காஸாவில் இஸ்­ரேலின் இனப் படு­கொ­லை­க­ளுக்கு ஆயு­தங்­களை வழங்கும் இந்­தியா

இந்­திய அர­சுக்கு சொந்­த­மான நிறு­வ­னங்கள் மற்றும் இந்­திய தனியார் நிறு­வ­னங்கள் அக்­டோபர் 2023 முதல் நவம்பர் 2025 வரை, குறைந்த பட்சம் ஆயு­தங்கள், வெடி­ம­ருந்­துகள் மற்றும் இரா­ணுவ பாகங்­களை உள்­ள­டக்­கிய 2,596 பொதி­களை இஸ்­ரே­லுக்கு ஏற்­று­மதி செய்­துள்­ளமை கண்­ட­றி­யப்­பட்­டுள்­ளது. சர்­வ­தேச மன்­னிப்புச் சபையின் 42 பக்க விசா­ரணை அறிக்­கையில் இந்த அதிர்ச்­சி­யூட்டும் தகவல் வெளி­யி­டப்­பட்­டுள்­ளது.

ஆயு­தங்கள், வெடி­ம­ருந்­துகள் மற்றும் பாகங்­களை இஸ்­ரே­லுக்கு ஏற்­று­மதி செய்­வதை இந்­திய அரசு உட­ன­டி­யாக நிறுத்த வேண்டும் என்றும், அதன் அதி­கார வரம்பின் கீழ் செயல்­படும் நிறு­வ­னங்கள் சர்­வ­தேச சட்­டத்தின் கீழ் இனப் படு­கொ­லைகள் மற்றும் குற்­றங்­க­ளுக்கு பங்­க­ளிக்­காமல் இருப்­பதை உறுதி செய்ய வேண்டும் என்றும் அறிக்கை மேலும் கூறி­யுள்­ளது.

சகல நிறு­வ­னங்­க­ளுக்கும் தங்­க­ளது உல­க­ளா­விய செயற்­பா­டு­களின் போது மனித உரி­மை­களை மதிக்க வேண்­டிய கடப்­பாடு உள்­ளது. இதில் தங்­க­ளது தயா­ரிப்­புகள் சர்­வ­தேச சட்­டங்­களின் கீழ் எந்­த­வி­த­மான கடு­மை­யான மீறல்­க­ளிலும் ஈடு­ப­ட­வில்லை என்­பதை உறு­திப்­ப­டுத்த, முன்­கூட்­டியே செய­லூக்­க­மான, வலு­வான நட­வ­டிக்­கை­களை எடுப்­பது அவ­சியம் என்­பதும் அடங்கும். இந்த நட­வ­டிக்­கைகள் தாங்கள் எதிர்­நோக்கும் ஆபத்தின் அள­விற்கு ஏற்ப அமைய வேண்டும் என்­பதும் நிய­தி.­

அக்­டோபர் 2023 இற்கும் பிறகு புது டில்லி இஸ்­ரே­லுக்கு யுத்தப் பாவ­னைக்­கான ட்ரோன்கள், குண்­டுகள் மற்றும் ஆயுத கூறு­களை வழங்­கி­யது என்ற முந்­தைய குற்­றச்­சாட்­டு­களைத் தொடர்ந்து, காஸாவில் இஸ்­ரேலின் இனப் படு­கொ­லைக்கு இந்­தியா பொருள் ரீதி­யாக ஆத­ர­வ­ளித்­துள்­ளது என்று குற்றம் சாட்டி வரும் தொடர் அறிக்­கை­களின், அண்­மைக்­கால அறிக்கை தான் இந்த அதிர்ச்­சி­யூட்டும் தக­வலை தெரி­வித்­துள்­ளது.

"பல ஆண்­டு­க­ளாக கிட்­டத்­தட்ட தின­சரி அடிப்­ப­டையில், உல­க­ளவில் ஒளி­ப­ரப்­பப்­பட்டு வரும் ஒரு நிகழ்­வாக காஸாவில் நடந்து வரும் இனப்படு­கொ­லைகள் அமைந்­துள்­ளன. இந்த நிலை­யிலும் கூட இஸ்­ரே­லிய இரா­ணுவம் மற்றும் பாது­காப்புத் துறைக்கு, இந்­தியா தொடர்ந்து ஆத­ர­வ­ளித்து வரு­வதை எமது ஆய்­வுகள் வெளிப்­ப­டுத்­து­கின்­றன" என்று சர்­வ­தேச மன்­னிப்புச் சபையின் பொதுச் செய­லாளர் அக்னஸ் கல்­லமார்ட் கூறினார்.  

இஸ்­ரே­லுக்கு ஆயு­தங்கள் மற்றும் வெடி மருந்­து­களை வழங்கும் விட­யத்தில், இந்­திய அரசு இஸ்­ரே­லிய பாது­காப்புத் துறை­யுடன் நெருக்­க­மான மற்றும் இலா­ப­க­ர­மான, கம்­ப­னிகள் மூல­மான வர்த்­தக உற­வு­களை எவ்­வாறு உரு­வாக்­கி­யுள்­ளது மற்றும் இஸ்­ரேலின் இரா­ணுவ நட­வ­டிக்­கை­களை ஆத­ரிக்கும் விநி­யோகத் தொடர் சங்­கி­லி­க­ளுக்கு குறிப்­பி­டத்­தக்க பங்­க­ளிப்­பா­ள­ராக அது எவ்­வாறு மாறி­யுள்­ளது என்ற விட­யங்­களை இந்த அறிக்கை ஆவ­ணப்­ப­டுத்தி உள்­ளது.

இஸ்­ரே­லிய இரா­ணுவம் காஸாவில் பலஸ்­தீன மக்கள் மீது பர­வ­லான மரணம், அழிவு மற்றும் துன்­பங்­களை தொட­ராக ஏற்­ப­டுத்தி வந்­த­போது, இந்­திய நிறு­வ­னங்கள் இஸ்­ரேலின் பாது­காப்புத் துறைக்கு யுத்த தள­பா­டங்­க­ளுக்­கான பாகங்கள் மற்றும் வெடி­ம­ருந்­து­களை கணி­ச­மாக வழங்­கி­யதன் மூலம் தொடர்ந்து இலாபம் ஈட்டி வந்­துள்­ளன.

அமெ­ரிக்கா மற்றும் ஜேர்­மனி உட்­பட பல முக்­கிய நாடு­களில் இருந்து   இடை­வி­டாத ஆயு­தங்கள் மற்றும் வெடி மருந்­து­களை இஸ்ரேல் பெற்று வந்­துள்­ளது. மேலும், ஸ்லோவே­னியா மற்றும் பிரான்ஸ் வழி­யா­கவும் இஸ்­ரே­லுக்கு ஆயு­தங்கள் அனுப்­பப்­பட்டு வந்­துள்­ளன. இவற்றின் மூலமும் இஸ்ரேல் குற்­றங்­களைப் புரிந்­துள்­ள­தோடு  சர்­வ­தேச சட்­டங்­க­ளையும் மீறி உள்­ளது என்­ப­தையும், சர்­வ­தேச மன்­னிப்புச் சபை ஆவ­ணப்­ப­டுத்­தி­யுள்­ளது.

இஸ்­ரே­லிய இரா­ணு­வத்­துக்கு விநி­யோ­கங்­களை மேற்­கொள்ளும், அந்த நாட்டின் மிகப் பெரிய உள்ளூர் நிறு­வ­னங்­க­ளுக்கு இந்­திய ஆயு­தங்கள், வெடி­ம­ருந்­துகள், உதிரிப் பாகங்கள் மற்றும் முக்­கிய பாகங்கள் எவ்­வாறு அனுப்­பப்­பட்­டுள்­ளன என்­ப­தையும், இந்த அறிக்கை வெளிப்­ப­டுத்தி உள்­ளது. இந்த விட­யத்தை உறு­திப்­ப­டுத்த, இந்­தி­யா­வுக்கும் இஸ்­ரே­லுக்கும் இடை­யி­லான ஏற்­று­மதி வர்த்­தக அளவு தர­வு­களை இந்த அறிக்கை பயன்­ப­டுத்தி உள்­ளது.  இந்­திய அர­சுக்கு நேர­டி­யாக சொந்­த­மான நிறு­வ­னங்­களும் மற்றும் இந்­திய அரச கட்­டுப்­பாட்டு நிறு­வ­னங்­களும் இந்த அறிக்­கையில் அடை­யாளம் காணப்­பட்­டுள்­ளன.

இந்த ஆயுத விநி­யோ­கங்கள், இரா­ணுவ தொழில்­நுட்பம், பாகங்கள் மற்றும் உப­க­ர­ணங்­களின் நேரடி மற்றும் மறை­முக பரி­மாற்றம் என்­பன சர்­வ­தேச சட்­டங்­களை கடு­மை­யான விதத்தில் மீறும் செயல்­க­ளாகும்.  இவற்றை முடி­வுக்குக் கொண்டு வரும் வகையில், இஸ்ரேல் மீது விரி­வான ஆயுதத் தடை­களை விதிக்க வேண்டும் எனவும் சர்­வ­தேச மன்­னிப்புச் சபை அழைப்பு விடுத்­துள்­ளது.

இத­னி­டையே, காஸாவில் பட்­டினி, அதி­க­ரித்து வரும் மர­ணங்­களின் எண்­ணிக்கை, என்­பன குறித்த சீற்றம் உல­க­ளா­விய ரீதியில் அதி­க­ரித்து வரு­வதால், இஸ்­ரே­லுக்­கான ஆயுத பரி­மாற்­றங்­களை நிறுத்­து­மாறு இந்­தி­யாவில் உள்ள சமூக செயற்­பாட்டு ஆர்­வ­லர்­களைக் கொண்ட குழுக்கள், அந்த நாட்டு பாரா­ளு­மன்ற உறுப்­பி­னர்­க­ளிடம் கோரிக்கை விடுத்­துள்­ளன. 

மனி­தா­பி­மான ஆர்­வ­லர்கள், வழக்­க­றி­ஞர்கள் மற்றும் முக்­கிய பிர­ஜைகள் இது சம்­பந்­த­மாக நீதி­மன்­றங்­களில் மனுக்­க­ளையும் தாக்கல் செய்­துள்­ளனர். சர்­வ­தேச மனி­தா­பி­மானச் சட்­டங்­களை மீறும் விட­யத்தில் இந்­தியா, இஸ்­ரே­லுக்கு உடந்­தை­யாக இருக்கும் அபாயம் இருப்­ப­தாக எச்­ச­ரித்து திறந்த மடல்­க­ளையும் பலர் எழுதி உள்­ளனர்.   இந்­திய தொழில் சங்­கங்­களின் மையம் (சி.ஐ.டி.யூ) போன்ற தொழில் சங்­கங்கள், இஸ்­ரே­லுக்கு அனுப்­பப்­படும் இரா­ணுவப் பொருட்­களை உற்­பத்தி செய்­வ­தற்கும், கொண்டு செல்­வ­தற்கும் பகி­ரங்­க­மாக எதிர்ப்பும் தெரி­வித்­துள்­ளன.

மேலும், இந்­தியா 20,000 தொழி­லா­ளர்­க­ளையும் இஸ்­ரே­லுக்கு அனுப்பி உள்­ளது. காஸா மீதான போரை இஸ்ரேல் தொடங்­கி­யது முதல், அங்கு கட்­டிட நிர்­மாணப் பிரிவில் பலஸ்­தீன தொழி­லா­ளர்­க­ளுக்கு அனு­மதி மறுக்­கப்­பட்­டுள்­ளது. இதனை ஈடு செய்­யவே பல்­லா­யி­ரக்­க­ணக்­கான இந்­திய தொழி­லா­ளிகள் இஸ்­ரே­லுக்கு அனுப்­பப்­பட்­டுள்­ளனர். இந்த விட­யத்தில் இஸ்­ரே­லு­ட­னான ஒப்­பந்­தத்தை இரத்து செய்­யு­மாறு, இந்­தி­யாவில் உள்ள முக்­கிய தொழிற்­சங்­கங்கள் தங்கள் அர­சாங்­கத்­திடம் கோரிக்கை விடுத்­துள்­ளன.

ஆனால், இந்தக் கோரிக்­கை­களை அலட்­சி­யம்­செய்யும் வகையில் இனப் படு­கொலை தொடர்­பாக குற்றம் சாட்டி, சர்­வ­தேச நீதி­மன்­றத்தில் இஸ்­ரே­லுக்கு எதி­ராக, தென் ஆபி­ரிக்கா தொடுத்த வழக்கில் இணைந்து கொள்ள புது டில்லி மறுத்­து­விட்­டது. மேலும் இஸ்ரேல் மீது ஆயுதத் தடை விதிக்க வேண்டும் என்ற அழைப்­புக்­க­ளையும் இந்­தியா நிரா­க­ரித்­துள்­ளது.

இந்­தி­யா­வுக்குள் பலஸ்­தீன சார்பு போராட்­டங்கள் மற்றும் எல்லா வகை­யான பலஸ்­தீன ஆத­ரவு செயல்­பா­டு­க­ளையும் இந்­திய அரசு தடுத்துள்ளது. இந்­தி­யா­வுக்குள் உள்ள மனித உரி­மைகள் வழக்­க­றி­ஞர்கள் மற்றும் சட்ட வல்­லு­நர்கள், இஸ்­ரே­லு­ட­னான ஏற்­று­மதி உரி­மத்தை நிறுத்­து­மாறு அர­சாங்­கத்­துக்கு மனு அளித்­துள்­ளனர். தொடர்ந்து இடம்­பெற்று வரும் வர்த்­தக பரி­மாற்­றங்கள் சர்­வ­தேச சட்டக் கட­மை­களை மீறு­வ­தாக அவர்கள் தமது மனுவில் குறிப்­பிட்­டுள்­ளனர்.

பிர­தமர் நரேந்­திர மோடி, மற்றும் யுத்தக் குற்­ற­வா­ளி­யாக பிர­க­டனம் செய்­யப்­பட்­டுள்ள, இஸ்­ரே­லிய பிர­தமர் பெஞ்­சமின் நெதன்­யாஹு ஆகி­யோரின் தலை­மையின் கீழ் கடந்த பத்­தாண்­டு­களில் இந்­தி­ய-இஸ்ரேல் உற­வுகள் முன்­னொரு போதும் இல்­லாத வகையில் தீவி­ரப்­ப­டுத்­தப்­பட்­டுள்­ளன.

இந்த ஆண்டு தொடக்­கத்தில் மோடியின் உயர்­மட்ட இஸ்ரேல் விஜயம், 'பாசி­சத்தைத் தழு­வுதல்'  என்று சர்­வ­தேச ரீதி­யாக வர்­ணிக்­கப்­பட்­டது. இந்த விஜயம் தார்­மீக ரீதி­யாக கண்­டிக்­கத்­தக்­கது என்றும் விவ­ரிக்கப்பட்­டது. மோடியின் இஸ்ரேல் விஜ­யத்தின் போது, இரு நாடு­களும் சமா­தானம், புதிய கண்டு பிடிப்­புக்கள் மற்றும் சுபீட்சம் என்­ப­ன­வற்றை வலுப்­ப­டுத்தும், சிறப்பு மூலோ­பாய உற­வு­க­ளையும் மேம்­ப­டுத்திக் கொண்­டன.

இந்­தியா 1950 இல் இஸ்­ரேலை அங்­கீ­க­ரித்­தது. ஆனால், 1992 வரை முழு இரா­ஜ­தந்­திர உற­வு­களை ஏற்­ப­டுத்திக் கொள்­ள­வில்லை. பலஸ்­தீன மக்­களை வெளி­யேற்­றி­யதன் மூலம், சியோ­னிசம் ஓர் இன ரீதி­யான தேசிய அரசை உரு­வாக்­கி­யுள்­ளது என்­ப­தையும்,  இஸ்ரேல் முதலில் பிரிட்டிஷ் மற்றும் பிரெஞ்சு கால­னித்­துவ சக்­தி­யு­டனும் பின்னர் அமெ­ரிக்க ஏகா­தி­பத்­திய சக்­தி­யு­டனும் தன்னை இணைத்துக் கொண்­டுள்­ளது என்­ப­தையும் இந்­தியத் தலை­வர்கள் நன்கு புரிந்து வைத்­துள்­ளனர்.

மோடியின் தலை­மையின் கீழ், இந்­தியா இஸ்­ரே­லி­ட­மி­ருந்து ஆயு­தங்­களை வாங்­கு­வ­தற்கு ஏற்­ப­டுத்திக் கொண்­டுள்ள உற­வுகள், இனி ஒரு­போதும் நிறுத்­தப்­படப் போவதும் இல்லை. ஓர­ளவு ஆயு­தங்கள் இப்­போது இந்­தி­யாவில் தயா­ரிக்­கப்­பட்டும் வரு­கின்­றன. அதே­வேளை பல இந்­திய நிறு­வ­னங்கள் இஸ்­ரேலின் இரா­ணுவ உற்­பத்தி தொழில்­துறை வளா­கங்­களை போசித்தும் வரு­கின்­றன.

பலஸ்­தீ­னத்தை ஆத­ரித்துக் கொண்டு இஸ்­ரே­லு­ட­னான நட்­பையும் பேணிக் கொள்ள முடியும் என்று பல தசாப்­தங்­க­ளாக, இந்­திய அதி­கா­ரிகள் நம்பி வந்­துள்­ளனர். அதற்­கான தொடர் முயற்­சி­க­ளிலும் அவர்கள் ஈடு­பட்­டுள்­ளனர். இது ஒரு வகை­யான மாயத் தோற்றம். அந்தத் தோற்­றத்தை அதி­கா­ர­பூர்­வ­மாக பாது­காத்துக் கொள்­ளவும் இந்­தியா முயன்று வரு­கின்­றது. ஆனால், சர்­வ­தேச மன்­னிப்புச் சபையின் அறிக்கை, அந்த நிலைப்­பாட்டை ஏற்­றுக்­கொள்ள முடி­யாத ஒன்­றா­கவும், வலு­வி­ழந்­த­தா­கவும் ஆக்­கு­கின்­றது.  

ஓர் இனப்­ப­டு­கொலை ஆட்­சிக்கு இந்­தியா ஆயு­தங்­களை வழங்­கி­யது என்ற தலைப்பில், இந்­திய அர­சியல் பொரு­ளா­தார நிபு­ணரும், அர­சியல் விமர்­ச­க­ரு­மான பிரபாத் பட்­நாயக் எழுதி உள்ள ஓர் ஆக்­கத்தில் இவ்­வாறு குறிப்­பிட்­டுள்ளார்:

இந்த ஆயு­தங்கள் மற்றும் வெடி­ம­ருந்­துகள் உண்­மையில் காஸாவில் இஸ்­ரேலால் பயன்­ப­டுத்­தப்­பட்­டன என்­பதில் எந்த சந்­தே­கமும் இல்லை. காஸாவில் நுசீராட் என்ற இடத்தில் உள்ள ஐ. நா. நடத்தும் பள்­ளியில், இடம்­பெ­யர்ந்த பலஸ்­தீ­னர்­க­ளுக்கு அடைக்­கலம் அளிக்கப் பட்டிருந்தது. அதன் மீது இஸ்ரேல் நடத்திய தாக்குதலில் 33 பேர் கொல்லப்பட்டனர். தாக்குதல் நடந்த இடத்தில் கண்டெடுக்கப்பட்ட ஏவுகணைத் துண்டுகளில் "இந்தியாவில் தயாரிக்கப்பட்டது" என்று பெயரிடப்பட்டிருந்தது.

நுசீராட்டில் உள்ள ஒரு பாடசாலையில் தஞ்சம் புகுந்த, 33 பலஸ்தீன மக்கள் படுகொலை செய்யப்பட்டதில் இந்திய ஆயுதங்கள் இஸ்ரேலால் பயன்படுத்தப்பட்டன என்ற உண்மை, இதன் மூலம் வெளிச்சத்துக்கு வந்தது.

இது சர்வதேச நீதிமன்றத்தின் தற்காலிக உத்தரவை மீறிய ஒரு இனப் படுகொலைச் செயலாகும். இது இனப் படுகொலையில் உடந்தையாக இருந்ததற்காக இந்தியாவை சட்டப்பூர்வமாக குற்றவாளியாக்கும் நிலையையும் உருவாக்கி உள்ளது.

 எனவே இந்திய அரசாங்கத்தின் நிலைப்பாடு தார்மீக ரீதியாக கண்டிக்கத்தக்கது மட்டுமல்ல, அது சட்டத்தில் இருந்தும் தப்ப முடியாது. உலக நாடுகள் மத்தியில், மிகப் பெரிய அளவில், இஸ்ரேலிய ஆயுதங்களை வாங்கும் நாடாக இந்தியா உள்ளது. மேலும் பல இஸ்ரேலிய ஆயுத உற்பத்தியாளர்கள் இந்திய நிறுவனங்களுடன், கூட்டு முயற்சிகள் மூலம், இந்தியாவில் உற்பத்தி வசதிகள் பலவற்றையும் நிறுவியுள்ளனர்.

(லத்தீப் பாரூக்)