கடந்த டிசம்பர் 30 ஆம் திகதி இரவு கொஹுவலை, சரணங்கர வீதி, போதியவத்தை பகுதியில் இடம்பெற்ற துப்பாக்கிச் சூட்டுச் சம்பவத்துடன் தொடர்புடைய மேலும் மூன்று சந்தேகநபர்கள் கைது செய்யப்பட்டுள்ளனர்.
கைது செய்யப்பட்டவர்கள் கொழும்பு 9 மற்றும் 12 ஆகிய பகுதிகளில் வசிக்கும் 27, 32 மற்றும் 35 வயதுடையவர்கள் என காவல்துறை தெரிவித்துள்ளது.
சம்பவ விபரம்
குறித்த தினம் இரவு, மோட்டார் சைக்கிளில் வந்த இனந்தெரியாத இருவர், ஒரு வீடின்மீது துப்பாக்கிச் சூடு நடத்திவிட்டு அங்கிருந்து தப்பிச் சென்றுள்ளனர். இந்த துப்பாக்கிச் சூட்டுச் சம்பவத்தில் 16 வயதுடைய சிறுமி ஒருவர் காயமடைந்து, களுபோவில போதனா வைத்தியசாலையில் அனுமதிக்கப்பட்டார்.
விசாரணை முன்னேற்றம்
சம்பவம் தொடர்பில் மேற்கொள்ளப்பட்ட ஆரம்ப விசாரணைகளில், துப்பாக்கிச் சூட்டின் இலக்கு சிறுமி அல்ல, அவருடைய தாயே இலக்காக இருந்துள்ளார் என்பது தெரியவந்துள்ளது.
இதனைத் தொடர்ந்து காவல்துறையினரால் மேற்கொள்ளப்பட்ட மேலதிக விசாரணைகளின் அடிப்படையில், இந்த துப்பாக்கிச் சூட்டுச் சம்பவத்திற்கு உடந்தையாக இருந்ததாகக் கருதப்படும் மூன்று சந்தேகநபர்கள் கைது செய்யப்பட்டுள்ளனர்.
மேலதிக விசாரணை
இச்சம்பவம் தொடர்பான மேலதிக விசாரணைகளை கொஹுவலை காவல்துறையினர் மேற்கொண்டு வருகின்றனர்.