தமிழகத்தின் பாரதிய ஜனதா கட்சித் தலைவர் பதவியில் இருந்து 2021ஆம் ஆண்டு தமிழக சட்டமன்றத் தேர்தலை எதிர்கொண்ட எல்.முருகன் சமீபத்தில் மத்திய அமைச்சரானார்.
அதனைத் தொடர்ந்து தமிழகத்தின் அடுத்த பாஜக தலைவர் யார் என்கிற கேள்வி எழுந்தது.
இதற்கு அதிகம் தாமதிக்காமல், கர்நாடக மாநிலத்தில் ஐபிஎஸ் அதிகாரியாக பணியாற்றி விருப்ப ஓய்வு பெற்ற கே அண்ணாமலை தற்போது தமிழக பாஜகவின் தலைவராக நியமிக்கப்பட்டு இருக்கிறார்.
கட்சியில் பல்வேறு மூத்த உறுப்பினர்கள் இருக்கின்ற போதும், அண்ணாமலைக்கு தலைவர் பொறுப்பு கொடுத்தது பலரையும் ஆச்சர்யப்பட வைத்திருக்கிறது.