இஸ்ரேலில் பேருந்து நிலையமொன்றில் துப்பாக்கி சூடு – ஒருவர் பலி பலர் காயம்

இஸ்ரேலின் பேருந்து நிலையமொன்றில் இடம்பெற்ற துப்பாக்கிசூட்டு சம்பவத்தில் ஒருவர் கொல்லப்பட்டுள்ளதுடன் பலர் காயமடைந்துள்ளனர். 25வயது பெண்ணொருவர் கொல்லப்பட்டுள்ளார் என தெரிவித்துள்ள பொலிஸார் இது பயங்கரவாத தாக்குதல் என சந்தேகிப்பதாக குறிப்பிட்டுள்ளனர். பத்திற்கும் மேற்பட்டவர்களிற்கு சிகிச்சை அளிப்பதாக இஸ்ரேலின் அம்புலன்ஸ் சேவை தெரிவித்துள்ளது. தாக்குதலை மேற்கொண்டவர் சுட்டுக்கொல்லப்பட்டுள்ளார். பீசிபா மத்திய பேருந்து நிலையத்தில் மக்டொனால்ட் உணவகத்திற்கு அருகில் இந்த தாக்குதல் இடம்பெற்றுள்ளது.