கிளிநொச்சியில் பரபரப்பு: பாடல்களை ’டிக் டொக்’கில் பதிவேற்றிய இளைஞன் கைது

கிளிநொச்சி, உதயநகர் பகுதியைச் சேர்ந்த 24 வயதுடைய இளைஞன் ஒருவர், தடை செய்யப்பட்ட தமிழீழ விடுதலைப் புலிகள் இயக்கத்தைப் பெருமைப்படுத்தும் வகையிலான பாடல்கள் அடங்கிய காணொளிகளைப் பதிவேற்றிய குற்றச்சாட்டின் கீழ் கைது செய்யப்பட்டுள்ளதாகக் காவல்துறையினர் தெரிவித்துள்ளனர்.

யாழ்ப்பாணம் பிராந்திய குற்றப் புலனாய்வுப் பணியகத்தினால் மேற்கொள்ளப்பட்ட விசாரணைகளின்படி, சந்தேகநபர் கடந்த மே மாதம் 31ஆம் திகதி சாவகச்சேரி, நாவற்குழி பகுதியில் நடைபெற்ற இசை நிகழ்ச்சி ஒன்றில் பல பாடல்களைப் பாடியுள்ளார்.

அதன் பின்னர், சந்தேகநபர் தான் பாடிய பாடல்களில் நான்கினைத் தேர்ந்தெடுத்து, அவற்றை விடுதலைப் புலிகள் அமைப்பை ஊக்குவிக்கும் அல்லது அதற்கு ஆதரவை வெளிப்படுத்தும் வகையில் திருத்தம் செய்து, தனது ‘டிக் டொக்’ (TikTok) கணக்கில் பதிவேற்றியுள்ளதாகக் காவல்துறையினர் குற்றம் சுமத்தியுள்ளனர்.

இதனைத் தொடர்ந்து கைது செய்யப்பட்ட சந்தேகநபர், காணொளிகளைப் பதிவேற்றுவதற்குப் பயன்படுத்தப்பட்டதாக நம்பப்படும் அவரது கைபேசியுடன் (Mobile Phone) நீதிமன்றத்தில் ஆஜர்படுத்தப்பட்டார்.

இதற்கமைய, சந்தேகநபரை எதிர்வரும் 2026 ஜூன் மாதம் 17ஆம் திகதி வரை விளக்கமறியலில் வைக்குமாறு நீதிமன்றம் உத்தரவிட்டுள்ளது.

அவருக்கு எதிராக, 1978ஆம் ஆண்டின் 48ஆம் இலக்க பயங்கரவாதத் தடைச் சட்டத்தின் (PTA) 03(g) பிரிவின் கீழ் குற்றம் சுமத்தப்பட்டுள்ளதுடன், இது தொடர்பான மேலதிக விசாரணைகளைக் காவல்துறையினர் தொடர்ந்து முன்னெடுத்து வருகின்றனர்.