இந்­தி­யாவின் சந்­தேகம்!! - (சிறப்பு கட்டுரை)

அண்­மையில் ஆறு தமிழ்ப்­பேசும் கட்­சி­களின் கூட்டு, ஜனா­தி­ப­தி­அ­நு­ர­கு­மார திசா­நா­யக்­கையும்,இந்­தியத் தூதுவர் சந்தோஷ் ஜாவையும் சந்­தித்து பேசி­யி­ருந்­தது.

இந்த இரண்டு சந்­தர்ப்­பங்­க­ளிலும், பொது­வாக பேசப்­பட்ட விட­யங்­களில் ஒன்று, புதிய அர­சி­ய­ல­மைப்பை கொண்டு வரு­வது பற்­றி­ய­தாகும்.

ஜனா­தி­பதி அநு­ர­கு­மார திசா­ச­நா­யக்­கவை பொறுத்­த­வ­ரையில் புதிய அர­சி­ய­ல­மைப்பை கொண்டு வரு­வ­தாக, ஜனா­தி­பதி தேர்­த­லுக்கு முன்­னரே வாக்­கு­று­தியை கொடுத்­தி­ருந்தார்.

அந்த வாக்­கு­று­தியை காப்­பாற்­றுவோம் என அவர் பதி­ல­ளித்­தி­ருக்­கிறார், ஆனால் அதற்­கான காலக்­கெடு எதையும் அவர் முன்­வைத்­தி­ருக்­க­வில்லை.

ஜனா­தி­பதி அநு­ர­விடம்  இதனை வலி­யு­றுத்­தி­யது தொடர்­பாக, இந்­திய தூதுவர் சந்தோஷ் ஜாவிடம், தமிழ் மொழி­பேசும் மக்­களின் அர­சியல் பேரவை எடுத்துக் கூறி­யி­ருந்­தது.

அப்­போது இந்­தியத் தூதுவர் புதிய அர­சி­ய­ல­மைப்பை வலி­யு­றுத்­து­கின்ற போது கவ­ன­மாக இருக்க வேண்டும் என குறிப்­பிட்­டி­ருக்­கிறார்.

புதிய அர­சி­ய­ல­மைப்பு உரு­வாக்கம் பற்­றிய அச்சம் இந்­தி­யா­விடம் இருப்­பதை இது புலப்­ப­டுத்­தி­யி­ருக்­கி­றது.

புதிய அர­சி­ய­ல­மைப்பு உரு­வாக்­கப்­பட்டால் தற்­போ­துள்ள அர­சி­ய­ல­மைப்பில் இருக்­கின்ற 13ஆவது திருத்தச் சட்டம் இல்­லாமல் போய்­விடும்.

இதனால் மாகாண சபைகள் காலா­வ­தி­யாக போய்­வி­டுமா என்ற சந்­தேகம் இந்­தி­யா­விடம் ஏற்­பட்­டி­ருக்­கி­றது.

1987 ஆம் ஆண்டு இலங்கைப் பிரச்­சி­னையில் இந்­தியா தலை­யீடு செய்­தது.

இந்­தி­ய-­இ­லங்கை ஒப்­பந்தம் மூல­மாக, இந்­தியா அந்த தலை­யீட்டைச் செய்­த­போது, இனப்­பி­ரச்­சி­னைக்­கான தீர்வு என, 13 ஆவது திருத்தச் சட்­டத்தைக்  கொண்டு வந்து, மாகாண சபை­களை உரு­வாக்­கு­கின்ற தீர்­மானம் எடுக்­கப்­பட்­டது.

இது தமி­ழர்­க­ளுடன் கலந்து பேசி எடுக்­கப்­பட்ட முடிவு அல்ல.

அப்­போது அர­சியல் அரங்கில் இருந்த தமிழர் விடு­தலைக் கூட்­ட­ணியும் சரி, ஆயுதப் போராட்ட அரங்கில் இருந்த அமைப்­பு­களும் சரி, இதனை ஒரு தீர்­வாக ஏற்றுக் கொண்­டி­ருக்­க­வில்லை.

ஏனென்றால் காணி, பொலிஸ் அதி­கா­ரங்கள் வழங்­கப்­பட்­டி­ருந்­தாலும், இந்­தி­யாவின் மாநி­லங்­க­ளுக்கு இருந்த உரி­மைகள், அதி­கா­ரங்கள் கூட, மாகாண சபை­க­ளுக்கு வழங்­கப்­பட்­டி­ருக்­க­வில்லை.

ஆனாலும், வடக்கு கிழக்கு மாகா­ணங்­களை இணைத்து- ஒரு தனி­யான நிர்­வாக அலகை உரு­வாக்கி -தனித்­து­வ­மான ஓர் அர­சியல் தீர்வை ஏற்­ப­டுத்­து­வது இந்­தி­யாவின் திட்­ட­மாக இருந்­தது.

அப்­போ­தைய ஜனா­தி­பதி ஜே.ஆர்.ஜய­வர்­தன தந்­தி­ர­மான முறையில் அதனை மாற்றி, எல்லா மாகா­ணங்­க­ளுக்கும் தனித்­த­னி­யான நிர்­வாக அல­கு

­களை உரு­வாக்கி, தெற்கில் தனக்கு எதிர்ப்பு எழா­த­படி பார்த்துக் கொண்டார் எனச் சொல்­லப்­ப­டு­வ­துண்டு.

ஆனால் அது முழு உண்­மை­யல்ல.

அவர் வடக்கு- கிழக்கு மாகா­ணங்­க­ளுக்­கான, தனித்­து­வ­மான அதி­கா­ரப்­ப­கிர்வை – தரம் குறைப்­ப­தற்­கா­கவே,  ஏனைய மாகா­ணங்­க­ளிலும் சபை­களை உரு­வாக்­கினால் என்­பது தான் உண்மை. இதன் மூலம், தமி­ழர்­க­ளுக்குத் தனித்­து­வ­மான தீர்வு ஒன்றை வழங்­காமல், தடுத்தார்.

ஆனால், அந்த மாகாண சபை­க­ளையும், 13ஆவது திருத்தச் சட்­டத்­தையும், விடு­தலைப் புலிகள் ஏற்­றுக்­கொள்­ள­வில்லை.

அவர்கள் கடை­சி­வரை அதில் உறு­தி­யாக இருந்­தார்கள்.

ஆனால், தமிழர் விடு­தலைக் கூட்­ட­ணியும், சில தமிழ்ப் போராளி அமைப்­பு­களும் அதனை ஏற்றுக் கொண்­ட­துடன், வடக்­கு-­கி­ழக்கு மாகாண சபைத் தேர்­த­லிலும் போட்­டி­யிட்­டன.

வடக்­கு-­கி­ழக்கு மாகாண சபை குறு­கிய காலத்தில் கலைக்­கப்­பட்ட பின்னர், அதற்கு தேர்தல் நடை­பெ­ற­வில்லை.

2006ஆம் ஆண்டு வடக்கு-  கிழக்கு மாகா­ணங்­களை தனித்­தனி நிர்­வாக அல­கு­க­ளாக பிரித்து- இரு வேறு மாகாண சபை­களை உரு­வாக்­கு­வ­தற்கு, ஜே.வி.பி. வழி­வ­குத்­தது.

உயர்­நீ­தி­மன்­றத்தில் ஜே.வி.பி. தொடுத்த வழக்­கினால், 1987ஆம் ஆண்டு ஜே.ஆர். ஜய­வர்­தன தற்­கா­லி­க­மாக ஒன்­றி­ணைத்து வர்த்­த­மானி மூலம் அறி­வித்த பிர­க­டனம் உயர்­நீ­தி­மன்­றினால் இரத்துச் செய்­யப்­பட்­டது.

இதனால், வடக்­கிலும், கிழக்­கிலும் தனித்­தனி மாகாண சபைகள் உரு­வாகும் நிலையை ஏற்­ப­டுத்­தி­யது.

2008ஆம் ஆண்டு போர் இறு­திக்­கட்­டத்தை எட்­டி­யி­ருந்த போது, மஹிந்த ராஜ­பக்ஷ, கிழக்கு மாகாண சபைத் தேர்­தலை நடத்­தினார். ஆனால், 2009இல் போர் முடி­வுக்கு வந்த போதும், அவர் வடக்கு மாகாண சபைத் தேர்­தலை நடத்­தாமல் இழுத்­த­டித்தார்.

இந்­தி­யாவின்  கடும் அழுத்­தங்­களை அடுத்தே, 2013 ஆம் ஆண்டு வடக்கு மாகாண சபைக்கு தேர்தல் நடத்­தப்­பட்­டது. ஐந்­தாண்டு பதவி காலத்­திற்கு பின்னர், அது மீண்டும் உறக்க நிலைக்குச் சென்று விட்­டது.

வடக்கு, கிழக்கு மாகாண சபைகள் மாத்­தி­ர­மின்றி- நாட்டின் எல்லா மாகாண

சபை­க­ளுமே, இப்­போது உறங்கு நிலை யில் தான் இருக்­கின்­றன. அதனை மீண்டும் தட்டி எழுப்பி இயங்கச் செய்­வ­தற்கு தமிழ்ப் பேசும் கட்­சிகள் முயற்­சித்துக் கொண்­டி­ருக்­கின்­றன.

தமிழ் மக்­களின் இனப்­பி­ரச்­சி­னைக்­கான தீர்வு என, 13 ஆவது திருத்தச் சட்­டத்­தையும், மாகாண சபை­க­ளை­யுமே இந்­தியா குறிப்­பிட்டு வரு­கி­றது.

தமிழ் மக்­க­ளையும் – அதனை ஒரு தீர்­வாக ஏற்றுக் கொள்ள வைக்­கவும் முற்­ப­டு­கி­றது.

இவ்­வா­றான நிலையில் தான், புதிய அர­சி­ய­ல­மைப்பு உரு­வாக்­கப்­பட்டால்,  13ஆவது திருத்தச் சட்­டமும் மாகாண சபை­களும் காணாமல் ஆக்­கப்­பட்டு விடும் என்ற கவலை இந்­தி­யா­வுக்கு ஏற்­பட்­டி­ருக்­கி­றது.

தமிழ் மக்­க­ளுக்கு கௌர­வ­மாக, நீதி­யாக, சமத்­து­வ­மாக  வாழத்­தக்க ஓர் அர­சியல் தீர்வை எட்­டு­வ­தற்கு, இந்­தியா எப்­போதும் துணை நிற்கும் என  பல சந்­தர்ப்­பங்­களில் வாக்­கு­றுதி அளித்­தி­ருக்­கி­றது. இந்­தியப் பிர­தமர் மோடி அதனை பல்­வேறு சந்­தர்ப்­பங்­களில் பகி­ரங்­க­மா­கவே கூறி­யி­ருக்­கிறார்.

இந்த நிலையில், புதிய அர­சி­ய­ல­மைப்பை உரு­வாக்கும் போது, தற்­போ­தைய அர­சி­ய­ல­மைப்பில் உள்ள 13 ஆவது திருத்தச் சட்டம் என்­ன­வாகும் என்று கேள்­விக்கு தெளி­வான பதில் இல்லை.

அதனை முழு­மை­யாக பெயர்த்­தெ­டுத்து விட்டு, புதிய அர­சி­ய­ல­மைப்பை உரு­வாக்­கினால், அதில் அதி­கா­ரப்­ப­கிர்வு எவ்­வாறு முன்­னெ­டுக்­கப்­படும் என்ற கேள்வி இருக்­கி­றது. தற்­போ­தைய அர­சாங்­கத்தைப் பொறுத்­த­வ­ரையில் புதிய அர­சி­ய­ல­மைப்பை உரு­வாக்க விட­யத்தை, “அ“ வில் இருந்து தொடங்கும் எண்ணம் இல்லை.

நல்­லாட்சி அரசின் காலத்தில் முன்­னெ­டுக்­கப்­பட்ட புதிய அர­சி­ய­ல­மைப்பை உரு­வாக்கும் முயற்­சி­களின் மூலம் உரு­வாக்­கப்­பட்ட வரைவின் தொடர்ச்­சி­யா­கவே அது இருக்கும் என தற்­போ­தைய ஜனா­தி­பதி முன்னர் வாக்­கு­றுதி அளித்­தி­ருந்­த­தாக தமிழ்ப் பேசும் கட்­சிகள் சில கூறு­கின்­றன.

இதனால் தான், தற்­போ­தைய அர­சாங்கம் ‘ஏக்­கிய ராஜ்ய’ அர­சி­ய­ல­மைப்பை கொண்டு வரு­வதில் உறு­தி­யாக இருக்­கி­றது என்று,  கஜேந்­தி­ர­குமார் பொன்­னம்­பலம் தலை­மை­யி­லான தமிழ் தேசிய மக்கள் முன்­னணி தொடர்ந்து எச்­ச­ரித்து வரு­கி­றது

அந்த எச்­ச­ரிக்­கையை மெய்ப்­பிக்கும் வகை­யி­லான சில சமிக்­ஞைகள் இப்­போது தென்­படத் தொடங்­கி­யுள்­ளன.

இந்த கட்­டத்தில் தான் இந்­தியா, புதிய அர­சி­ய­ல­மைப்­புக்­கான பணி­களை ஆரம்­பத்தில் இருந்து தொடங்­கு­வது குறித்து கவ­ன­மாக இருக்க வேண்டும் என எச்­ச­ரித்­தி­ருக்­கி­றது.

13 ஆவது திருத்தச் சட்­டத்தை முழு­மை­யாக இல்­லாமல் ஆக்­கும்­போது அதற்கு மாற்­றான அதி­காரப் பகிர்வு எவ்­வாறு கொண்­டு­வ­ரப்­படும் என்­பதில் கவ­ன­மாக இருக்க வேண்டும் என இந்­தியா கூறி­யி­ருக்­கி­றது.

ஏனென்றால், புதிய அர­சி­ய­ல­மைப்பு உரு­வாக்­கத்தில் பல கட்­டங்கள் உள்­ளன. சில வேளை­களில் அதனை நிறை­வேற்ற முடி­யா­மலும் போகலாம்.

அது பாதி வழியில் – திரி­சங்கு நிலை­யையும் அடை­யலாம்.

2018ஆம் ஆண்டு நல்­லாட்சி அரசின் காலத்தில் கொண்டு வரப்­பட்ட மாகா­ண­சபை தேர்தல் திருத்தச் சட்டம் அதற்கு நல்­ல­தொரு உதா­ரணம்.

அந்தச் சட்­டத்­தினால் தான் இன்று வரை மாகாண சபைகள் இயங்க முடி­யாத நிலையில் இருக்­கின்­றன.

இவ்­வா­றான நிலையில் தான் இந்­தியத் தூதுவர், சந்தோஷ் ஜா,  அதி­காரப் பகிர்வு விட­யத்தில், கவ­ன­மாக இருக்க வேண்டும் எனக் குறிப்­பிட்­டி­ருக்­கிறார்.

ஆனால், இதே இந்­தியா, தான் உரு­வா

க்­கிய 13 ஆவது திருத்தச் சட்­டத்தில் ஜே.ஆர்.ஜய­வர்­தன, அதி­கா­ரங்­களை மற்ற மாகா­ணங்­க­ளுக்கும் பகிர்ந்து கொடுத்த போது எதிர்க்­க­வில்லை. ஜே. ஆருக்குப் பின்னர் ஆட்­சிக்கு வந்த அர­சாங்­கங்கள், காணி மற்றும் பொலிஸ் அதி­கா­ரங்­களை வழங்க மறுத்த போதும், அதனை எதிர்க்­க­வில்லை.

உயர்­நீ­தி­மன்றம் மூல­மாக, வடக்கு, கிழக்கு மாகா­ணங்கள் பிரிக்­கப்­பட்ட போதும்  இந்­தியா எதிர்க்­க­வில்லை.

அந்தச் சூழலைப் பொருத்­த­மான முறையில் கையா­ளு­வ­தற்கும் நட­வ­டிக்கை எடுக்­க­வில்லை. அதன் பின்னர் மாகாண சபை­களின் அதி­கா­ரங்கள் கொஞ்சம் கொஞ்­ச­மாக - சட்­டங்கள் மூல­மா­கவும் வர்த்­த­மானி அறி­வித்தல் மூல­மா­கவும் பறிக்­கப்­பட்ட போதும் இந்­தியா எதிர்க்­க­வில்லை.

ஆனால், இப்­போது, புதிய அர­சி­ய­ல­மைப்பை உரு­வாக்­கு­கின்ற முயற்­சி­களில் இறங்­கு­கின்ற போது 13ஆவது திருத்­தச்­சட்­டத்தின் நிலை பற்றி, தமிழ்ப்­பேசும் கட்­சி­க­ளிடம் இந்­தியா  எச்­ச­ரித்­தி­ருக்­கி­றது.

கடந்த வாரம் கொழும்பு ஆங்­கில நாளிதழ் ஒன்றில் வரை­யப்­பட்­டி­ருந்த ஆசி­ரியர் தலை­யங்கம், 13ஆவது திருத்தச் சட்­டத்­தையும் மாகாண சபை­க­ளையும் வல்­லு­றவின் மூலம் பிறந்த குழந்­தைகள் என ஒப்­பீடு செய்­தி­ருந்­தது. இது 13ஆவது திருத்தச் சட்டம் தொடர்­பாக தென்­னி­லங்­கையில் உள்ள அதி­ருப்­தியை வெளிப்­ப­டுத்­து­கி­றது. புதிய அர­சி­ய­ல­மைப்பின் ஊடாக அதி­கா­ரங்கள் பகி­ரப்­பட்டால், இத்­த­கைய அதி­ருப்­திகள் களையப்படக்கூடும்.

ஆனால், தெற்கிலுள்ள தரப்புகள் புதிய அரசியலமைப்பின் ஊடாக, தெளிவான அதிகாரப் பகிர்வுடன் கூடிய அரசியல் தீர்வை வழங்குவதற்கு முன்வருமா என்பதே கேள்வி.

தற்போது ஆட்சியிலுள்ள அரசாங்க த்தை வழிநடத்தும் ஜே.வி.பி., இந்திய-

இலங்கை ஒப்பந்தம் செய்து கொள்ளப் பட்ட போது, அதனை ஏற்றுக்கொள்ள வில்லை, 13ஆவது திருத்தச் சட்டத்தை யும் ஏற்றுக்கொள்ள வில்லை.

இவற்றிற்கு எதிராக ஆயுதம் ஏந்தி போராடியிருந்தது.

இந்த அடிப்படையில், தற்போதைய அரசாங்கம்  அரசியலமைப்பில் இருந்து,

13வது திருத்தச் சட்டத்தை நீக்குவ

தற்கு முற்படுகிறதா கேள்வி முக்கியமாக இருக்கிறது. இத்தகைய சந்தேகங்களுக்கான தெளிவான பதிலு டன் தான், புதிய அரசியலமைப்புக் கான நகர்வில் இறங்கவேண்டும்.