உடல் எடையை குறைத்துள்ள நடிகர் பிரபு, நடிகை குஷ்புவை மீண்டும் ஜோடியாக நடிக்க வைத்து, சின்னத்தம்பி 2ஆம் பாகத்தை எடுக்க வேண்டும் என்று பி.வாசுவுக்கு ரசிகர்கள் கோரிக்கை விடுத்துள்ளனர்.
நடிகை குஷ்பு உடல் எடையை குறைத்து மெலிந்த தோற்றத்தில் இருக்கும் புகைப்படங்களை அண்மையில் வெளியிட்டு இருந்தார்.
இதைப் பார்த்த ரசிகர்கள் ஆச்சரியப்பட்டனர். குஷ்புவை தொடர்ந்து தற்போது நடிகர் பிரபுவும் 20 கிலோ வரை உடல் எடையை குறைத்து உள்ளார். பொன்னியின் செல்வன் படத்துக்காக உடல் எடையை குறைத்து இருக்கிறார்.
சினிமாவை தொடர்ந்து சீரியல் மற்றும் ரியாலிட்டி ஷோக்களில் நடுவராகவும் குஷ்பு பணியாற்றியுள்ளார்.தற்போது கலர்ஸ் தமிழில் ஒளிபரப்பாகவுள்ள டான்ஸ் vs டான்ஸ் நிகழ்ச்சியில் நடுவராக பங்கேற்க உள்ளார்.
அவர் ஸ்லிம்மான தோற்றத்தில் இருக்கும் புகைப்படம் வெளியாகி சமூக வலைதளங்களில் வைரலாகி வருகிறது. மெலிந்த தோற்றத்திற்கு மாறியுள்ள பிரபுவும், குஷ்புவும் மீண்டும் இணைந்து நடிக்க வேண்டும் என்று பதிவுகள் வெளியிட்டு வருகிறார்கள்.
பிரபு, குஷ்பு ஜோடியாக நடித்து 1991இல் பெரிய வெற்றி பெற்ற சின்னத்தம்பி படத்தை இயக்கிய பி.வாசு தற்போது லாரன்சை வைத்து சந்திரமுகி 2ஆம் பாகத்தை எடுக்கும் முயற்சியில் ஈடுபட்டு உள்ளார்.
இந்த படத்துக்கு முன்பாக பிரபு, குஷ்புவை மீண்டும் ஜோடியாக நடிக்க வைத்து சின்னத்தம்பி 2ஆம் பாகத்தை எடுக்க வேண்டும் என்று பி.வாசுவுக்கு ரசிகர்கள் கோரிக்கை விடுத்துள்ளனர்.
இந்த பதிவுக்கு குஷ்புவும் சம்மதம் தெரிவித்து வலைத்தளத்தில் தம்ஸ் அப் மற்றும் எமோஜிகளை வெளியிட்டு இருக்கிறார்.
இது ரசிகர்களை உற்சாகப்படுத்தி உள்ளது. சின்னத்தம்பி 2ஆம் பாகம் உருவாகுமா என்ற எதிர்பார்ப்பு நிலவுகிறது.