லண்டன்: லண்டனிலிருந்து பறந்த விமானத்தில் பயணித்த ஒரு பெண், சக பயணியுடன் நட்பு கொண்டு அவரை டாய்லெட்டுக்குக் கூட்டிச் சென்று பாலுறவு வைத்துக் கொண்டார். அவரை விமான ஊழியர்கள் கையும் களவுமாக பிடித்தனர்.
லண்டனில் இருந்து அமெரிக்காவின் லாஸ் வேகாஸ் நகருக்கு விர்ஜின் நிறுவன விமானம் போய்க் கொண்டிருந்தது. அந்த விமானத்தில் பயணித்தவர்களில் 20 வயது இளம் பெண்ணும் ஒருவர். இவர் தனது பெற்றோருடன் பயணித்துக் கொண்டிருந்தார்.
இப்பெண்ணுக்குப் பக்கத்து சீட்டில் 37 வயது நபர் இருந்தார். அவரும், இப்பெண்ணும் பேசிப் பழக்கமாகியுள்ளனர். நட்புடன் பேசிக் கொண்டிருந்தனர்.
இந்த நிலையில் தனது அப்பாவும், அம்மாவும் தூங்கியதும் அந்த பக்கத்து சீட் நபருடன் இப்பெண் கழிப்பறைக்குப் போயுள்ளார். போய் நெடுநேரமாயும் இருவரும் வெளியில் வரவில்லை.
இந்த நிலையில் கழிப்பறையிலிருந்து முனகல் சத்தம் கேட்கவே ஏர் ஹோஸ்டஸ், விமானிக்குத் தகவல் கொடுத்தார். இதையடுத்து கேப்டன் விமானத்தை ஆட்டோ பைலட்டில் போ்டு விட்டு உதவி கேப்டன்களுடன் கழிப்பறைக்கு விரைந்தார்.
கழிப்பறைக் கதவை கஷ்டப்பட்டுத் திறந்து உள்ளே போனார்கள். அங்கு போனால், இந்த 20 வயதுப் பெண்ணும், பக்கத்து சீட்காரரும் மும்முரமாக இருந்ததைப் பார்த்து அதிர்ந்து போனார்கள். இதையடுத்து இருவரையும் வெளியே வரச் சொன்னார்கள்.
விமானம் லாஸ் வேகாஸ் வந்ததும் இருவரையும் போலிஸில் ஒப்படைத்தனர். இருவரிடமும் போலீஸார் விசாரணை நடத்தினர். பின்னர் இதுபோல இனிமேல் நடக்கக் கூடாது என்று எச்சரித்து அனுப்பி விட்டனர். வழக்குப் போடவில்லை