பருத்தித்துறையில் இன்று முதல் ‘லஞ்ச் சீற்’ பயன்பாட்டிற்குத் தடை! – மீறுபவர்கள் மீது நீதிமன்றத்தினூடாக நேரடி சட்ட நடவடிக்கை; நகரசபை அதிரடி உத்தரவு.

பருத்தித்துறை நகரசபை எல்லைக்குட்பட்ட பகுதிகளில் உள்ள உணவகங்கள் மற்றும் உணவு விற்பனை நிலையங்களில் ‘லஞ்ச் சீற்’ (Lunch Sheet) பயன்படுத்துவதற்கு இன்று முதல் முழுமையான தடை விதிக்கப்பட்டுள்ளது.

இந்த நடைமுறையின் முக்கிய அம்சங்கள்:

• தடை விபரம்: உணவகங்களின் உள்ளகப் பயன்பாடு மற்றும் உணவுப் பொதியிடல் (Parceling) ஆகிய அனைத்துச் செயற்பாடுகளுக்கும் லஞ்ச் சீற் பயன்படுத்துவது முற்றாகத் தடை செய்யப்பட்டுள்ளது.

• மாற்று வழிமுறைகள்: லஞ்ச் சீற்றிற்குப் பதிலாகப் பின்வரும் சூழல்நேய வழிகளைப் பின்பற்றுமாறு ஆலோசனை வழங்கப்பட்டுள்ளது:

  • உள்ளகப் பயன்பாடு: வாழை இலை, தாமரை இலை மற்றும் தேக்கம் இலை.

  • உணவுப் பொதியிடல்: ஈய காகிதம் (Foil Paper) மற்றும் தரப்படுத்தப்பட்ட உணவு கொள்கலன்கள் (Containers).

• சட்ட நடவடிக்கை: இந்தத் தடையை மீறிச் செயற்படும் உணவக உரிமையாளர்கள் மீது எவ்வித முன்னெச்சரிக்கையுமின்றி நேரடியாக நீதிமன்றத்தினூடாக சட்ட நடவடிக்கை எடுக்கப்படும் என பருத்தித்துறை நகரசபை பொதுச்சுகாதார பரிசோதகர் ப.தினேஷ் எச்சரித்துள்ளார்.

உரிமையாளர்களுடன் ஏற்கனவே நடத்தப்பட்ட கலந்துரையாடல்களின் பின்னரே இந்தத் தீர்மானம் அமுல்படுத்தப்பட்டுள்ளது. இதன் மூலம் பிளாஸ்டிக் கழிவுகளைக் குறைத்து நகரத்தைப் பாதுகாப்பதே பிரதான இலக்காகும்.