ilakkiyainfo

வீரம் மட்டும் போதாது விவே­கமும் வேண்டும் – ஏ.ஜே.எம்.நிழாம் (கட்டுரை )

வீரம் மட்டும் போதாது விவே­கமும் வேண்டும் – ஏ.ஜே.எம்.நிழாம் (கட்டுரை )
July 26
02:46 2014

1939ஆம் ஆண்டு முதல் 1944 ஆம் ஆண்டு வரை 5 வரு­டங்கள் இரண்டாம் உலக மகா­யுத்தம் நிகழ்ந்­தது. அதில் ஜேர்­ம­னியும் இத்­தா­லியும் ஜப்­பானும் இணைந்து இங்­கி­லாந்­துக்கும் பிரான்­ஸுக்கும் ரஷ்­யா­வுக்கும் எதி­ராகப் போரிட்­டன. அப்­போது ஐரோப்­பாவில் ஜேர்­ம­னிக்கும் ஆபி­ரிக்­காவில் இத்­தா­லிக்கும் ஆசி­யாவில் ஜப்­பா­னுக்கும் இருந்த ஆதிக்­கமே இதற்குக் கார­ண­மாகும்.

இதில் ஜேர்­மனி பிரான்ஸைக் கைப்­பற்­றி­யதும் பக்­கத்­தி­லி­ருந்த இங்­கி­லாந்தின் பாது­காப்பு கேள்­விக்­கு­றி­யா­கி­யது. உடனே அது தனது கால­னித்­துவ நாடு­க­ளி­ட­மி­ருந்து மனித வளங்­க­ளையும் பொரு­ளையும் கேட்டுப் பெறும் நிலை ஏற்­பட்­டு­விட்­டது.

அச்­ச­மயம் தன்னை ஆக்­கி­ர­மிக்க வந்த ஜேர்­ம­னி­யிடம் ரஷ்யா சில விட்­டுக்­கொ­டுப்­புக்­களைச் செய்து ஒப்­பந்தம் மூலம் போர் தவிர்ப்பு செய்­து­கொண்­டது. இதனால் ஜேர்­ம­னியும் இத்­தா­லியும் தனித்­த­னி­யாக சில சிறிய நாடு­களைக் கைப்­பற்­றின. ஆசி­யாவில் ஓரிரு நாடு­களை ஜப்பான் கைப்­பற்­றிய போதும் எமது நாடான இலங்­கையைக் காப்­பாற்­று­வதில் இங்­கி­லாந்து துணிந்து நின்­றது.


1945_berlin

வின்சன்ட் சர்ச்சில்

இந்­நி­லையில் ஜேர்­ம­னியின் அடல்ப் ஹிட்­ல­ரையும் இத்­தா­லியின் முசோ­லி­னி­யையும் ஜப்­பா­னிய சக்­க­ர­வர்த்தி  டோஜா­வையும்   நினைத்து உல­கமே அஞ்­சி­யது. எனினும்  பிரான்ஸும் இங்­கி­லாந்தும் ரஷ்­யாவும் அவசரப்படவில்லை.

தக்க சமயம் வரும் வரை அவை காத்­தி­ருந்­தன. யுத்­தத்தில் நிபு­ணத்­துவம் பெற்­றி­ருந்த இங்­கி­லாந்தின்  வின்சன்ட் சர்ச்சில் யுத்த வெற்­றிக்­கான தலை­மைத்­து­வத்தைப் பொறுப்­பேற்றுக் கொண்டார்.

பிரான்ஸ், போலந்து, யூகோஸ்­லே­வியா, நோர்வே, செக்­கஸ்­லோ­வே­கியா, மலே­ஷியா, பர்மா ஆகிய நாடுகள் அவர் தமது விடு­த­லையை ஜேர்மன், இத்­தாலி, ஜப்பான் ஆகிய நாடு­க­ளி­ட­மி­ருந்து பெற்றுத் தருவார் என எதிர்­பார்த்திருந்தன.

இந்­நி­லையில் ஜப்பான் முன்­யோ­ச­னை­யின்றி அவ­ச­ரப்­பட்டு அமெ­ரிக்­காவின் பேர்ள் ஹாபரைத் தாக்­கி­யி­ருக்க வேண்­டி­ய­தில்லை. இதனால் அது­வரை கள நிலையை அவ­தா­னித்துக் கொண்­டி­ருந்த அமெ­ரிக்கா வின்சன் சர்ச்­சி­லுக்கு ஆத­ர­வாகக் களத்தில் குதிக்கும் நிலை ஏற்­பட்­டு­விட்­டது. அது ஜப்­பானின் ஹிரோ­ஷிமா மற்றும் நாக­சாகி ஆகிய நக­ரங்­களில் அணு­குண்டு வீசி அந்­நாட்டை சர­ண­டைய வைத்­தது.

அப்­போது அமெ­ரிக்க ஜனா­தி­ப­தி­யாக ரூஸ்வெல்ட் இருந்தார். இதனால் ஆசி­யாவில் தனக்­கி­ருந்த இக்­கட்டு நீங்­கி­யதும் இங்­கி­லாந்து தன்­னோடு அமெ­ரிக்­கா­வையும் கூட்டு சேர்த்­துக்­கொண்டு  ஜேர்­ம­னி­யி­ட­மி­ருந்து பிரான்ஸை மீட்­டது. இதை தக்க சம­ய­மாகக் கரு­திய ரஷ்ய ஜனா­தி­பதி ஜோஸப் ஸ்டாலின் உடனே ஜேர்­ம­னி­யு­ட­னான ஒப்­பந்­தத்தை இரத்து செய்தார்.

இதனால் ஆத்­தி­ர­முற்று ஜேர்மன் தனது படையில் பெரும் தொகை­யி­னரை ரஷ்­யாவைத் தாக்க அனுப்­பி­யி­ருக்க வேண்­டி­ய­தில்லை. ரஷ்­யாவின் சீதோ­ஷணம் தட்ப வெப்பம், குளிர் கள­நி­ல­வரம் முன்­னேற்­பாடு ஆகி­ய­வற்றை ஜேர்­மனி ஒப்­பந்த காலத்தில் அறிய முனை­யா­தது யுத்த முறையில் பாரிய தவ­றாகும். வீரம் விலை போகாது. விவேகம் துணைக்கு வரா­விட்டால் என்­பது போல் ஹிட்­லரின் நிலை ஆகி­விட்­டது.

ஒரு புறம் அமெ­ரிக்க, இங்­கி­லாந்து, பிரான்ஸ் படைகள் கூட்­டாக ஜேர்­ம­னியை  தாக்­கு­கையில் மறு­புறம்  ரஷ்­யா­வுக்குள் புகுந்த ஜேர்மன் படை­களால் திரும்­பி­வர முடி­ய­வில்லை. ஆரம்­பத்தில் ரஷ்யா செய்­தது போர் வியூ­க­மாகும். திடீர் ஆக்­கி­ர­மிப்பை எதிர்­கொள்­வது விவே­க­மல்ல என்­பற்­கா­க­வுமே அது சிறு இழப்­பு­க­ளோடு பின்­வாங்­கி­யது.

பின்னர் குளிர்காலம் அண்­மித்­ததும் பாரிய ஏற்­பா­டு­களை செய்து கொண்டு குளிர் வலயம் வரை பின்­வாங்­கி­யது. இதனால் வெற்றி களிப்­பிலும் மத­ம­தப்­பிலும் இருந்த ஜேர்மன் படைகள் முன் பின் யோசிக்­கா­மலும் திட்­ட­மி­டா­மலும் வெகு­தூரம் போய் குளிர் வல­யத்தில் சிக்கிக் கொண்­டன.

முடிவில் ஆயுதத் தாக்­கு­த­லையும் விட குளிர் வாட்­டத்­தா­லேயே ஜேர்மன் படைகள் மாண்டு போயின. முடிவில் தனது தற்­காப்­பையும் கூட ஜேர்­மனால் பேண முடி­ய­வில்லை. அமெ­ரிக்கா, இங்­கி­லாந்து, பிரான்ஸ் ஆகி­ய­வற்றின் கூட்டுப் படையை நேச அணிகள் ஜேர்­மனை துவம்சம் செய்­தன. பின்னர் இத்தா­லி­யையும் கைப்­பற்­றின.

ஹிட்­லரும் அவ­ரது மனை­வியும் தற்­கொலை செய்து கொண்­டனர். முசோ­லி­னியும் அவ­ரது மனை­வியும் தூக்கில் தொங்­க­வி­டப்­பட்டு கொலை செய்­யப்­பட்­டனர் .

adolf_hitler

முடிவில் ரஷ்யா திடீ­ரென்று ஜேர்­ம­னுக்குள் நுழைந்து, ஒரு பகு­தியை துண்­டாடி எடுத்துக் கொண்டு தனக்கு ஏற்­பட்ட இழப்­புக்­களை ஈடு­செய்து கொண்­டது. அமெ­ரிக்­காவும் தனது செல­வீ­னங்­களை ஈடு செய்து கொள்ள மறு­ப­கு­தியைப் பிடித்­தது.

உண்­மையில் அமெ­ரிக்­காவும் ரஷ்­யாவும் அப்­போரில் ஈடு­ப­டா­தி­ருந்தால் இங்­கி­லாந்து, பிரான்ஸை மீட்­பது ஒரு­பு­ற­மி­ருக்க தன்­னையே ஜேர்­ம­னி­யிடம் பறி­கொ­டுத்­தி­ருக்கும். அதன் பிறகு தான் உலக நாடுகள் அமெ­ரிக்க அணி­யா­கவும் ரஷ்ய அணி­யா­கவும் பிரிந்­தன.

இங்­கி­லாந்தும் பிரான்ஸும் அமெ­ரிக்க அணியில் சேரு­கையில் போலந்து, செகோஸ்லேவேகியா, யூகோஸ்­லே­வியா ஆகி­யவை ரஷ்ய அணியில் இணைந்­தன.

பின்னர் அமெ­ரிக்­காவும் ரஷ்­யாவும் நேர­டி­யாக மோதிக்­கொண்­ட­தில்லை. காரணம் யுத்­தத்தின் மூலம் இரு நாடு­க­ளுக்கும் அழிவு என்­பது அவற்­றுக்குத் தெரியும். அதனால் தான் 1967 ஆம் ஆண்டு மத்­திய கிழக்கில் யுத்தம் நிகழ்ந்த போது அமெ­ரிக்­கா­வுக்கு வழி­விட்டு ரஷ்யா ஒதுங்­கி­யி­ருந்­தது. அதனால் தான் ஆறு நாட்­களில் இஸ்­ரேலால் எகிப்து சிரியா ஜோர்தான் ஆகிய மூன்று நாடு­க­ளையும் இல­கு­வாக தோற்­க­டிக்க முடிந்­தது.

அது போன்றே 1971 ஆம் ஆண்டு இந்­தி­யா­வுக்கும் பாகிஸ்­தா­னுக்­கு­மி­டையில் யுத்தம் நிகழ்ந்த போது அமெ­ரிக்கா ரஷ்­யா­வுக்கு வழி­விட்டு ஒதுங்­கி­விட்­டது. அதனால் கிழக்கு பாகிஸ்தான் பங்­க­ள­ாதே­ஷாக தனி நாடா­கி­யது. அமெ­ரிக்­காவும் ரஷ்­யாவும் பரஸ்­பரம் விட்­டுக்­கொ­டுத்துக் கொண்­ட­தற்குக் காரணம் என்ன?

மத்­திய கிழக்கில் இஸ்ரேல் அமெ­ரிக்­காவின் முதன்மை நாடாக இருந்­ததும் இந்­தி­யா­வோடு ரஷ்யா பல­மான ஒப்­பந்தம் செய்­தி­ருந்­த­துமே இதற்குக் கார­ணங்­க­ளாகும். அத­னால்தான் 1987ஆம் ஆண்டு இந்­தியா ஜே.ஆரை எதிர்க்கும் போது அமெ­ரிக்கா ஜே.ஆருக்கு இந்­தி­யா­வோடு இணங்கிப் போகு­மாறு கூறி­யது.

எனினும் ஆப்­கா­னிஸ்­தானில் ரஷ்ய சார்பு கம்­யூனிஸ்ட் ஆட்சி உரு­வா­னதை அமெ­ரிக்கா விரும்­ப­வில்லை. அங்கு சென்று நேராகத் தாக்­கு­வதை விடவும் இஸ்­லா­மிய போரா­ளிக்­கு­ழுக்­களை உரு­வாக்கி ஆட்சி மாற்­றத்தை ஏற்­ப­டுத்­தலாம் என அமெ­ரிக்கா கரு­தி­யது. கம்­யூ­னி­ஸத்தை இஸ்லாம் எதிர்ப்­பதால் அமெ­ரிக்­காவின் வியூகம் பலித்­தது. ஏரா­ள­மான முஸ்லிம் போரா­ளிகள் அணி திரண்­டனர். தாரா­ள­மாக ஆயுத உத­வி­க­ளையும் பொரு­ளு­த­வி­யையும் பயிற்­சி­யையும் முஸ்லிம் போரா­ளிகள் பெற்­றனர்.

இதனால் ரஷ்ய இரா­ணுவம் மிகக்­கடும் தாக்­கு­தல்­க­ளுக்­குள்­ளாகி சொந்த நாட்­டுக்கே திரும்­பி­யது. பின்னர் பொரு­ளா­தார நலிவு ஏற்­பட்டு அதன் மாநி­லங்கள் பலவும் தனித்­த­னி­யாகப் பிரிந்­தன. ரஷ்யா முடிவில் அமெ­ரிக்­கா­வு­ட­னான தனது சம நிலைப்­பாட்டை இழந்து கால்­மாக்ஸின் கொள்­கை­யையும் விட்டு விட்டு லெனினின் சிலை­க­ளையும் உடைத்­துக்­கொண்டு அமெ­ரிக்­காவின் திறந்த பொரு­ளா­தா­ரத்தில் பங்­கா­ளி­யு­மா­கி­யது. அதன் பின் உலகின் தனிக்­காட்டு ராஜா­வாக அமெ­ரிக்­காவே திகழ்­கி­றது.

larmee-et-son-partie-no-2-a

ஈராக் ஜனா­தி­பதி சதாம் ஹுசைன் குவைத்தைக் கைப்­பற்­றி­யதும் அமெ­ரிக்கா அதைச்­சார்­பாகப் பயன்­ப­டுத்தி இல்­லாத இரசா­யன ஆயு­தத்தை இருப்­ப­தாக ஐ.நா. மூலம் கூற வைத்து சில நாடு­களை கூட்டு சேர்த்துக் கொண்டு போய் சதாம் ஹுசை­னையும் அவ­ரது ஆட்­சி­யையும் அழித்து தனக்குச் சார்­பான அரசை அமைத்­தது.

அப்­போது ரஷ்­யா­வு­டனும் சீனா­வு­டனும் சதாம் ஹுசை­னுக்கு நெருங்­கிய நட்பு இருந்த போதும் அவை எந்த உத­வியும் புரி­ய­வில்லை. ஐ.நா.வின் அனு­ம­தி­யையும் பெற்று சில நாடு­க­ளுடன் வந்து அமெ­ரிக்கா தாக்­கி­யது யுத்த ரீதி­யி­லான பாரிய ராஜ­தந்­தி­ர­மாகும் இது.

அமெ­ரிக்கா எதைச் செய்­தாலும் ஐ.நாவை சம்­பந்­தப்­ப­டுத்திக் கொண்டும் மனி­தா­பி­மான நட­வ­டிக்கை எனக்­கூறிக் கொண்டும் தன்னை நல்ல நாடாகக் காட்­டிக்­கொண்­டுமே செய்யும். இது இராஜதந்­தி­ரத்­தி­லெல்லாம் பெரிய இரா­ஜ­தந்­தி­ர­மாகும் எனலாம்.

தடா­ல­டி­யாக சதாம் ­ஹுஸைன் குவைத் தைக் கைப்­பற்றிக் கொண்டு   இதை மீட்க எவ­ரேனும் வந்தால் இதைச் ­சாம்பல் மேடாக்கி விடுவேன் என்­றாரே இச்சொல் சர்­வ­தேச நாடு­க­ளையும் ஐ.நா.வையும் போருக்கு அழைக்கும் சவா­லா­கவே அமைந்­தது.

உணர்ச்சி வசப்­படும் இத்­த­கைய வார்த்­தை­க­ளைத்தான் அமெ­ரிக்கா விரும்­பு­கின்­றது. ஐ.நா.வுக்­கான செலவில் குறிப்­பிட்ட ஒரு தொகையை அமெ­ரிக்கா வழங்­கு­வதால் அமெ­ரிக்­காவின் கண்­டிப்பை ஐ.நா. மீறி­ய­தில்லை. தனக்குச் சவா­லான நாட்டில் உள்­நாட்டு நெருக்­கடி ஏற்­பட்­டாலும் அமெ­ரிக்கா மூக்கை நுழைக்கும். இவ்­வா­றுதான் லிபி­யாவில் அது தலை­யிட்­டது.

அங்கு ஆட்­சியும் கவிழ்க்­கப்­பட்­டது. முடிவில் தெருக்­கு­ழாயில் பதுங்­கி­யி­ருந்த சதாம் ஹுசைன் இழுத்து வரப்­பட்டு தூக்கில் தொங்க விடப்­பட்­டது போன்றே அம்மர் கடா­பியும் சாக்­க­டையில் போடப்­பட்ட பின் பாத­சா­ரி­களால் இழுத்து வரத் தெருப்­பை­யன்­களால் செருப்­புக்­க­ளாலும் தடி­க­ளாலும் அடித்துக் கொல்­லப்­பட்டார்.

எனினும் அவர் கால் நூற்­றாண்டு காலம் நெருங்கிப் பழ­கிய ரஷ்­யாவோ சீனாவோ கியூ­பாவோ எதுவும் செய்­ய­வில்லை. இப்­போது நாட்­டுக்குள் ஏற்­பட்­டி­ருக்கும் அமெ­ரிக்­கத்­தலை­யீடு நமக்குள் நாமே ஏற்­ப­டுத்திக் கொண்­டவை தாம்.

இலங்கை விட­யத்தில் தானும் தவ­றி­ழைத்­தி­ருப்­ப­தாக ஐ.நா. தனது உள்­ளக அறிக்­கையில் ஏற்­றுக்­கொண்­டி­ருக்­கி­றது. அமெ­ரிக்­காவும் பிரிட்­டனும் அவ்­வேளை   இலங்­கைக்கு சகல வகை­க­ளிலும் உத­வி­யுள்­ளது. இந்­தியா இதில் பெரும்­பங்கு வகித்­துள்­ளது.

அப்­ப­டி­யானால் அமெ­ரிக்­காவின் பிரே­ர­ணையும் ஐ.நா.வின் விசா­ர­ணையும் இந்­தி­யாவின் பிணையும் எதற்கு? சீனா­வுடன் இலங்கை சேர்ந்­த­தா­லேயே இத்­தனை விளை­வு­களும் ஏற்­ப­டு­கின்­றன. இலங்கை சீனா­வு­ட­னான உறவைக் கைவிட்டு அமெ­ரிக்­கா­வுடன் இணை­யு­மானால் பிடி தளர்ந்து விளை­வுகள் சுமு­க­மாகி விடும். எனினும் சீனா அதற்கு இட­ம­ளிக்­காது.

ரஷ்­யா­வுக்கு சிரியா முக்­கியம் போலவே இப்­போது சீனா­வுக்கு இலங்கை முக்­கி­ய­மா­கி­யி­ருக்­கி­றது. மத்­திய கிழக்கில் ரஷ்­யா­வுக்கு எண்ணெய் வழங்கும் பிர­தான நாடு சிரியா என்றால், சீனாவின் முத்­து­மாலை எனும் எண்­ணெய்க்­குழாய் வழித்­திட்­டத்­துக்கு இலங்கை முக்­கி­ய­மான நாடாகும். அதனால் சீனா இலங்­கைக்கு முத­லீ­டு­களை அபி­வி­ருத்திப் பங்­கா­ளி­யாக உள்­நு­ழைந்­தி­ருக்­கி­றது. இந்­நி­லையில் இலங்கை மீது இந்­தியா கடு­மை­யான நிலைப்­பாட்டை மேற்­கொண்டால் இலங்­கைக்குள் சீனாவின் ஆதிக்கம் மேலோங்கி விடும் என அஞ்­சு­கி­றது.

ஆக, சர்­வ­தேச ரீதியில் இலங்கை அமெ­ரிக்­கா­வுக்கு விட்டுக் கொடுப்­பதை சீனா அனு­ம­திக்­காது. அதனால்தான் இலங்கை அமெ­ரிக்­கா­வுக்கும் அதன் சார்பு நாடு­க­ளுக்கும் ஐ.நா.வுக்கும் பணி­யாத நிலைப்­பாட்டைக் கொண்­டி­ருக்­கி­றது. இப்­போது சீனாவின் கையில்தான் இலங்­கையின் தலை­யெ­ழுத்து இருக்­கி­றது.

உலகில் மிகப்­பெ­ரிய சனத்­தொ­கையைக் கொண்ட சீனா, கம்­யூ­னி­ஸத்தைக் கைவிட்டு விட்டு திறந்த பொரு­ளா­தாரக் கொள்­கையால் துரித அபி­வி­ருத்தி அடைந்த நாடாகும். அது கம்­யூ­னிஸ நாடாக இருந்தபோது அமெ­ரிக்­கா­வுடன் கடும்­பகை இருந்­தது. இப்­போது அதன் திறந்த பொரு­ளா­தாரக் கோட்­பாட்டால் அமெ­ரிக்­கா­வு­டனும்   இந்­தி­யா­வுடனும் அதன் வர்த்­தகம் மேலோங்­கி­யி­ருக்­கி­றது. அத­னால் தான் ஈராக்­குக்கும் லிபி­யா­வுக்கும் அமெ­ரிக்கா தாக்­கு­கையில் சீனா எதுவும் பேசவில்லை. யுத்­தத்­திற்குப் போனால் பொரு­ளா­தார, தொழில் வளர்ச்சி பெரிதும் பாதிப்புறும் என்பதே அதன் நிலைப்பாடாகும்.

இது­வரை ஐ.நா. சபையில் சீனா அம்ச அடக்­க­மாக பின் பாட்டு மட்­டுமே பாடு­கி­றது.

அமெ­ரிக்­காவின் குற்­றச்­சாட்டு நட­வ­டிக்­கை­களை இலங்கை தனித்து நின்றே சமா­ளிக்­கி­றது. சீனா தனது முத்து மாலைத்­திட்­டத்­துக்கு முக்­கி­யத்­துவம் அளிக்­குமா? அமெ­ரிக்க இந்­திய வர்த்­தக விருத்­திக்கு முக்­கி­யத்­துவம் அளிக்­குமா? முத்­து­மா­லைத்­ திட்­டத்­துக்­காயின் இந்த கடற்­ப­ரப்பு யுத்த வல­ய­மாகி விடும். அமெ­ரிக்க – இந்­திய வர்த்­தக விருத்­திக்­காயின் இலங்கை தனித்து விடப்­பட்டு விடும். இது அமெ­ரிக்­காவின் கையில் இலங்­கை­யைத்­தாரை வார்த்துக் கொடுக்கும் நிலை­யாகும். இவை வெளி­வி­வ­காரம் பற்­றிய ஆய்­வாகும்.

உள்­நாட்டு விவ­கா­ரப்­படி அரசின் அடித்­தளம் பேரி­ன­வா­த­மே­யாகும். பேரி­ன­வா­திகள் அனு­ம­தித்­தா­லன்றி அரசால் ஒரு சுண்டு விர­லைக்­கூட அசைக்க முடி­யாது. இன்­றைய சூழலில் இதுவும் அமெ­ரிக்­கா­வுக்குச் சாத­க­மான நிலைப்­பா­டாகும். இன ரீதி­யி­லான சர்­வ­தேச சட்ட விதி­களை நடை­மு­றைப்­ப­டுத்­தா­ததும் ஐ.நா.வை அலட்­சியம் செய்வதும் சர்வதேச நாடுகளோடு முரண்படுவதும் அமெரிக்காவிடம் பிடிகொடுத்து ஆட்டமி ழக்கும் செயற்பாடுகளே.

(ஏ.ஜே.எம்.நிழாம்)

About Author

admin

admin

Related Articles

0 Comments

No Comments Yet!

There are no comments at the moment, do you want to add one?

Write a comment

Write a Comment

*

ilakkiyainfo Tweets

Facebook Like Box

Latest Comments

இந்த செய்தி வாட்ஸ்அப்பில் எனக்கு வந்தது. ஆர்வமிருப்பவர்கள் அறிந்து கொள்ளலாமே எனப் பகிர்கிறேன். பதில்கள் தெரிந்தால் பகிரலாம். தமிழரசு கட்சியின்...

ஈன தமிழரின் இவ்வளவு பிரச்சனைகளுக்கும் காரணம் ஐ.தே.க அப்படியிருந்தும் ஐ.தே.க ல் போட்டியிடுபவர்களும் ஐ.தே.க வாக்கு அளிப்பவர்களும் எப்படிப்படட கேவலமான...

எங்கள் நாட்டை பார்க்க எங்கள் தலைவர்கள் ராஜபக்சேகள் உள்ளார்கள் , நீ பொத்தி கொண்டு போ...

அமெரிக்கா தன் விமான சேவையை சீனா அனுமதிக்க வேண்டும் என மிரட்டி மீண்டும் சீனாவுக்கு தனது விமானங்களை அனுப்பிய பின்...

முதலில் யூதாசின் வரலாற்றை நன்றாக படியுங்கள்.பிறகு கடவுளை கேள்வி கேட்கலாம்.நீங்கள் சார்ந்த இயக்கம் பற்றி இந்திய தமிழனாகிய எனக்கு தெரியுமா?இல்லை...

Email Subscription

தினமும் பதிவுகளை மின்னஞ்சல் மூலம் பெற்றிட

Enter your email address:

Delivered by FeedBurner

Contact Us

news@ilakkiyainfo.com