இலங்கையில் அடுத்த சில நாட்களில் கடுமையான வானிலை மாற்றம் ஏற்பட உள்ளதாக யாழ்ப்பாணப் பல்கலைக்கழகத்தின் புவியியல் துறைத் தலைவர் பேராசிரியர் நாகமுத்து பிரதீபராஜா அவசர அறிக்கையொன்றை வெளியிட்டுள்ளார்.
தென்கிழக்கு மற்றும் தென்மேற்கு காற்றுச் சுழற்சிகள் ஒன்றிணைந்து உருவான காற்றழுத்த தாழ்வு நிலை, 27 ஆம் தேதி ஆழ்ந்த தாழ்வு மண்டலமாகவும், 28 ஆம் தேதி புயலாகவும் மாற்றம் பெறக்கூடும் என எச்சரித்துள்ளார்.
இந்த மாற்றத்தால் நாடு முழுவதும் கனமழை, குறிப்பாக வடக்கு, கிழக்கு, தென் மற்றும் ஊவா மாகாணங்களில் 350 மில்லிமீட்டருக்கு மேல் மழை பெய்ய வாய்ப்பு அதிகம். பல பகுதிகளில் வெள்ளம் மற்றும் காற்று வீச்சு அதிகரிக்கும் அபாயம் உள்ளதாகவும் குறிப்பிடப்பட்டுள்ளது.
வீடுகள், மின்சாரம், போக்குவரத்து மற்றும் பாதுகாப்பு தொடர்பான முக்கிய முன்னெச்சரிக்கை வழிமுறைகளையும் மக்கள் கடைப்பிடிக்க வேண்டும் என அறிவுறுத்தப்பட்டுள்ளது.
அடுத்த 3 நாட்கள்—இலங்கைக்குப் மிக நெருக்கடியான வானிலை நாட்கள் என நிபுணர்கள் எச்சரிக்கின்றனர்.