2026-ஆம் ஆண்டு பிறப்பினை முன்னிட்டு இலங்கையின் வடக்கு மற்றும் கிழக்கு மாகாணங்களில் உள்ள பிரசித்தி பெற்ற இந்து ஆலயங்களில் நள்ளிரவில் விசேட வழிபாடுகளும் கொண்டாட்டங்களும் இடம்பெற்றன.
முக்கிய நிகழ்வுகள்:
-
நல்லூர் கந்தசுவாமி கோவில்: வரலாற்றுப் புகழ்பெற்ற யாழ்ப்பாணம் நல்லூர் கந்தசுவாமி கோவிலில் நள்ளிரவு 12 மணிக்கு புத்தாண்டு பிறந்ததுடன், தேரடிப் பகுதியில் நூற்றுக்கணக்கான தீபங்கள் ஏற்றப்பட்டு புத்தாண்டு வரவேற்கப்பட்டது. இதில் ஏராளமான பக்தர்கள் கலந்துகொண்டு தீபமேற்றி வழிபாடு செய்தனர்.
-
மாமாங்கேஸ்வரர் ஆலயம்: மட்டக்களப்பின் வரலாற்றுச் சிறப்புமிக்க அருள்மிகு மாமாங்கேஸ்வரர் ஆலயத்திலும் 2026 புதுவருடப் பிறப்பினை முன்னிட்டு அதிகாலையில் விசேட அபிஷேக மற்றும் பூஜை வழிபாடுகள் இடம்பெற்றன. நாட்டின் சுபீட்சம் மற்றும் அமைதிக்காக இதன்போது விசேட பிரார்த்தனைகள் முன்னெடுக்கப்பட்டன.
இலங்கையின் பல பாகங்களிலும் மக்கள் மத வழிபாட்டுத் தலங்களுக்குச் சென்று இறை ஆசியுடன் தமது புத்தாண்டைத் தொடங்கியுள்ளமை குறிப்பிடத்தக்கது.