தனது மனைவியான கோமகள் மெகன் மார்கில் ஆண் குழந்தையை பெற்றெடுத்தார் என எலிசபெத் ராணியின் பேரனான இளவரசர் ஹாரி அறிவித்துள்ளார்.
குழந்தை ஆரோக்கியமாக இருக்கிறதென்றும், இது தமக்கு பேரனுபவம் என்றும் ஹாரி கூறி உள்ளார்.
குழந்தைக்கு என்ன பெயர் வைப்பதென தாங்கள் யோசித்து வருவதாக ஹாரி மேலும் தெரிவித்தார்.
வீட்டில் குழந்தை பெற்றெடுக்கதான் கோமகள் விரும்பியதாக முதலில் கூறப்பட்டது. ஆனால், பிரசவம் எங்கு நடந்ததென இன்னும் அதிகாரப்பூர்வமாக அறிவிக்கவில்லை.