கடந்த 24 மணி நேரத்தில் நிலவி வரும் கடும் மழை மற்றும் மோசமான வானிலை காரணமாக பதுளை மாவட்டத்தில் ஏற்பட்ட ஆறு நிலச்சரிவு சம்பவங்களில் குறைந்தது 11 பேர் உயிரிழந்துள்ளதாக மாவட்ட செயலாளர் பண்டுக அபேவர்தன தெரிவித்துள்ளார்.
பலர் நிலச்சரிவில் சிக்கி காணாமல் போயுள்ள நிலையில், இதுவரை 9 பேர் மாயமாகியுள்ளதாக ஆரம்ப தகவல்கள் தெரிவிக்கின்றன.
நேற்றைய (26) மோசமான காலநிலை காரணமாக பல பகுதிகளில் நிலச்சரிவுகள் பதிவாகியுள்ளதால், இராணுவம், காவல்துறை மற்றும் நிவாரணப் பணிக்குழுக்கள் இணைந்து காணாமல் போனவர்களை தேடும் மீட்பு நடவடிக்கைகளை தீவிரப்படுத்தியுள்ளன.
சீரற்ற காலநிலை தொடரும் நிலையில், பொதுமக்கள் அவசர அறிவுறுத்தல்களை பின்பற்றுமாறு அதிகாரிகள் கேட்டுக்கொண்டுள்ளனர்.
