ilakkiyainfo

‘பேக்காட்டுற எண்டு நீங்கள் நினைச்சால் பேக்காட்டுவம்” : உயிரிழந்த மாணவரின் தாயாரை அச்சுறுத்திய பொலிஸார் (முழுமையான அதிச்சி தகவல் வெளியானது)

‘பேக்காட்டுற  எண்டு  நீங்கள் நினைச்சால்  பேக்காட்டுவம்” : உயிரிழந்த மாணவரின் தாயாரை அச்சுறுத்திய பொலிஸார் (முழுமையான அதிச்சி தகவல் வெளியானது)
October 22
17:39 2016

பேக்காட்டுற எண்டு நீங்கள் நினைச்சால் பேக்காட்டுவோம்’ என யாழில் பொலிஸாரின் துப்பாக்கி சூட்டில் உயிரிழந்த மாணவர்களில் ஒருவரான கஜனின் தாயாரை யாழ். பொலிஸார் அச்சுறுத்தியுள்ளனர்.

இச்சம்பவம் தொடர்பில் உயிரிழந்த மாணவர்களில் ஒருவரான 23 வயதுடைய நடராசா கஜனின் தாயார், நடராசா சறோஜினி(வயது 61) அதிர்ச்சியான தகவலை வெளியிட்டுள்ளார்.

”யாழ்ப்பாணம் வைத்தியசாலையிலிருந்து என்னையும் மகளையும் மற்றும் சுயலக்சனின் தந்தையையும் ஒவ்வாரு காவல்துறையினர் கையை பிடித்து அழைத்துச் சென்று ஏசி வாகனம் ஒன்றினுள் ஏற்றி யாழ். காவல்நிலையத்திற்கு கொண்டு சென்றனா்.

அங்கு எங்களுக்கு தேனீா் தந்தனா். ஆனால் நாங்கள் மறுத்துவிட்டோம். பின்னா் அங்கு கம்பஸ் பெடியளும் வந்திட்டாங்கள்.

இதனை நாங்கள் திட்டமிட்டு செய்யவில்லை தவறுதலாக நடந்துவிட்டது என அங்கு வைத்து காவல்துறையினர் எங்களிடம் தெரிவித்தனா்.

img_7757-1காவல்துறையினர் வெறியில் இருந்தார்களோ என்னவோ தெரியவில்லை சுட்டதுதான் மாணவா்கள் மீது பட்டுவிட்டது. மன்னித்துக்கொள்ளுங்கள். இனிமேல் இப்படியொன்றும் நடக்காது.

சம்மந்தப்பட்ட காவல்துறையினர் மீது நடவடிக்கை எடுக்க கொழும்பில் இருந்து ஆட்கள் வருகின்றாா்கள், அவா்களை நாங்கள் கைது செய்திருக்கின்றோம். கோட்சுக்கு கொண்டு சென்று நடவடிக்கை எடுப்போம். தெரியாமல் நடந்த இந்த சம்பவத்தை நீங்கள் மன்னித்துக்கொள்ளுங்கள்.

காவல்துறை உங்களுக்கு பந்தல் போடுவதற்கும் கதிரைகள் பிஸ்கட், சோடாவும் தந்து எல்லா செலவையும் செய்யவாா்கள் என்று சொல்லிப் போட்டு அங்கிருந்து (யாழ்ப்பாணம்)   இங்குள்ள (கிளிநொச்சி) டி.ஐ.ஜி. ஒபீசுக்கு கோல் பண்ணி   எங்கட வீட்டு முகவரியையும் சொல்லி, அங்குள்ள காவல் துறையினரை போய் எல்லா உதவியையும் செய்ய சென்னாா்கள்.

நாங்கள் செய்த குற்றத்திற்காக போஸ்மோட்டம், பெட்டிச் செலவு, வாகனச் செலவு எல்லாத்தையும் காவல்துறையினர் செய்து தாறம் என்றும் அந்த வீட்டுச் செலவு இந்தவீட்டுச்செலவு எல்லாத்தையும் நாங்கள் செய்யிறம் என்றும் சொன்னாா்கள்.

ஆனால் இங்க எங்கட ஆட்கள் அவா்களை செய்ய விடவில்லை. காவல்துறையினர் இங்க வரக் கூடாது. உங்கட உதவியும் வேண்டாம். ஒன்றும் வேண்டாம் என்று சொல்லி அனுப்பிவிட்டுடினம்.

பின்னர் அங்கு வந்த எனது மகன் ஏன் இங்கு வந்தீர்கள். இவங்கட கதைய கேக்காதேங்கோ எண்டு திட்டினான். பிறகு எங்களை வைத்திய சாலையில் இறக்குறதுக்கு ஒரு தமிழ் பொலிஸ் வாகனத்துல ஏத்திக்கொண்டு வந்தவர்.

வரேக்க மகன், இவங்கள நம்பாதேங்கோ பேக்காட்டுறாங்க எண்டு கத்திக் குளறிட்டான். அந்த தமிழ் பொலிஸ் சொன்னார் நீங்கள் பேக்காட்டுற எண்டு நினைச்சால் பேக்காட்டுவம் இல்லன்டா உதவி செய்வம் எண்டவர்.

பிறகு நாங்கள் அங்க இறங்கி கிளிநொச்சிக்கு வந்துட்டம்.

பிறகு போன்ல கதைச்ச ஒராள், கொழும்பிலிருந்து காவல்துறை பெரியாள் ஒருவா் கதைக்கிறன் என்று சொல்லி அவா் சொன்னாா் உங்கட பிள்ளைகள் ஏ.எல், ஓ.எல் படிச்சிருக்கினமா? நாங்கள் அவா்களுக்கு வேலைவாய்ப்பு தாறம்.

உங்களுக்கு நாங்கள் இந்த உதவியை மனிதாபிமான முறையில் செய்யிறம். மன்னிச்சிக்கொள்ளுங்கள். தவறுதலாக நடந்துவிட்டது.” என தெரிவித்ததாக தாயார் தெரிவிதார்.

About Author

admin

admin

Related Articles

0 Comments

No Comments Yet!

There are no comments at the moment, do you want to add one?

Write a comment

Write a Comment

*

ilakkiyainfo Tweets

Facebook Like Box

December 2020
MTWTFSS
 123456
78910111213
14151617181920
21222324252627
28293031 

Latest Comments

பல வருடங்களின் பின்பு என்று தங்களின் கட்டுரை வாசித்து, பலன் அடைத்தேன் , உண்மைகள் பல அறிந்தேன் , இனியாவது...

Please do it soon , my best wishes...

very useful...

மூடர் கூட்டம் இன்னும் எத்தனை நாளைக்கு இப்படி பொருளை அள்ளி இறைப்பீர்கள். "மக்கள் சேவையே மகேசன் சேவை ", போய்...

Sritharan stop deviding people. No election yet. Shame you do this for your food. STOP...

Email Subscription

தினமும் பதிவுகளை மின்னஞ்சல் மூலம் பெற்றிட

Enter your email address:

Delivered by FeedBurner

Contact Us

news@ilakkiyainfo.com