நாட்டின் பல்வேறு பகுதிகளை தாக்கிய கடும் மழையுடன் கூடிய மோசமான வானிலை காரணமாக இதுவரை 22 பேர் உயிரிழந்துள்ளதாக அனர்த்த முகாமைத்துவ நிலையம் உறுதிப்படுத்தியுள்ளது.
அதில் அதிக உயிரிழப்புகள் பதுளை மாவட்டத்தில் பதிவாகியுள்ளது. இன்று (காலை நிலவரப்படி) பதுளை மாவட்டத்தில் மட்டும் 11 பேர் உயிரிழந்துள்ளதாக மாவட்ட செயலாளர் பண்டுக அபேவர்தன தெரிவித்துள்ளார்.
மேலும், கண்டி மாவட்டத்தின் பத்தஹேவாஹெட்ட மற்றும் உடுதும்பர பகுதிகளில் ஏற்பட்ட வானிலை பாதிப்பினால் 4 பேர் காணாமல் போயுள்ளதாகவும் தகவல் வெளியிடப்பட்டுள்ளது.
மொத்தம் 17 மாவட்டங்கள் தீவிரமாக பாதிக்கப்பட்ட நிலையிலும், இன்று காலை 6 மணி வரையிலான கணக்கெடுப்பில் 3 வீடுகள் முற்றிலும் சேதமடைந்துள்ளன. மேலும் 381 வீடுகள் பகுதி சேதங்களுக்கு உள்ளாகியுள்ளன.
இந்த இயற்கை அனர்த்தத்தால் 877 குடும்பங்களை சேர்ந்த 3,000-க்கும் மேற்பட்ட மக்கள் பாதிக்கப்பட்டுள்ளனர். பாதிக்கப்பட்ட குடும்பங்களுக்கு உடனடி நட்டஈடு வழங்க அரசாங்கம் நடவடிக்கை எடுத்து வருவதாக அறிவிக்கப்பட்டுள்ளது.