எகிப்தில் 12 வயது சிறுவன் 11 வயது சிறுமியை திருமணம் செய்துகொள்வதாக கூறி நிச்சயதார்த்தம் செய்துள்ள சம்பவம் பரபரப்பை ஏற்படுத்தியுள்ளது.
எகிப்தைச் சேர்ந்த நாசர் ஹுசைன் என்பவர் தன்னுடைய 12 வயது மகனான ஓமர் என்பவரை தன்னுடைய சொந்த உறவினரின் மகளான காராம்(11) என்ற சிறுமியை திருமணம் செய்து கொள்வதாக கூறி திருமண நிச்சயதார்த்தம் செய்துள்ளார்.
இது குறித்து அவர் எகிப்து நாட்டைச் சேர்ந்த பத்திரிக்கையாளர்களிடம் இது திருமணம் இல்லை எனவும் நிச்சயதார்த்தம் தான் எனவும் கூறியுள்ளார்.
இவர்கள் தொடர்பான புகைப்படங்கள் அந்நாட்டைச் சேர்ந்த ஊடகங்களில் வெளியானதால் அது வைரலாக பரவியது. பொதுவாக எகிப்து நாட்டில் 18 வயது பூர்த்தி அடையாதவர்களுக்கு திருமணம் செய்து வைப்பது குற்றம் என சட்டம் இயற்றப்பட்டுள்ளது.
இதன் காரணமாக Reda Eldanbouki என்பவர் இவர்கள் திருமணம் தொடர்பாக புகார் செய்துள்ளார்.
இது தொடர்பாக விசாரணை நடத்துகையில் ஓமர் தந்தையார் கூறுகையில், இதில் எந்த ஒரு சூழ்ச்சி இல்லை என்றும் அவர்களுடைய சம்மதத்தின் பேரிலே இது நடத்தப்பட்டதாக கூறியுள்ளார்.
மேலும் ஓமர், காரத்தை காதல் செய்வதாகவும், அவரை திருமணம் செய்து கொள்வதாகவும் கூறினான்.
இது பலருக்கு தெரியவேண்டும் என்பதற்காகவும், வேறு யாரும் காரத்தை திருமணம் செய்யும் நோக்கில் இருக்ககூடாது என்பதற்காகவும் இது போன்ற நிச்சயதார்த்தம் செய்யப்பட்டதாகவும், திருமணத்திற்கான உரிய வயது வந்தவுடன் அவர்களுக்கு திருமணம் செய்து வைக்கப்படும் என கூறியுள்ளார்.