மேல் கொத்மலை அணையின் மூன்று வான்கதவுகள் திறப்பு – கீழ்பகுதி மக்களுக்கு அவசர எச்சரிக்கை

மேல் கொத்மலை நீர்தேக்கப் பகுதிகளில் தொடர்ச்சியாக பெய்து வரும் கனமழை காரணமாக, இன்று (27) அதிகாலை முதல் அணையின் மூன்று வான்கதவுகள் திறக்கப்பட்டுள்ளதாக பொறியியலாளர்கள் அறிவித்துள்ளனர். மழை மேலும் அதிகரித்தால் மீதமுள்ள வான்கதவுகளும் திறக்கப்படக்கூடும் என்பதால், கொத்மலை ஓயாவைச் சுற்றிய கீழ்ப்பகுதிகளில் வசிக்கும் மக்கள் மிகுந்த அவதானத்துடன் இருக்குமாறு அனர்த்த முகாமைத்துவ பிரிவு எச்சரிக்கை விடுத்துள்ளது. அதேவேளை சென்கிளயார் நீர்வீழ்ச்சியின் நீர்மட்டமும் பெரிதும் உயர்ந்துள்ளதாக தெரிவிக்கப்பட்டுள்ளது.