சுப்பர் ஸ்டார் ரஜினியின் நடிப்பில் அடுத்ததாக வெளிவர இருக்கும் திரைப்படம் கபாலி. இந்த படத்தின் விளம்பரங்கள் அனைத்தும் ரசிகர்களிடையே பாரிய வரவேற்பை பெற்றுவருகின்றன.
இந்த படத்தின் விளம்பர உரிமையை பெற்ற எயார் ஏசியா நிறுவனம் கபாலி திரைப்படத்தின் ஸ்டிக்கர்களை விமானத்தில் ஒட்டி கபாலியின் புகழை வானளவிற்கு கொண்டு சென்றுள்ளது.
இதன் அடுத்தக்கட்ட நடவடிக்கையாக கபாலியின் விளம்பர உரிமையை பெற்ற சிட்டி வங்கி கபாலி திரைப்படத்தில் உள்ள ரஜினியின் உருவப்படத்தை தமது பிளட்டினம் கடன் அட்டைகளில் உள்ளடக்கியுள்ளது.
தற்போது புதிய சிட்டி வங்கியின் கடன் அட்டைகளை பெற்றால் அதில் கபாலி ரஜினியின் புகைப்படங்கள் அடங்கிய கடன் அட்டைகளே கிடைக்கும்.
தமிழ் திரைப்படங்கள் தொடர்பில் இவ்வாறான விளம்பரங்கள் வெளிவருவது இதுவே முதற்தடவை.
இவ்வாறான விளம்பரங்கள் வெளிவருவதால் படத்தின் மீதுள்ள எதிர்பார்ப்பு ரசிகர்களிடையே அதிகரித்துக் கொண்டே வருகின்றது.
கபாலிடா…… தரையிலும் கபாலி ஆகாயத்திலும் கபாலி
சூப்பர் ஸ்டார் ரஜினிகாந்த் நடித்து வெளிவரவிருக்கும் கபாலி திரை படத்திற்கான வரவேற்பு நாளுக்குநாள் அதிகரித்துக்கொண்டு போகின்ற நிலையில், மலேசியாவை தலைமையிடமாகக் கொண்டு இயங்கிவரும் எயார் ஏசியா விமானத்தில், வித்தியாசமான முறையில் விளம்பரம் செய்யப்பட்டுள்ளது.
ரசிகர்களை வெகுவாக கவர்ந்துள்ள இந்த ‘கபாலி’ விளம்பரம் புகைப்படங்கள் தற்போது சமூக வலைத்தளங்களில் பரவி வருகிறது.
‘கபாலி’ திரைப்படத்தின் அதிகாரபூர்வ விளம்பர, விமான நிறுவனமான எயார் ஏசியா நிறுவனம், சூப்பர் ஸ்டார் ரஜினிகாந்தையும், கபாலி திரைப்படத்தையும் வைத்து தங்கள் விமானத்தில் பயணிக்கும் பயணிகளுக்கு பல்வேறு சலுகைகளையும், புதிய திட்டங்களையும் அறிவித்துள்ளது.
குறிப்பாக “சூப்பர் ஸ்டாரைப் போல் பறந்திடுங்கள்” என்ற வாசகத்துடன் அண்மையில் சலுகை விலை டிக்கெட்டுகளை அறிமுகப்படுத்திய எயார் ஏசியா, தங்களது இந்தியா செல்லும் விமானம் ஒன்றில் சூப்பர் ஸ்டாரின் படத்தை வரைந்து ரசிகர்களுக்கு இன்ப அதிர்ச்சியை அளித்துள்ளது.
கபாலி படத்தின் முதல் நாள் முதல் காட்சியை பார்க்க பெங்களூரில் இருந்து தனி விமானம் ஒன்றை எயார் ஏசியா நிறுவனம் ஏற்பாடு செய்துள்ளது. காலையில் பெங்களூரில் இருந்து புறப்படும் விமானத்தில் சென்னை வந்து முதல் காட்சியை பார்த்துவிட்டு மதியத்துக்குள் மீண்டும் பெங்களூர் திரும்பிவிடலாம்.
இதற்காக வண்ணமயமான கபாலி பட ஸ்டிக்கர்களுடன் விமானம் ஒன்றும் தயாராகியுள்ளது.
இது போன்ற புதிய வகையிலான விளம்பரங்களால் ரஜினி ரசிகர்கள் உற்சாகமடைந்துள்ளனர். கபாலி திரைப்படம் எதிர்வருமை் ஜூலை 22 ஆம் திகதி வெளியாகும் என எதிர்பார்க்கப்படுகிறது