உயிரைக்குடித்த கள்ளக்காதல்!!

விஜே­ரட்ண தனது குடும்­பத்தை மறந்து சந்­தேக நப­ரான நளினின் மனை­வி­யுடன் இர­க­சியத் தொடர்­பு­களைப் பேணி வந்தார்.

இது நளி­னுக்கும் அவ­ரு­டைய பிள்­ளை­களுக்கும் பெரும் மன உளைச்­ச­லையும், வெளியில் தலைகாட்ட முடியாத துர்ப்பாக்கிய நிலையையும் உருவாக்கியது

செப்­டெம்பர் முதலாம் திகதி இரவு 10.00 மணி­யி­ருக்கும். பகல் முழு­வதும் வயலில் வேலை செய்து களைத்துப்போன வசந்­தவும், விஜே­ரட்­ணவும் வயலின் நடுவே காணப்­பட்ட குடி­லுக்கு நித்திரைகொள்வதற்காகச் சென்­றனர்.

அவர்கள் இரு­வரும் அங்கு செல்லும் போது வயல் உரி­மை­யாளர் சரத் குடிலில் காணப்­பட்ட கட்­டிலில் ஆழ்ந்த உறக்­கத்­தி­லி­ருந்தார்.

எனவே, அவ­ருக்கு எந்­த­வி­த­மான தொந்­த­ரவும் ஏற்­ப­டாத வண்ணம் இரு­வரும் தரையில் பாயை விரித்து நித்திரைக்குச் சென்­றனர்.

அதன்பின் நள்­ளி­ரவு 11.30 மணி­யி­ருக்கும். ஆழ்ந்த உறக்­கத்­தி­லி­ருந்த சரத்தின் காது­க­ளுக்கு விஜே­ரட்­ணவின் அலறல் சத்தம் கேட்­கவே திடுக்­கிட்­ட­வாறு கண்­வி­ழித்தார்.

அப்­போது இரண்டு நபர்கள் விஜே­ரட்­ணவின் தலையில் பல­மாக தாக்கிக் கொண்­டி­ருந்­தார்கள். எனினும், இருள் சூழ்ந்­தி­ருந்­த­மையால் அவர்கள் யார்? என்­பதை சரத்தால் இனம்­கண்­டு­கொள்ள முடி­ய­வில்லை.

எனவே, டோர்ச் வெளிச்­சத்தின் உத­வி­யுடன் பார்க்க முனைந்தார். அங்கு, சரத் சற்றும் எதிர்­பார்க்­காத இருவர் அவ்­வி­டத்­தி­லி­ருந்­தார்கள்.

ஒரு நிமிடம் சரத் அதிர்ச்­சியில் உறைந்து போனார். அது வேறு யாரு­மில்லை. தந்­தையும், மக­னு­மான நளினும், விஜி­தவும் தான். எனவே சரத்­துக்கு என்ன செய்­வ­தென்றே தெரி­ய­வில்லை. கோபத்­திலும், தடு­மாற்­றத்­திலும் "ஏய் என்ன வேலை செய்­கின்­றீர்கள்? அவனை விடுங்கள், அடிக்­கா­தீர்கள், தயவு செய்து இங்­கி­ருந்து போங்கள்" என்று கத்­தினார். எனினும், அவர்கள் இரு­வரும் அவனை விடு­வதாய் இல்லை. சரத் சொல்லிக் கொண்­டி­ருக்கும் போதும் விஜேரட்­ணவை தொடர்ந்தும் தாக்கினார்கள்.

எனவே, இரு­வ­ரையும் கையைப் பிடித்து குடிலில் இருந்து வெளியே இழுத்து வந்து,

"ஐயோ என்­னடா இது செய்­கின்­றீர்கள். அவனை விட்­டு­ இங்­கி­ருந்து சென்று விடுங்கள்'. என்று கெஞ்சி மன்றாடினார்.

அதைத் தொடர்ந்தே இரு­வரும் அவ்­வி­டத்தை விட்டு விலகிச் சென்­றார்கள். அதன்பின் வசந்­தவின் உத­வி­யுடன் விஜே­ரட்­ணவை தூக்கி, குடி­லி­லி­ருந்த கட்­டிலில் படுக்க வைத்தார். எனினும், வலி தாங்க முடி­யாமல் விஜே­ரட்ண துடி­து­டித்தான்.

“ஐயோ! எனக்கு ரொம்ப வலிக்­கின்­றது. என்னால் முடி­ய­வில்லை. மயக்கம் வரு­வது போல் இருக்­கின்­றது” என்று கத­றினான்.

எனினும் அந்த நேரத்தில் அவனை வைத்­தி­ய­சா­லைக்கு கொண்டு செல்­வது என்­பது சற்றுக் கடி­ன­மான காரியமா­க­வி­ருந்­தது. காரணம் சரத்தின் வயலும், குடிலும் பிர­தான வீதியில் இருந்து சுமார் 4 கிலோ­மீற்றர் தொலை­வி­லி­ருந்­தன. அது­மட்­டு­மின்றி, அப்­பி­ர­தே­சத்தின் வீதிகள் அனைத்தும் புன­ர­மைப்பு செய்­யப்­ப­டாத நிலையில் குன்றும் குழி­யு­மாகக் காணப்­பட்­டன.

எனவே, அந்த நேரத்தில் அது ஒரு சாத்­தி­யப்­ப­டாத நிகழ்­வா­கவே இருந்­தது. ஆயினும், நேரம் செல்ல, செல்ல விஜே­ரட்­ணவின் நிலைமை மோச­மாகிக் கொண்டு சென்­ற­மையால் அவனை எப்­ப­டி­யா­வது வைத்­தி­ய­சா­லைக்கு கொண்டு செல்வோம் என்ற முடி­வுக்கு வந்­தனர்.

அதன்­படி, மிகுந்த சிர­மத்தின் மத்­தியில் விஜே­ரட்­ணவை உழவு இயந்­திரம் ஒன்றில் ஏற்றி மொன­ரா­கலை சிறி­கல வைத்­தி­ய­சா­லைக்கு கொண்டு சென்­றனர்.

இருப்­பினும், அவர்­க­ளு­டைய முயற்­சிக்கு எந்­த­வி­த­மான பயனும் கிடைக்­க­வில்லை. விஜே­ரட்­ணவை வைத்­திய பரி­சோ­த­னைக்­குட்­ப­டுத்­திய வைத்­தி­யர்கள் விஜே­ரட்ண உயி­ரி­ழந்து நீண்ட நேர­மாகி விட்­டது என்றே தெரிவித்தனர்.

அதன்­பின்னர் வைத்­தி­ய­சா­லையின் ஊடாக மேற்­படி சம்­பவம் தொடர்­பாக அறிந்­து­கொண்ட மொன­ரா­கலை பொலிஸ் நிலை­யத்­தினர் அடுத்த நாள் அதி­கா­லை­யி­லேயே சம்­பவ இடத்­துக்கு வந்து, தமது விசா­ர­ணை­களை முன்­னெ­டுக்க ஆரம்­பித்­தனர்.

இவர்­களின் ஒரு குழு­வினர் சம்­பவம் இடம்­பெற்ற பிர­தே­சத்­துக்கும், மற்­றைய குழு­வினர் மொன­ரா­கலை சிறி­கல வைத்­தி­ய­சா­லைக்கும் தமது விசா­ர­ணை­க­ளுக்­காகச் சென்­றனர்.

சம்­பவம் நடை­பெற்ற இட­மான மொன­ரா­கலை கழு­திய எல்ல பிர­தே­ச­மா­னது மொன­ரா­கலை நக­ரி­லி­ருந்து சுமார் 20 கிலோ­மீற்றர் தொலை­வி­லி­ருந்­தது. எனவே, 'குன்றும் குழி­யு­மாக' காணப்­பட்ட வீதியின் ஊடாக மிகுந்த சிரமத்­துக்கு மத்­தி­யி­லேயே பொலிஸார் சென்­ற­டைந்­தனர்.

அங்கு முதலில் சம்­பவம் நடை­பெற்ற இட­மான குடிலைச் சோத­னைக்­குட்­ப­டுத்­தி­ய­துடன், பல்­வேறு தடயங்களையும் சேக­ரித்­துக்­கொண்­டனர்.

அதன்பின் சம்பவம் நடைபெற்றபோது உடனிருந்த சரத்திடம், வசந்தவிடம் வாக்­கு­மூ­லங்­களை பெற்­றுக்­கொண்­டனர்.

அதன்­படி மாறாவ இத்­தே­க­டுவ பிர­தே­சத்தை சேர்ந்த இரு நபர்கள் மீது பொலி­ஸாரின் கவனம் திரும்­பி­யது. அதனைத்­தொ­டர்ந்து விரை­வாக அவர்கள் இருக்கும் இடத்தை நோக்கிச் சென்­றனர்.

எனவே, பொலி­ஸாரின் விசா­ர­ணை­களை இல­கு­வாக்­கு­வது போல் பொலிஸார் அங்கு செல்லும் போது சந்­தேக நபர்­க­ளான நளினும், விஜி­தவும் அவர்­களின் வீட்­டி­லி­ருந்­தார்கள். அதன்பின் பல்­வேறு ஊகங்­களின் அடிப்படையில் பொலிஸார் கேள்­விக்­க­ணை­களைத் தொடுத்­தனர்.

இதன்­போதே இரு­வரும் உண்­மையை மறைக்க முடி­யாமல் எல்­லா­வற்­றையும் பொலி­ஸா­ரிடம் தெரி­வித்­தனர். மேலும் விஜே­ரட்­ணவை தாக்­கு­வ­தற்கு பயன்­ப­டுத்­திய தடிகள் போன்­ற­வற்­றையும் பொலி­ஸா­ரிடம் ஒப்படைத்தார்கள்.

இதனைத் தொடர்ந்து கொலைக்­கான சரி­யான கார­ணத்தை அறிய முற்­பட்ட பொலி­ஸா­ருக்கு இது ஒரு கள்ளக் காதல் விவ­கா­ரத்­தினால் ஏற்­பட்­டது என்­பது தெரி­ய­வந்­தது.

கொலை செய்­யப்­பட்ட விஜே­ரட்ண (55) ஒரு விவ­சா­யி­யாவார். இவ­ருக்கு எட்டுப் பிள்­ளைகள். மூத்த மகள் திரும­ண­மா­னவர். அவ­ருக்கும் பாட­சாலை செல்லும் வயதில் பிள்­ளைகள் இருக்­கின்­றார்கள்.

எனினும், விஜே­ரட்ண அதை­யெல்லாம் மறந்து சந்­தேக நப­ரான நளினின் மனை­வி­யுடன் இர­க­சிய தொடர்புகளைப் பேணி வந்தார்.

இது நளி­னுக்கும் அவ­ரு­டைய பிள்­ளை­க­ளுக்கும் பெரும் மன உளைச்­ச­லையும், வெளியில் தலை­காட்ட முடியாத துர்ப்­பாக்­கிய நிலை­யையும் உரு­வாக்­கி­யது. இதுவே இறு­தியில் கொலைக்­கான கார­ண­மா­கவும் அமைந்­தது.

பொலிஸ் விசா­ர­ணையின் போது நளின் தெரி­விக்­கையில்,

“விஜே­ரட்­ண­வுக்கும், எனது மனை­விக்கும் இடையில் கடந்த சில ஆண்­டு­க­ளா­கவே இர­க­சிய தொடர்­புகள் இருந்து வந்­தன. இது ஊரி­லுள்ள அனை­வ­ருக்கும் தெரியும்.

இதனால் எனக்கும், எனது பிள்­ளை­க­ளுக்கும் வெளியில் தலை­காட்ட முடி­ய­வில்லை. இதை நிறுத்தி விடு­மாறு நான் இரு­வ­ரி­டமும் பல முறை எச்­ச­ரித்­தி­ருந்தேன்.

எனினும் இரு­வ­ருமே அதைக் கேட்­பதாய் இல்லை. ஒரு நாள் இரு­வரும் ஒன்­றாக இருப்­ப­தையும் நான் என் கண்ணால் கண்டேன்.

அப்­போது ஒரு கண­வனாய் நான் அவ­மா­னப்­பட்டுப் போனேன். செய்­வ­த­றி­யாது நஞ்சு அருந்­தினேன். அதன்பின் தாம­திக்­காமல் பிள்­ளைகள் என்னை வைத்­தி­ய­சா­லையில் சேர்த்­த­மையால் நான் உயிர் பிழைத்தேன்.

கடந்த 31 ஆம் திகதி எனது மனைவி வீட்டில் இருக்­க­வில்லை. எங்கே சென்றாள் என்றும் தெரி­ய­வில்லை. நானும், மகனும் அவளைப் பல இடங்­களில் தேடினோம்.. அதன்பின் தான் எங்­க­ளுக்கு விஜே­ரட்­ணவின் மீது சந்தேகம் ஏற்­பட்­டது.

ஒன்று எனது மனைவி விஜே­ரட்­ண­வுடன் சென்­றி­ருக்க வேண்டும் அல்­லது எனது மனைவி எங்கு இருக்­கின்றாள் என்­பதை விஜே­ரட்ண அறிந்­தி­ருக்க வேண்டும் என்று நினைத்­துக்­கொண்டு தான் விஜே­ரட்­ணவை தேடி குடி­லுக்கு அந்த நேரத்தில் வந்தோம்.

அப்­போது அவன் ஆழ்ந்த உறக்­கத்­தி­லி­ருந்தான். எங்­க­ளுக்கு அவனைப் பார்த்­ததும் ஒன்றும் கேட்க தோன்றவில்லை.

ஆத்­திரம் தான் வந்­தது. அதனால் தான் எங்கள் இரு­வ­ரி­னதும் ஆத்­திரம் தீரும் வரை தடியால் அவன் உடலைப் பதம் பார்த்தோம். பின் வலியால் அவன் அலற ஆரம்­பித்தான்.

இதன்­போதே சரத் கண் விழித்துக் கொண்டான். இதனைத் தொடர்ந்து, சரத் எங்கள் இரு­வ­ரையும் சமாதானப்படுத்தி தடி­க­ளையும் எடுத்­துக்­கொண்டு அங்­கி­ருந்து அமை­தி­யாக செல்­லும்­படி கூறினான். பின்னர் தான் அங்­கி­ருந்து வந்தோம். ”

என்று மிகுந்த கவ­லை­யுடன் கூறினார்.

இது தொடர்­பாக விஜி­த­விடம் (நளினின் மகன்) கேட்ட போது,

“எங்­க­ளு­டைய அம்மா விஜே­ரட்ண மாமா­வுடன் தவ­றான முறையில் பழகி வந்தார். எனவே, அதை நாங்கள் கடு­மை­யாக எதிர்த்தோம். நானும் அம்­மா­வுக்கு எங்­களை ஊரார் மத்­தியில் அசிங்­கப்­ப­டுத்த வேண்டாம் என்று எத்­த­னையோ தடவை கூறி­யி­ருந்தேன்.

இருப்­பினும் அம்மா இது­பற்றிப் பெரி­தாக எதையும் அலட்­டிக்­கொள்­ள­வில்லை.. எனவே, தான் எனக்கும் விஜேரட்ண மாமா மீது ஆத்­திரம் வந்­தது.”

என்று கண்­ணீ­ருடன் தெரி­வித்தான். மேலும் இது தொடர்­பாக பொலிஸார் மேற்­கொண்ட விசா­ர­ணை­களின் போது விஜே­ரட்­ணவின் மகளும், தனது தந்­தைக்கும், நளினின் மனை­விக்கும் இடை யில் இருந்து வந்த கள்ளத் தொடர்பு கார­ண­மாக அவ­மா­னத்தில் தற்­கொ­லை க்கு முயற்சி செய்­தி­ருக்­கின்றார் என்ற விபரமும் தெரியவந்தது.

எது எவ்­வா­றா­யினும், திரு­ம­ணத்­திற்கு பின்னர் ஏற்­ப­டுத்­தப்­படும் இவ்வாறான தகாத உறவு முறைகள் கார­ண­மாக பல குடும்­பங்கள் சின்­னா­பின்­ன­மா­கின்­றன. அதற்கு மேற்­படி சம்­பவம் ஒரு சிறந்த எடுத்­துக்­காட்­டாகும்.

-வசந்தா அருள்ரட்ணம் மூலம்: சிங்­கள நாளேடு.