ilakkiyainfo

எனது இலக்கு தப்பாது: ஆட்சிமாற்றம் நிச்சயம் என்கிறார் சந்திரிகா குமாரதுங்க

December 17
00:03 2014

 

மிகத் தெளி­வான அர­சியல் திட்டம் தீட்­டப்பட்டு ஆட்சி மாற்­றத்­தினை இலக்கு வைத்த தேர்தல் செயற்பாட்டினை பொது எதி­ரணி முன்­னெ­டுத்­துள்­ளது.

ஒன்­பது ஆண்­டுகள் அமை­தியின் பின்னர் நான் ஆட்சி மாற்றத்திற்கு இலக்குவைத்­துள்ளேன். எனது இலக்கு தவ­றாது என்று முன்னாள் ஜனா­தி­பதி சந்­தி­ரிகா குமா­ர­துங்க தெரிவித்தார்.

அவரது இல்­லத்தில் நேற்று ஏற்­பாடு செய்­யப்­பட்­டி­ருந்த செய்­தி­யாளர் சந்­திப்­பின்­போதே அவர் மேற்கண்டவாறு தெரி­வித்தார்.

அவர் மேலும் குறிப்­பி­டு­கையில்;

பொது எதி­ர­ணியின் நிகழ்ச்சி நிரல் மிக தெளி­வா­னது. திட்­ட­மிட்டு அர­சியல் மாற்றம் ஒன்­றிற்­கான ஒவ்­வொரு அடி­யி­னையும் எடுத்து வைக்­கின்றோம்.

எமது தேர்தல் பணிகள் மக்­களை எம்­பக்கம் ஈர்க்கும். அர­சியல் பிர­சார முயற்­சிகள் பல இடர்­பா­டு­க­ளுக்கு மத்­தியில் இடம்­பெ­று­கின்­றது.

பண பலத்­திற்கும் அடக்­கு­மு­றை­க­ளுக்கும் மத்­தியில் மாற்­றத்தின் பாதையில் பய­ணித்துக் கொண்டிருக்கின்றோம்.

இவ்­மு­யற்சி நிச்­சயம் வெற்றி பெறும். நான் எனது பத­வி­யினை ஒப்­ப­டைத்து வெளி­யே­றிய போதிலிருந்து இன்று வரையில் மஹிந்த ராஜபக் ஷ என்ற தனி நப­ரினால் பல அவ­மா­னங்கள் இடர்­க­ளுக்கு முகம் கொடுத்­துள்ளேன்.

எனினும் இனிமேல் எனது அர­சியல் பயணம் இவர்­க­ளுடன் அமைந்து விடக்­கூ­டாது என்­ப­தற்­கா­கவே ஒன்பது ஆண்­டுகள் மௌனித்து இருந்தேன்.

எனினும் எனது ஒன்­பது ஆண்­டுகள் மௌனம் கலைந்து மீண்டும் எனது இலக்­கினை நோக்கி பய­ணிக்க ஆரம்­பித்து விட்டேன்.

இது­வ­ரையில் நான் வைத்த இலக்கு தவ­றி­ய­தில்லை. நான் தோற்கும் எந்­த­வொரு முயற்­சிக்கும் துணை போகவும் மாட்டேன். ஆட்சி மாற்­றத்­தினை ஏற்­ப­டுத்த நான் வைத்­துள்ள குறி தவ­றாது.

அதேபோல் மஹிந்த ராஜபக் ஷ குடும்ப அர­சாங்­கத்தின் ஊழல் எல்லை தாண்டி விட்­டது. நாம் நினைத்ததை விடவும் மோச­மான வகையில் இவர்­களின் ஊழலும் அடக்கு முறையும் உள்­ளது.

அர­சாங்­கத்தில் இருந்து பலர் இன்று வெளி­யே­றி­யுள்­ளனர். சிறந்த தலை­வர்கள் அனை­வரும் எம்­முடன் கைக்­கோர்த்து விட்­டனர்.

இன்னும் சிலர் அர­சாங்­கத்தில் இருக்­கின்­றனர். அவர்கள் அர­சாங்­கத்தில் இருந்து வெளி­யேற முடியாதமைக்கு உயிர் பயமும் அரா­ஜக செயற்­பா­டு­க­ளுமே காரணம்.

மேலும் என்னை மன­நோ­யாளி என சித்­த­ரிக்­கின்­றனர். நான் சுக­தே­கி­யாக தெளி­வான சிந்­த­னையில் செயற்­ப­டு­கின்றேன். ஆனால் மஹிந்த ராஜபக் ஷவிற்கே இன்று மனநோய் பிடித்­துள்­ளது.

அவ­ருக்கு பிடித்­துள்ள மன­நோய்க்கு உலகில் மருந்து இல்லை. அர­சாங்­கத்தை தீர்­மா­னிப்­பது மக்­களே அவர்­க­ளையும் அர­சாங்­கத்­திற்கு சவா­லா­ன­வர்­க­ளையும் மன­நோ­யா­ளிக்கும் கொள்­கையில் அர­சாங்கம் செயற்­ப­டு­கின்­றது.

அதை மாற்­றி­ய­மைக்கும் அணி­யி­னையே நாம் உரு­வாக்கி வரு­கின்றோம்.

பத­வி­யா­சையில் திசை திரும்­பிய தலை­வர்­களின் நிலைமை என்­ன­வென்­பதை உலக வர­லாற்றில் காண்­கின்றோம்.

எனினும் 3வது தடவை ஆட்சியினை தக்க வைத்திருக்க முடியும். ஆனால் பதவியாசை எனக்கு இருந்ததில்லை.

தற்போதும் என்னை அரசியலில் பிரவேசிக்க பல வற்புறுத்தல்கள் இருக்கின்றது. ஆனால் நான் வரலாற்று தவறினை செய்ய விரும்பவில்லை. எனவும் அவர் குறிப்பிட்டார்.

யாரை ஆதரிப்பது-? மு.கா.வுக்குள் பெரும் முரண்பாடு; அரச தரப்புடன் ஹக்கீம் நேற்றும் பேச்சு

17-12-2014

hakkimஜனா­தி­பதித் தேர்­தலில் யாரை ஆத­ரிப்­பது என்­பது தொடர்பில் முடிவு எடுக்கும் விட­யத்தில் ஸ்ரீலங்கா முஸ்லிம் காங்­கி­ர­ஸுக்குள் பெரும் முரண்­பாடு ஏற்­பட்­டுள்­ளது. பல தட­வைகள் கட்­சியின் அர­சியல் உயர்பீடம் கூடி­ய­போ­திலும் தீர்க்­க­மான முடிவு எதுவும் எடுக்­கப்­ப­ட­வில்லை.

அர­சாங்க தரப்­பி­ன­ருடன் நேற்று முஸ்லிம் காங்­கி­ரஸின் தலை­வரும் நீதி அமைச்­ச­ரு­மான ரவூப் ஹக்கீம் பேச்­சு­வார்த்தை நடத்­திய போதிலும் முடிவு எதுவும் எடுக்­கப்­ப­ட­வில்லை. இன்று மீண்டும் அரசதரப்பினரை சந்­தித்து பேசு­வ­தற்கும் தீர்­மா­னிக்­கப்­பட்­டுள்­ள­தாக தெரி­கின்­றது.

ஜனா­தி­பதித் தேர்தல் தொடர்பில் நேற்று முன்­தினம் கண்­டியில் ஒன்றுகூடிய முஸ்லிம் காங்­கிரஸ் கட்சியினர் விரி­வாக ஆரா­ய்ந்­தி­ருந்­தனர்.

இத­னை­ய­டுத்து நேற்று அரச தரப்­பி­னரை மு.கா.தலைவர் ரவூப் ஹக்கீம் சந்­தித்து பேசி­ய­போ­திலும் இச் சந்­திப்பில் கட்­சியின் செய­லாளர் ஹசன் அலியோ அல்­லது ஏனைய எம்.பி.க்களோ பங்­கு­பற்­ற­வில்லை.

இன்று நடை­பெறும் சந்­திப்­பிலும் இவர்கள் பங்­கேற்க மாட்­டார்கள் என்றே தெரி­கின்­றது.

ஜனா­தி­பதி மஹிந்த ராஜ­ப­க்ஷவை ஆத­ரிக்க வேண்­டு­மென்ற நிலைப்­பாட்டில் ஒரு­த­ரப்­பி­னரும் எதிரணிவேட்­பாளர் மைத்­தி­ரி­பால சிறி­சே­னவை ஆத­ரிக்க வேண்டும் என்ற நிலைப்­பாட்டில் மறுதரப்பினரும் உள்­ள­மை­யி­னா­லேயே கட்­சிக்குள் பெரும் முரண்­பாடு ஏற்­பட்­டுள்­ள­தாக தெரி­கின்­றது.

கட்­சியின் செய­லாளர் ஹசன் அலி உட்­பட பெரும்­பான்­மை­யான எம்.பி.க்கள் மாகா­ண­சபை உறுப்­பி­னர்கள் மற்றும் உள்­ளூ­ராட்சி சபை உறுப்­பி­னர்கள் பொது எதி­ரணி வேட்­பாளர் மைத்­தி­ரி­பால சிறி­சே­ன­வுக்கு ஆதரவு வழங்க வேண்­டு­மென்று வலி­யு­றுத்தி வரு­கின்­றனர்.

சிலர் ஜனா­தி­பதி மஹிந்த ராஜ­ப­க்ஷ­வுக்கு ஆதரவு வழங்­கு­வதன் மூலமே கட்­சியை காப்­பாற்ற முடியும் என்று கருத்து தெரி­வித்­துள்­ளனர்.

எதிர்­வரும் ஜனா­தி­பதித் தேர்­தலில் மஹிந்த ராஜபக் ஷவை ஆத­ரிப்­ப­தற்கு பல கோரிக்­கை­களை ஸ்ரீலங்கா முஸ்லிம் காங்­கிரஸ் முன்­வைத்­துள்ள நிலையில் அது தொடர்­பாக கலந்­து­ரை­யா­ட­லொன்று நேற்று திங்கட்­கி­ழமை ஜனா­தி­பதி செய­ல­கத்தில் நடை­பெற்­றது.

குறிப்­பிட்ட கலந்­து­ரை­யா­டலில் ஸ்ரீலங்கா முஸ்லிம் காங்­கி­ரஸின் தலை­வரும் நீதி­ய­மைச்­ச­ரு­மான ரவூப் ஹக்கீம், அமைச்சர் டலஸ் அல­க­பெ­ரும, அமைச்­சரும் ஐக்­கிய மக்கள் சுதந்­திர கூட்­ட­மைப்பின் பொதுச் செய­லா­ள­ரு­மான சுசில் பிரே­ம­ஜ­யந்த, அமைச்­சரும் ஸ்ரீலங்கா சுதந்­திரக் கட்­சியின் செய­லா­ள­ரு­மான அநுர பிரி­ய­தர்­ஷ­ன­யாப்பா மற்றும் ஜனா­தி­ப­தியின் செய­லாளர் லலித் வீர­துங்­கவும் கலந்து கொண்­டனர்.

ஒன்­றரை மணித்­தி­யா­லங்­க­ளாக நடை­பெற்ற கலந்­து­ரை­யா­ட­லின்­போது நேற்று முன்­தினம் ஞாயிற்றுக் கிழமை கண்­டியில் நடை­பெற்ற கூட்­டத்தில் கட்­சியின் பாரா­ளு­மன்ற உறுப்­பி­னர்கள் மாகாண சபை உள்ளூராட்சி மன்ற உறுப்­பி­னர்கள் மற்றும் மக்கள் பிர­தி­நி­திகள் தெரி­வித்த கருத்­துக்­க­ளையும் அவர்­களின் எதிர்­பார்ப்­பு­க­ளையும் கட்­சியின் தலைவர் ரவூப் ஹக்கீம் அமைச்­சர்­க­ளிடம் எடுத்து விளக்­கினார்.

முஸ்­லிம்­களின் ஒரு சில பிரச்­சி­னை­க­ளுக்கு குறிப்­பாக கரு­ம­லை­யூற்று பள்­ளி­வாசல் போன்­ற­வற்­றுக்கு உட­னடி தீர்­வுகள் வழங்­கப்­பட்­டி­ருந்­தாலும் முஸ்லிம் காங்­கிரஸ் முன்­வைத்­துள்ள பல முக்­கிய பிரச்சினைக­ளுக்கு இது­வரை தீர்வோ உறு­தி­களோ வழங்­கப்­ப­டா­ம­லி­ருப்­பது தொடர்பில் முஸ்­லிம்கள் அதிருப்தியடைந்­தி­ருக்­கி­றார்கள் என்­ப­தனை அமைச்சர் விளக்கினார்.

கலந்துரையாடலில் பங்கு கொண்ட அமைச்சர்கள் அரசின் நிலைப்பாட்டினையும் விளக்கினார். என்றாலும் எதுவித தீர்மானங்களும் நிறைவேற்றப்படாமல் கலந்தரையாடல் முற்றுப் பெற்றதாகத் தெரிய வருகிறது.

இந்நிலையில் ஸ்ரீலங்கா முஸ்லிம் காங்கிரஸின் ஜனாதிபதி தேர்தல் தொடர்பான நிலைப்பாடு தாமதாகவே உத்தியோகப்பூர்வமாக வெளியிடப்படும் எனத் தெரிவிக்கப்படுகிறது.

About Author

admin

admin

Related Articles

0 Comments

No Comments Yet!

There are no comments at the moment, do you want to add one?

Write a comment

Write a Comment

*

ilakkiyainfo Tweets

Facebook Like Box

January 2021
MTWTFSS
 123
45678910
11121314151617
18192021222324
25262728293031

Latest Comments

இந்திய மீனவர்களை இனி மீனவர்கள் என்று அழைக்காமல் " கடல் கொள்ளையர்கள் " என்று குறிப்பிட்டு , கடல் கொள்ளையர்களுக்கு...

அப்படியே அங்குள்ள புலன் பெயர் ஈன (ஈழ) தமிழர்களுக்கு கனடாவில் ஒரு " தமிழ் ஈழத்தையும் " கொடுத்து ,...

சாத்தான் ஒழிந்தது , மக்களே இதை 19 மே 2009ல் பயங்கரவாத கொடூர சாத்தன் ஒழிந்ததை கொண்டடாடியதை போல் கொண்டாடுங்கள்....

சீனாவை எதிர்த்த எவரும் வாழ்ந்தது கிடையாது அது தெரிந்து தான் நெப்போலியன் சீனாவை கைப்பற்றும் ஆலோசனை தந்த தளபதியை ஓங்கி...

கொரோனா பணத்தாசை பிடித்தவனை எல்லாம் திருத்தியிருக்கோ ??? போட்டொன்று போகும் போது கொண்டு போக ஒன்றும் இருக்காது...

Email Subscription

தினமும் பதிவுகளை மின்னஞ்சல் மூலம் பெற்றிட

Enter your email address:

Delivered by FeedBurner

Contact Us

news@ilakkiyainfo.com