பிரபாகரன் இருந்திருந்தால் எமக்கு இந்த அவலம் ஏற்பட்டிருக்காது’ என வடமாகாணசபை உறுப்பினர் அஸ்மினை தர்க்கா நகர் பேருவளையில் வைத்து முஸ்லிம் தாய் ஒருவர் கட்டிபிடித்து கதறி அழுதவராம்?? இந்த கதை உங்களுக்கு தெரியுமா?
இதுதான் 2014 ஆம் ஆண்டுக்கான.., வடமாகாணசபை உறுப்பினர் அஸ்மினால் சொல்லப்பட்ட சிறந்த பகுடிக் கதை.
தர்க்கா நகர் பேருவளையில் வைத்து முஸ்லிம் தாய் ஒருவர்… ‘என்னை நோக்கி ஓடி வந்து, என் கழுத்தைப் பிடித்துக் கொண்டு பிரபாகரன் எங்கே? பிரபாகரன் எங்கே? அவர் இருந்திருந்தால் நாங்கள் இன்றைக்கு இந்த நிலையில் இருந்திருக்க மாட்டோமே? அவர் எங்கே என என்னைக் கேட்டது என்னை மிக உருக்கியது என்று….,
அளுத்கம பகுதியில் முஸ்லிம் மக்களுக்கு எதிராக இடம்பெற்ற இனவெறித்தாக்குதலை கண்டித்து இன்று யாழ்ப்பாணத்தில் போராட்டம் இடம்பெற்றது. அப்போராட்டத்தில் கலந்துகொண்டு உரையாற்றும் போதே அஸ்மின் இந்தக் கதையை அவுட்டு விட்டிருக்கிறார். (நல்லா கதை சொல்லுகிறார். அஸ்வினிடம் சீமான் பிச்சை தான் வாங்கவேண்டும்)
அடி ஆத்தி! இது உலக அதிசயமான கதையாக இருக்கிறதே!!. அஸ்மின் அண்ணா! நீங்கள் சொல்லும் இக்கதை உண்ணயைிலும் உண்மையானதா? அல்லது பொய்யிலேயே பொய்யா?
சரி, இக்கதை உண்மையானால்.. உங்களை கட்டிப்பிடித்து கதறியழுத தாய் யார்? அவரின் பெயர் என்ன? அவர் உங்களுக்கு தெரிந்தவரா? அவரின் முகத்தை ஒருமுறை உங்களால் காட்டமுடியுமா?
வேறென்றுமில்லை.. பிரபாகரன் பற்றி பெருமையாக சொன்ன அந்த தாய்க்கு வாயில் பால் ஊற்றவேண்டும். அத்தோடு.., புலம்பெயர் தேசங்களில் வாழும் புலியாதரவு தமிழர்களிடமிருந்து அந்த தாய் நிறைய பணம் பெற்றுக்கொள்ளவும் வழியுண்டு, அதுமட்டுமல்லாது இந்த கதையை சொன்ன உங்கள் ‘வாய்’க்கும் பால் ஊற்றவேண்டும்.
அஸ்மின் அண்ணா! உங்களை கட்டிபிடித்து அழுத தாய்க்கு…. தேசிய தலைவர் பிரபாகரனால் முஸ்லிம்களுக்கு செய்யப்பட்ட நன்மைகள் (கொடுமைகள் ) பற்றி எதாவது தெரியுமா? தெரியாவிட்டால் கேட்டுச்சொல்லுங்கள் . ஒரு மில்லியனுக்கு மேற்பட்ட கதைகள் உண்டு.
இந்த செய்தியை புலம்பெயர் புலியாதரவு இணையத்தளங்கள் யாவும் போட்டிபோட்டு பிரசுரித்துள்ளன. பிரபாகரனை புனிதராக காட்ட ‘புலியாதரவு ஊடகங்கள்’ படாதபாடுபடுகின்றார்கள். அதனால்தான் இப்படியான பொய் செய்திகளுக்கு முக்கியத்துவம் கொடுத்து பிரசுரிக்கின்றார்கள்.
முஸ்லிம்களுக்கு ஏற்பட்ட அசம்பாவிதங்களையிட்டு புலியாதரவு ஊடகங்கள் கண்ணீர்வடிக்கிறார்கள் என்றால்…. ‘அது ஆடு நனைகின்றது என… ஓநாய் அழுத கதைதான்’ என்பதை முஸ்லிம் தரப்பினர்கள் புரிந்துகொள்ளவேண்டும்.
முஸ்லிம் பெண்கள் இரத்த சம்பந்தமில்லாத ஆண்கள் யாரையாவது கண்டிபிடிப்பார்களா? அப்படியிருக்கையில் எப்படி அஸ்மினை ஒரு முஸ்லிம் பெண் கட்டிபிடித்து அழுதாள்? என்பதை இந்த செய்தியை வாசிக்கும் முஸ்லிம்கள் தான் விளங்கப்படுத்தவேண்டும்