சென்னை: பெட் ரூம் சீனில் தான் நடித்த இந்தி படத்தை தமிழில் வெளியிடக்கூடாது என எதிர்ப்பு தெரிவித்திருக்கிறார் ஸ்ருதி ஹாசன்.
பாலிவுட் படங்களில் ஸ்ருதி ஹாசன் நடித்து வருகிறார்.
கடந்த ஆண்டு ‘டி டே‘ என்ற படத்தில் விபசார பெண் வேடம் ஏற்று நடித்தார். இதில் ஹீரோ அர்ஜுன் ராம்பாலுடன் ஸ்ருதி நடித்த பெட் ரூம் காட்சி பரபரப்பாக பேசப்பட்டது. தற்போது இப்படத்தை தமிழில் மொழிமாற்றம் செய்து வெளியிட திட்டமிட்டிருக்கின்றனர்.
ஸ்ருதி நடித்த காட்சிகளுக்கு அவரையே டப்பிங் பேச அழைக்க முடிவு செய்தனர். இதையறிந்த ஸ்ருதி ஷாக் ஆனார்.
அப்படத்துக்கு தன்னால் டப்பிங் பேச முடியாது என்று கூறியதுடன் படத்தை தமிழில் வெளியிடக்கூடாது என்றும் எதிர்ப்பு தெரிவித்திருக்கிறார்.
இதுபற்றி ஸ்ருதி கூறும்போது,‘எனக்கு ஆதரவு அளித்துவரும் ரசிகர்களுக்கு நன்றி. டி டே என்ற படத்தை டப்பிங் செய்து ரிலீஸ் செய்ய உள்ளதாக அறிந்தேன். அதற்கு என் எதிர்ப்பை தெரிவித்திருக்கிறேன்.
என்னுடைய ஒப்புதல் இல்லாமல் அப்படத்தை தமிழில் வெளியிடக்கூடாது. அது எனது உரிமையை மீறிய செயலாகும். இதுதொடர்பாக சம்பந்தப்பட்டவர்கள் மீது சட்டப்படி நடவடிக்கை எடுக்க ஆலோசித்து வருகிறேன். இதுபற்றி முழுவிவரமும் விரைவில் தெரிவிப்பேன்.