இயக்குனர் விஜய் – அமலா பால் திருமணம் இன்று காலை சென்னையில் நடைபெற்றது.
தெய்வத் திருமகள் படத்தில் நடித்த போது இயக்குனர் விஜய்க்கும் அமலா பாலுக்கும் நெருக்கம் ஏற்பட்டது. இருவரும் தீவிரமாகக் காதலித்து வந்தனர்.
கடந்த ஜூன் 7ஆம் திகதி விஜய் – அமலா பால் திருமண நிச்சயதார்த்தம் கொச்சியில் நடந்தது. அமலா பால் கிறிஸ்தவர் என்பதால், அவர்கள் முறைப்படி நிச்சயதார்த்த நடைபெற்றது.
இன்று இந்து முறைப்படி இருவருக்கும் சென்னையில் திருமணம் நடந்தது.
திரையுலகப் பிரமுகர்கள் பலரும் திரண்டு வந்து வாழ்த்தினர். இயக்குனர்கள் மணிரத்னம், பாலா, ப்ரியதர்ஷன், நடிகர் விக்ரம், ஆர்யா, லிஸி ப்ரியதர்ஷன், இயக்குனர் ஆர் சுந்தரராஜன், விஜய் மனைவி சங்கீதா, இயக்குனர் பொன்வண்ணன், சரண்யா பொன்வண்ணன், கிரேஸி மோகன், ஜிவி பிரகாஷ், சைந்தவி, ஒளிப்பதிவாளர் நீரவ் ஷா, பிலிம்சேம்பர் கல்யாண், எடிட்டர் மோகன், ஜெயம் ராஜா, நக்கீரன் கோபால் உள்பட பலரும் வந்திருந்து வாழ்த்தினர்.