ஆசை ஆசையாய் வளர்த்த ‘குழந்தை’யை சித்தார்த்திடமே விட்டு வந்த சமந்தா

சென்னை: சமந்தா தான் ஆசையாக வளர்த்த நாயை தனது முன்னாள் காதலர் சித்தார்த்திடமே விட்டு வைத்துள்ளாராம். சமந்தாவும், நடிகர் சித்தார்த்தும் இரண்டு ஆண்டுகளுக்கும் மேலாக காதலித்து வந்தனர்.2015ம் ஆண்டில் திருமணம் செய்து கொள்ள உள்ளனர் என்று செய்திகள் வெளியானது. இதற்கிடையே சமந்தா ஓவர் கவர்ச்சி காட்டி நடிக்க துவங்கினார். அவரின் கவர்ச்சியாட்டம் சித்தார்த்துக்கு பிடிக்கவில்லை. விளைவு இருவரும் பிரிந்துவிட்டனர்.

நல்ல மனிதர்

சித்தார்த்தை பிரிந்த பிறகும் கூட அவர் நல்ல மனிதர் என்று சமந்தா ட்விட்டரில் தெரிவித்திருந்தார்.

நாய்

தெருவில் ஆதரவில்லாமல் கிடந்த நாயை சமந்தா தனது வீட்டுக்கு எடுத்துச் சென்று வளர்த்தார். நோரி என்று பெயரிடப்பட்ட அந்த நாயை தனது குழந்தை என்றே கூறி வந்தார் சமந்தா. அந்த அளவுக்கு அவருக்கு நோரி மீது பாசம் அதிகம்.

சித்தார்த்

சித்தார்த்தை பிரிந்தபோது சமந்தா தனது செல்ல நோரியை அவரிடமே விட்டுவிட்டாராம்.

மவுக்லி

சித்தார்த் மவுக்லி என்ற நாயை வளர்த்து வருகிறார். மவுக்லி மற்றும் நோரியை அக்கறையுடன் பார்த்து வருவதாக சித்தார்த் அண்மையில் தெரிவித்திருந்தார். பிரிவு பற்றி எதுவும் அறியாத நோரியும், மவுக்லியும் ஜாலியாக இருப்பதாக அவர் மேலும் தெரிவித்திருந்தார்.

ஜோதிகா நடிக்கும் படத்தின் தலைப்பு ’36 வயதினிலே’!

திருமணத்துக்குப் பிறகு முதல் முறையாக சூர்யா தயாரிப்பில் ஜோதிகா நடிக்கும் புதிய படத்துக்கு 36 வயதினிலே என்று தலைப்பிட்டுள்ளனர்.

சூர்யாவை காதலித்து திருமணம் செய்த ஜோதிகா, இரண்டு குழந்தைகள் பெற்ற பிறகு, மீண்டும் சினிமாவில் நடிக்க ஆரம்பித்துள்ளார்.

முதல் படமாக, மலையாளத்தில் மஞ்சு வாரியார் நடித்து பெரும் வெற்றிப் பெற்ற ஹவ் ஓல்ட் ஆர் யூ படத்தை தமிழ் ரீமேக்கில் நாயகியாக நடிக்கிறார். இந்தப் படத்தை சூர்யா தனது 2டி என்டர்டெயின்மென்ட்ஸ் மூலம் தயாரிக்கிறார்.

ஒரு காட்சியில் சிறப்புத் தோற்றத்திலும் வருகிறார் (ஏற்கெனவே ஜூன் ஆர் படத்தில் இவ்வாறு தோன்றியுள்ளார்). இந்தப் படத்துக்கு இதுவரை தலைப்பு வைக்காமல் இருந்தனர்.

இப்போது 36 வயதினிலே என்று பெயர் சூட்டியுள்ளனர். மலையாளப் படத்தை இயக்கிய ரோஷன் ஆன்ட்ரூஸ்தான் தமிழ்ப் பதிப்பையும் இயக்குகிறார். கோடையில் வெளியாகிறது 36 வயதினிலே.