ரஷ்யா அறிவித்த சில புதிய சண்டை நிறுத்தம் மற்றும் மக்கள் வெளியேற்ற பாதைகள் ரஷ்யா, பெலாரூஸ் நோக்கிச் செல்வதாக முன்னர் செய்தி அளித்திருந்தோம்.
குறிப்பிட்ட நான்கு நகரங்களில், மேரியோபோல், சுமி ஆகிய நகரங்களில் மட்டுமே யுக்ரேனின் பிறகு பகுதிகளுக்குச் செல்லு வெளியேற்றப் பாதைகளைக் கொண்டுள்ளன.
யுக்ரேனில் மனிதாபிமான செயல்பாடுகளுக்கான ஒருங்கிணைப்பு தலைமையகம் என்ற பெயரில் சமீபத்தில் நிறுவப்பட்ட அமைப்பை மேற்கோள் காட்டிய ரஷ்ய செய்தி நிறுவனமான ரியா, மக்கள் வெளியேற்றப் பாதைகளுக்கான முழு பாதைகளின் வரைவபடத்தையும் வெளியிட்டது.
அதன் விவரங்கள்:
மேரியோபோல்: பாதை 1: நாவுஅஸோவ்ஸ்க், டேக்கன்ராக், ரோஸ்டோ-ஆன் டான் (ரஷ்யா). பிறகு அங்கிருந்து விமான, சாலை அல்லது ரயில் மூலம் தேர்ந்தெடுக்கப்பட்ட இடத்திற்கு அல்லது தற்காலிக தங்குமிடத்திற்குச் செல்லலாம்.
பாதை 2: போர்டிவ்ஸ்கே, மங்குஷ், ரெஸ்புப்ளிகா, ரோஷிவ்கா, பில்மாக், போலொஹி, ஓரெகீவ், ஸாப்போரிஷியா (யுக்ரென்)
கார்ஹிவ்: நெகோதேயேவ்கா, பெல்கொராட் (ரஷ்யா). பின்னர் அங்கிருந்து விமான, சாலை அல்லது ரயில்
சுமி: பாதை 1: ஷுட்ஜா, பெலொராட், பின்னர் ஏதேனும் போக்குவரத்து மூலம்
பாதை 2: சுமி, கோலுபிவ்கா, ரோம்னி, லோக்விட்யா, லுப்னி, பொல்டாவா (யுக்ரேன்)
கீயவ்: ஹோஸ்டோமெல், ராகிவ்கா, சோஸ்னொவ்கா, ஈவன்கீழ், ஒர்ரானே, செர்னோபில், ஆக்டன், கோமெல் (பெலாரஸ்), பின்னர் விமானம் மூலம் ரஷ்யாவிற்கு
மேலும், ரஷ்ய ராணுவம் “ட்ரோன்களின் பயன்பாடு உட்பட வெளியேற்றத்தின் தடையற்ற புறநிலை கட்டுப்பாட்டை” மேற்கொள்ளும் என்று அந்த அறிக்கை கூறுகிறது.
யுக்ரேனிய அதிபர் வொலோடிமிர் ஸெலன்ஸ்கியின் செய்தித் தொடர்பாளர் இந்தத் திட்டத்தை “முற்றிலும் நியாயமற்றது” என்று குறிப்பிட்டுள்ளார்.