ilakkiyainfo

நாட்டில் கொரோனா தொற்றாளர்களின் எண்ணிக்கை உயர்வு : சிறைச்சாலைகளில் அதிகரிக்கும் தொற்றாளர்கள்

நாட்டில் கொரோனா தொற்றாளர்களின் எண்ணிக்கை உயர்வு : சிறைச்சாலைகளில் அதிகரிக்கும் தொற்றாளர்கள்
November 21
19:27 2020

நாட்டில் கொரோனா தொற்றாளர்களின் எண்ணிக்கை இரு தினங்களில் சுமார் ஆயிரத்தால் அதிகரிக்கும் நிலை ஏற்பட்டுள்ளது. அத்தோடு தினமும் குறைந்தது ஒரு மரணமாவது பதிவாகிறது. எவ்வாறிருப்பினும் இனங்காணப்படும் தொற்றாளர்கள் அனைவரும் மினுவாங்கொடை அல்லது பேலியகொடை கொத்தணியுடன் தொடர்புடையவர் என்று சுகாதாரத் தரப்பு உறுதிப்படுத்துகிறது. தற்போது இந்த இரு கொத்தணிகளுடன் தொடர்புடைய தொற்றாளர்களின் எண்ணிக்கை பதினாராயிரத்தைக் கடந்துள்ளது.

மினுவாங்கொடை கொத்தணி உருவானதன் பின்னர் கம்பஹா மாவட்டத்திலேயே அதிகளவான தொற்றாளர்கள் இனங்காணப்பட்டனர். எனினும் தற்போது கொழும்பு மாவட்டமே எச்சரிக்கை மிக்கதாக அடையாளப்படுத்தப்பட்டுள்ளது.

ஒக்டோபர் 4 ஆம் திகதிக்கு பின்னர் நேற்று வெள்ளிக்கிழமை வரை 6606 தொற்றாளர்கள் கொழும்பு மாவட்டத்தில் மாத்திரம் இனங்காணப்பட்டுள்ளனர். இதே போன்று கம்பஹாவில் 5796 தொற்றாளர்கள் இனங்காணப்பட்டுள்ளனர்.

இன்று இனங்காணப்பட்ட தொற்றாளர்கள் 

இந்நிலையில் இன்று சனிக்கிழமை மாலை 10.30 மணி வரை 257 தொற்றாளர்கள் இனங்காணப்பட்டனர். அதற்கமைய தொற்றாளர்களின் மொத்த எண்ணிக்கை 19 537 ஆக உயர்வடைந்துள்ளது. இனங்காணப்பட்ட மொத்த தொற்றாளர்களில் 5873 பேர் சிகிச்சை பெற்று வருவதோடு , 13 590 பேர் குணமடைந்துள்ளனர். இன்று மாலை வரை மினுவாங்கொடை மற்றும் பேலியகொடை ஆகிய கொத்தணிகளுடன் தொடர்புடைய 16 022 தொற்றாளர்கள் இனங்காணப்பட்டுள்ளனர்.

வெள்ளியன்று பதிவான மரணம்

கொழும்பு 2 பிரதேசத்தைச் சேர்ந்த 70 வயதான ஆணொருவர் கொவிட் தொற்றால் உயிரிழந்துள்ளார். கொழும்பு தேசிய வைத்தியசாலையில் சிகிச்சை பெற்று வந்த நிலையில் குறித்த நபர் உயிரிழந்துள்ளார். மரணத்திற்கான காரணம் கொவிட் தொற்றினால் ஏற்பட்ட இதய பாதிப்பாகும். அதற்கமைய நாட்டில் மரணங்களின் எண்ணிக்கை 74 ஆக அதிகரித்துள்ளது.

சிறைச்சாலைகளில் அதிகரிக்கும் தொற்றாளர்கள்

நாட்டிலுள்ள சிறைச்சாலைகளில் கொரோனா தொற்றுக்குள்ளானவர்களின் எண்ணிக்கை இன்று மாலை வரை 617 ஆக அதிகரித்துள்ளது. இன்றைய தினமும் சிறைச்சாலைகளில்; 63 பேருக்கு தொற்றுறுதி செய்யப்பட்டது.

இவ்வாறு இனங்காணப்பட்ட மொத்த தொற்றாளர்களில் சிறைக்கைதிகள் 578 பேர் மற்றும் சிறைச்சாலை அதிகாரிகள் 39 பேர் உள்ளடங்குவதாக தெரிவிக்கப்பட்டுள்ளது.

வெலிக்கடை சிறைச்சாலையிலேயே அதிகளவான தொற்றாளர்கள் இனங்காணப்பட்டுள்ளனர். இங்கு இன்று மாலை வரை 236 பேருக்கு தொற்று உறுதிப்படுத்தப்பட்டுள்ளது.

போகம்பரை பழைய சிறைச்சாலையில் 170 பேரும் கொழும்பு விளக்கமறியல் சிறைச்சாலையில் 120 பேரும் பூசா சிறைச்சாலையில் 49 பேரும் குருவிட்ட சிறைச்சாலையில் 16 பேரும் தொற்றுக்குள்ளாகியுள்ளனர்.

கொரோனா தொற்றுக்குள்ளாகிய கைதிகள் மற்றும் அதிகாரிகள் கல்லேல்ல, வெலிகந்த, கந்தக்காடு மற்றும் வெலிக்கடை சிறைச்சாலை வைத்தியசாலையில் சிகிச்சை பெற்று வருகின்றனர்.

About Author

admin

admin

Related Articles

0 Comments

No Comments Yet!

There are no comments at the moment, do you want to add one?

Write a comment

Write a Comment

*

ilakkiyainfo Tweets

Facebook Like Box

December 2020
MTWTFSS
 123456
78910111213
14151617181920
21222324252627
28293031 

Latest Comments

பல வருடங்களின் பின்பு என்று தங்களின் கட்டுரை வாசித்து, பலன் அடைத்தேன் , உண்மைகள் பல அறிந்தேன் , இனியாவது...

Please do it soon , my best wishes...

very useful...

மூடர் கூட்டம் இன்னும் எத்தனை நாளைக்கு இப்படி பொருளை அள்ளி இறைப்பீர்கள். "மக்கள் சேவையே மகேசன் சேவை ", போய்...

Sritharan stop deviding people. No election yet. Shame you do this for your food. STOP...

Email Subscription

தினமும் பதிவுகளை மின்னஞ்சல் மூலம் பெற்றிட

Enter your email address:

Delivered by FeedBurner

Contact Us

news@ilakkiyainfo.com