‘டிட்வா’ புயல் மற்றும் வெள்ளத்தால் இலங்கையில் ஏற்பட்டுள்ள தற்போதைய பேரழிவானது, 2004ஆம் ஆண்டு சுனாமியால் ஏற்பட்ட இழப்பைப் போன்றது என்று இராணுவ ஆய்வாளர் அரூஸ் தெரிவித்துள்ளார். ஊடறுப்பு நிகழ்ச்சியில் கலந்துகொண்டு பேசிய அவர், இந்தச் சூழலில் இலங்கை இராணுவம் எதிர்கொள்ளும் சவால்கள் குறித்துக் கடுமையான கேள்விகளை எழுப்பியுள்ளார்.
அவர் கூறிய முக்கிய அம்சங்கள்:
-
பேரழிவின் தன்மை: “உயிரிழப்புகள் தற்போது 400-ஐ அண்மித்துள்ளன, பலரைக் காணவில்லை. உணவில்லாமல், உடையில்லாமல் மக்கள் நிர்க்கதியாகியுள்ளனர்.”
-
படைவீரர்கள் மீதான சந்தேகம்: “தற்போதைய பேரனர்த்தை எதிர் கொண்டு சமாளிக்க இலங்கை படைவீரர்களால் முடியவில்லை என்பதை காணக்கூடியதாக உள்ளது.”
-
இந்தியாவின் உதவி: அவரது கூற்றுக்கு ஆதாரமாக, “இந்தியாவிலிருந்தே உலகுவானூர்தி (Helicopter) மூலம் படைவீரர்களும் மோப்ப நாய்களும் கொண்டுவரப்பட்டுள்ளன” என்று அவர் சுட்டிக்காட்டினார்.
-
நிதி ஒதுக்கீடு மீதான கேள்வி: “படைவீரர்களுக்காகவே வரவுசெலவுத் திட்டத்தில் அதிகமான நிதி ஒதுக்கப்பட்டுள்ளது” என்று குறிப்பிட்டுள்ள அவர், நிதி ஒதுக்கீடு இருந்தும் ஏன் வெளிநாட்டு உதவியை நம்பியிருக்க வேண்டிய சூழல் ஏற்பட்டது எனக் கேள்வியெழுப்பினார்.
இலங்கையின் அண்டை நாடுகளான இந்தியா, பாகிஸ்தான் போன்ற நாடுகள் இலங்கைக்கு உதவிகள் புரிந்துள்ள நிலையில், நாட்டின் பாதுகாப்பு மற்றும் மீட்புப் பணிகளுக்காக அதிக நிதி ஒதுக்கீடு இருந்தும், இந்தச் சவாலான நேரத்தில் நாட்டின் சொந்தப் படைகளால் நிலைமையைச் சமாளிக்க முடியாமல் போனது ஏன் என்ற கேள்வியை ஊடறுப்பு நிகழ்ச்சி ஆராய்வதாக அவர் குறிப்பிட்டார்.