய பின்...

முதலில் யூதாசின் வரலாற்றை நன்றாக படியுங்கள்.பிறகு கடவுளை கேள்வி கேட்கலாம்.நீங்கள் சார்ந்த இயக்கம் பற்றி இந்திய தமிழனாகிய எனக்கு தெரியுமா?இல்லை...

Email Subscription

தினமும் பதிவுகளை மின்னஞ்சல் மூலம் பெற்றிட

Enter your email address:

Delivered by FeedBurner

Contact Us

news@ilakkiyainfo.com