இலக்­கில்­லாத இஸ்­ரேலின் அழிவுப் பயணம் : பொறியில் சிக்கி வெளி­யேறத் தெரி­யாமல் திண்­டாடும் துயரம்

  எந்­த­வொரு செய­லுக்கும் நோக்கம் இருக்­கலாம். ஒன்­றல்­லாமல் பல நோக்­கங்­களும் இருக்­கக்­கூடும். இஸ்­ரே­லிய அர­சாங்கம் காஸாவில் முன்­னெ­டுக்கும் இரா­ணுவ நட­வ­டிக்­கையின் நோக்கம் அழிப்­பது தானென்றால், அழித்­தொ­ழிப்­பது தானென்றால், அதற்கு மிகப்­பெ­ரிய வெற்றி கிடைத்­த­தாக கரு­தலாம். ஒக்­டோபர் 7ஆம் திகதி ஹமாஸ் இயக்கம் 1,100 பேரை பலி­யெ­டுத்து, இரண்டு மாதங்கள் ஆக­வில்லை. இதற்குள் இஸ்­ரே­லிய படைகள் தரை­வழித் தாக்­குதல் நடத்­தியும், வான்­வ­ழி­யாக குண்­டுகள் போட்டும் 20,000 பலஸ்­தீ­னர்­களைக் கொன்­றுள்­ளது. கொல்­லப்­பட்­ட­வர்­களில் அதி­க­மா­ன­வர்கள் பெண்­களும், சிறு­பிள்­ளை­களும் என காஸாவை நிர்­வ­கித்த ஹமாஸ் தலை­மை­யி­லான சுகா­தார அமைச்சு கூறு­கி­றது. இந்தத் தக­வல்­களை உலக சுகா­தார ஸ்தாப­னமும் ஏற்றுக் கொள்­கி­றது. உயி­ர­ழிவு மாத்­தி­ர­மல்ல, காஸாவில் கட்­ட­டங்கள் தரை­மட்­ட­மாகி, மொத்­த­மாக 20 சத­வீத நிலப்­ப­ரப்பு நிர்­மூ­ல­மா­கி­யி­ருப்­ப­தாக ஐக்­கிய நாடுகள் சபை மதிப்­பிட்­டுள்­ளது. காஸாவில் வாழும் மக்­களில் பாதிப்பேர் பட்­டி­னியால் வாடு­கி­றார்கள். அங்­குள்ள மக்­களில் 85 சத­வீ­த­மா­ன­வர்கள் வேலை­வாய்ப்­புக்­களை இழந்­தி­ருக்­கி­றார்கள். மக்கள் மத்­தியில் நோய்கள் பர­வு­கின்­றன. எங்கும் அழிவு, எதிலும் அழிவு ஆனால், காஸாவைப் பொறுத்­த­வ­ரையில் தமது நோக்­கங்கள் பரந்­து­பட்­டவை என்ற சித்­தி­ரத்தை வரையும் பிர­சாரப் போரில் கடும்­போக்கு அரசின் அமைச்­சர்கள் முனைப்புக் காட்டி வரு­கி­றார்கள். நோக்­கங்­களின் அடிப்­ப­டையில், ஒவ்­வொரு ஆயு­த­மோ­தல்­களும் வித்­தி­யா­ச­மா­னவை. இஸ்­ரேலின் காஸா யுத்தம் ஆரம்­பிக்­கப்­பட்டு பல நாட்கள் கழிந்த பின்­னரே இலட்­சி­யங்கள் பட்­டி­ய­லி­டப்­ப­டு­கின்­றன. முழுமை பெற்ற இலட்­சி­யங்கள் எனவும் கூற முடி­யாது. ஹமாஸை இல்­லா­தொ­ழிப்­பதும், அதன் தலை­வர்­களை கைது செய்­வதும் அல்­லது கொல்­வதும், ஹமாஸின் இரா­ணுவ ஆற்­றல்­களை சிதைப்­பதும், காஸாவில் ஹமாஸின் ஆட்­சிக்கு முற்­றுப்­புள்ளி வைப்­பதும் இஸ்­ரேலின் முதன்மை நோக்கம். இது தவிர, ஒக்­டோபர் 7ஆம் திகதி ஹமாஸ் இயக்கம் பணயக் கைதி­க­ளாக பிடித்துச் சென்­ற­வர்­களை மீட்க வேண்டும் எனவும் இஸ்ரேல் விரும்­பு­கி­றது. இது­போன்றே, லெப­னானில் ஈரானின் கைப்­பா­வை­யாக இயங்கி வரு­வ­தாக தான் நம்பும் ஹிஸ்­புல்லா, இன்­னொரு தடவை கடும் தாக்­கு­தலை நடத்தி விடாமல் தடுப்­பதும் இஸ்­ரேலின் நாட்­டங்­களுள் ஒன்று. இது தவிர, சர்­வ­தேச சமூ­கத்தின் - குறிப்­பாக அமெ­ரிக்­காவின் - ஆத­ரவை தக்க வைத்துக் கொள்ள வேண்டும். அரே­பிய நாடு­க­ளுடன் உடன்­ப­டிக்கை செய்து உறவை ஏற்­ப­டுத்­தி­யதால் இரா­ஜ­தந்­திர ரீதி­யாக கிடைத்த நன்­மை­க­ளையும் பேண வேண்டும். தமது பாது­காப்பு நிறு­வ­னங்கள் மீது மக்கள் மித­மிஞ்­சிய நம்­பிக்கை வைத்­தி­ருந்­தார்கள். ஹமாஸ் இயக்­கத்தின் தாக்­கு­தலைத் தொடர்ந்து, அது வேரோடு தகர்ந்­தது. அந்த நம்­பிக்­கையை கட்­டி­யெ­ழுப்பும் தேவையும் இஸ்­ரே­லுக்கு உண்டு. இந்த நோக்­கங்கள் எளி­தா­னவை அல்ல. சிக்­க­லான விளை­வு­களை ஏற்­ப­டுத்தக் கூடி­யவை. ஒரு நோக்­கத்தை அடை­ய­வ­தற்­காக மேற்­கொள்ளும் நட­வ­டிக்­கைகள் மற்­றைய நோக்­கத்தை சிக்­க­லாக்­கலாம். உதா­ர­ண­மாக, இஸ்­ரே­லியப் படைகள் ஹமாஸின் தரப்பில் பலத்த சேதத்தை ஏற்­ப­டுத்­தி­யி­ருப்­பது உண்மை தான். ஆனால், இரா­ணுவ நட­வ­டிக்கை காஸாவில் பெரும் உயிர்ச்­சே­த­தத்­தையும், பொருட்­சே­தத்­தையும் ஏற்­ப­டுத்­து­வ­துடன் நின்று விட­வில்லை. அதன் விளை­வாக மனிதப் பேர­வலம் ஏற்­பட்­டுள்­ளது. இதன் கார­ண­மாக, இஸ்ரேல் சர்­வ­தேச சமூ­கத்தின் ஆத­ரவை இழந்து நிற்­கி­றது. இஸ்­ரேலின் அர­சியல் தலை­வர்­க­ளுக்கு சகல இலக்­கு­க­ளையும் அடையும் பேராசை உண்டு. எனினும், இந்த இலக்­கு­களில் எதற்கு முன்­னு­ரிமை அளிக்க வேண்டும் என்று தெரிவு செய்ய வேண்­டிய நிர்ப்­பந்­தத்­திற்கு அவர்கள் உள்­ளா­கி­யி­ருக்­கி­றார்கள். பெரும் சிக்­கலில் மாட்டிக் கொண்­டி­ருக்­கி­றார்கள் என்­பது சாலப்­பொ­ருந்தும். ஹமாஸை இல்­லா­தொ­ழித்தல் என்­பதை ஆராய்வோம். இஸ்­ரே­லியப் படைகள் இலக்கு வைப்­பது ஹமாஸின் இரா­ணுவ பிரிவைத் தான். இதில் 25,000 முதல் 30,000 வரை­யி­லான அங்­கத்­த­வர்கள் இருப்­பார்கள் இஸ்ரேல் மதிப்­பி­டு­கி­றது. இவர்­களில் 7,000 பேரைக் கொன்­றி­ருப்­ப­தாக இஸ்­ரே­லிய அதி­கா­ரிகள் கூறி­னாலும், கொல்­லப்­பட்­ட­வர்கள் யார் என்­பதைத் தெளி­வாக சொல்ல முடி­யாது. இவர்­களில் இஸ்­ரே­லியப் படை­களின் ஆக்­கி­ர­மிப்பை எதிர்த்துப் போரா­டிய சாமா­னிய பலஸ்­தீன பிர­ஜை­களும் இருக்­கலாம். இது தவிர, ஹமாஸ் என்­பது வெறு­மனே ஆயு­தப்­படை மாத்­தி­ர­மல்ல. அது­வொரு கோட்­பாடு. அந்தக் கோட்­பாட்டை உயிர்ப்­புடன் இருக்க படைப்­பலம் தேவை­யில்லை. சுதந்­திரம் என்ற உணர்வு வேரூன்­றிய ஒரே­யொரு பலஸ்­தீன சிறுவன் எஞ்­சி­யி­ருந்­தாலும், ஹமாஸ் அடைய விரும்பும் கோட்­பாடு உயிர்ப்­புடன் தானி­ருக்கும். ஹமாஸ் என்­பது காஸா மக்­க­ளது சமூக வாழ்க்­கை­யுடன் பின்னிப் பிணைந்­த­தா­கவும் இருக்­கி­றது. எனவே, ஹமாஸின் இரா­ணுவப் பிரிவை ஒழித்து விடு­வதால் மாத்­திரம் ஹமாஸை வேரோடு களைந்து விடும் இலட்­சி­யத்தை இஸ்ரேல் அடைய முடி­யாது. பணயக் கைதிகள் என்ற விவ­கா­ரத்­திற்கு வருவோம். ஒக்­டோபர் 7ஆம் திகதி ஹமாஸ் இயக்கம் 240 பேரை பணயக் கைதி­க­ளாக பிடித்துச் சென்­றது. இவர்­களில் பாதிப் பேரேனும் விடு­தலை செய்­யப்­ப­ட­வில்லை. எஞ்­சி­ய­வர்­களில் 20 பேர் கொல்­லப்­பட்டு இருக்­கலாம் என இஸ்ரேல் நம்பும் பட்­சத்தில், 129 பேர் காஸாவில் இருக்­கி­றார்கள். இவர்கள் மிகப்­பெரும் தலை­யிடி. பணயக் கைதி­களில் வெளி­நாட்­ட­வர்­களும் இருப்­பதால், இவர்­க­ளுக்கு எது­வித பாதிப்பும் ஏற்­ப­டாமல் இரா­ணுவ நட­வ­டிக்­கை­களை முன்­னெ­டுப்­பது கத்தி மேல் நடப்­பதை விடவும் சவா­லான காரியம். இஸ்­ரே­லிய படை­வீ­ரர்­களின் துப்­பாக்கி ரவை­க­ளுக்கும், குண்­டு­க­ளுக்கும் பணயக் கைதிகள் பலி­யா­ன­தாகக் கூறப்­படும் சம்­ப­வங்­களும் உள்­ளன. கடந்த காலத்தில் பணயக் கைதி­களை விடு­தலை செய்­யப்­பட்ட விதத்தை ஆராய்ந்தால், அது ஹமாஸ் இயக்­கத்­திற்கு சாத­மா­கவே இருந்­தி­ருக்­கி­றது. 2011இல் ஹமாஸ் இயக்கம் கடத்­திய இரா­ணுவ வீரரை பெறு­வ­தற்­காக, இஸ்ரேல் ஆயி­ரத்­திற்கு மேற்­பட்ட பலஸ்­தீன கைதி­களை விடு­விக்க வேண்­டி­யி­ருந்­தது. ஒக்­டோபர் 7ஆம் திக­திக்குப் பின்னர், ஹமாஸ் இயக்கம் ஒப்­ப­டைத்த 100 பணயக் கைதி­க­ளுக்கு பதி­லாக பலஸ்­தீனக் கைதிகள் 240 பேரை இஸ்ரேல் விடு­தலை செய்ய நேர்ந்­தது. எஞ்­சிய பணயக் கைதி­களை இஸ்ரேல் விடு­விக்க விரும்­பினால், ஹமாஸ் இயக்­கத்தின் நிபந்­த­னை­க­ளுக்கு உட்­பட்டு பேரம் பேச வேண்டும். இது எளி­தா­னது அல்ல. அடுத்து ஹிஸ்­புல்லா இயக்கம் பற்­றிய இலட்­சியம். இஸ்­ரேலின் வட­ப­குதி எல்­லைக்கு அப்பால் இருந்து ஹிஸ்­புல்லா இயக்கம் இஸ்­ரேலின் மீது மட்­டுப்­ப­டுத்­தப்­பட்ட அள­வி­லான தாக்­கு­தலை நடத்திக் கொண்டு தானி­ருக்­கி­றது. இந்தத் தாக்­கு­தலைத் தடுப்­பதைத் தவிர இஸ்­ரே­லியப் படை­களால் வேறொன்றும் செய்ய முடி­யாது. ஏனெனில், எல்­லைக்கு அருகில் ஹிஸ்­புல்லா இயக்­கத்தின் கமாண்டோ படை­ய­ணிகள் குவிக்­கப்­பட்டு வரு­கின்­றன. அந்தப் படைகள் தூண்­டுப்­படும் பட்­சத்தில், ஒக்­டோபர் ஏழாம் திகதி காஸாவில் நடந்­ததைப் போன்று வடக்­கிலும் நடக்­கலாம் என்ற அச்சம் இஸ்­ரே­லுக்கு உண்டு. ஹிஸ்­புல்லா இயக்கம் எல்லை தாண்­டினால், அதன் விளை­வுகள் ஹமாஸை விடவும் பயங்­க­ர­மா­ன­தாக இருக்கும் என்­பதை இஸ்ரேல் அறியும். அடுத்­த­தாக, இஸ்­ரேலின் வெளி­நாட்டு நட்­பு­களைப் பேணுதல் பற்றி பேசலாம். கணி­ச­மான இரா­ணுவ ஆற்றல் இருந்­தாலும், இஸ்ரேல் ஒன்றும் பெரிய நாடல்ல. அது நீண்­ட­ நாட்கள் தனித்து இயங்க முடி­யாது. தம்மை ஜன­நா­யக நாடு என்று கருதிக் கொண்டு, மேலைத்­தேய நாடு­களின் வல­யத்­திற்குள் தம்மைப் பொருத்திக் கொள்ள இஸ்ரேல் எப்­போதும் பாடு­ப­டு­கி­றது. இந்த பிர­யத்­த­னத்தில் விமர்­ச­னங்­களை ஏற்­காமல் இருக்க முடி­யாது. இன்று இந்­நாடு மேலைத்­தேய நண்­பர்­களின் ஆத­ரவை இழந்து வரு­கி­றது. இன்று ஐரோப்பா முழு­வதும் இஸ்­ரே­லுக்கு எதி­ராக ஆர்ப்­பாட்­டங்கள். இஸ்ரேல் விரும்­பாத போர் நிறுத்தம் பற்­றிய தீர்­மானம் ஐ.நா பாது­காப்புச் சபையில் வாக்­கெ­டுப்­பிற்கு விடப்­பட்­ட­போது, ஐரோப்­பிய ஒன்­றி­யத்தின் 27 அங்­கத்­துவ நாடு­களில் 17 நாடுகள் ஆத­ர­வா­கவே வாக்­க­ளித்­தன. இது இஸ்­ரே­லுக்கு பின்­ன­டைவு.   அமெ­ரிக்­காவின் முயற்­சியால் பஹ்ரேன், மொரோக்கோ, சூடான், ஐக்­கிய அரபு எமிரேட்ஸ் ஆகிய நாடுகள் இஸ்­ரே­லுடன் சமீ­பத்தில் சமா­தான உடன்­ப­டிக்­கை­களை ஏற்­ப­டுத்­தி­யது உண்மை தான். இன்று இந்­நா­டு­களின் தலை­வர்கள் ஆத்­தி­ரத்தை வெளிப்­ப­டுத்தி வரு­கி­றார்கள். இந்த நாடு­களின் தலை­வர்கள் ஹமாஸ் இயக்­கத்தின் அர­சியல் இஸ்­லா­மிய கோட்­பா­டு­களை பெரி­தாக விரும்­பு­வது இல்லை. இன்று இந்தப் பேதங்கள் மறந்து பலஸ்­தீ­னர்­க­ளுக்­காக குரல் கொடுக்கும் போக்கை காணக்­கூ­டி­ய­தாக இருக்­கி­றது. இது தவிர, அயல்­நா­டு­களில் இஸ்­ரே­லியப் படை­க­ளுக்கு எதி­ரான பொதுக்­க­ருத்து கடும்­போக்கு திசை­நோக்கி நகரத் தொடங்­கி­யி­ருப்­ப­தா­கவும் ஆய்­வுகள் சுட்­டிக்­காட்­டு­கின்­றன. இது இஸ்­ரேலின் இருப்­பிற்கு சவால் விடும் விட­ய­மாகக் கூட இருக்­கலாம். இஸ்ரேல் காஸா மீது இரா­ணுவ தாக்­கு­தலைத் தொடங்­கி­ய­போது, காஸாவில் வாழும் பலஸ்­தீ­னர்­களின் எதிர்­காலம் பற்றிய எந்தவொரு நோக்கத்தையும் கொண்டிருக்கவில்லை. ஹமாஸையும், காஸாவின் உட்கட்டமைப்பையும் நிர்மூலமாக்கி விட வேண்டுமென்ற முனைப்பிற்குள், அங்கு வாழும் மக்களின் எதிர்காலம் பற்றிய கரிசனைகள் விழுங்கிக் கொள்ளப்பட்டன. இன்றும் கூட, ஹமாஸ் இல்லாத காஸாவின் எதிர்காலம் பற்றி பேசினாலும், அங்கு யார் வாழப் போகிறார்கள், எந்தவிதமான ஆட்சிக் கட்டமைப்பு இருக்கப் போகிறது, யார் ஆளப் போகிறார்கள் என்பதெல்லாம் இஸ்ரேலுக்கு பொருட்டல்ல. ஒட்டுமொத்த உலகமும் காஸாவில் வாழும் பலஸ்தீனர்கள் மீது அக்கறை காட்டுகையில், அந்த மக்களின் இருப்பு பற்றியோ, எதிர்காலம் பற்றியோ கவலைப்படாமல் இருப்பது தான் இன்று இஸ்ரேலுக்கு மிகவும் பிரச்சனையாகி இருக்கிறது என்பதை மறக்க முடியாது. இலக்கில்லாத இராணுவ நடவடிக்கையின் மூலம் இஸ்ரேல் பொறியொன்றில் சிக்கியிருக்கிறது, இதில் இருந்து வெளியேற முடியாமல் அவதிப்படுகிறது என்பது தான் யதார்த்தம். -சதீஷ் கிருஷ்ணபிள்ளை-