ஊரடங்கால் ஆண் நண்பரிடம் பேச முடியாத மனைவி - நள்ளிரவில் கழுத்தை அறுத்த கணவர்

புஷ்பாவின் சடலத்தை மீட்டு பொன்னேரி அரசு மருத்துவமனைக்கு அனுப்பி வைத்தனர். அங்கு அவரின் சடலம் பிரேதப் பரிசோதனை செய்யப்பட்டது. மனைவியைக் கொலை செய்த குற்றத்துக்காக ரமேஷ், நீதிமன்றத்தில் ஆஜர்படுத்தப்பட்டு சிறையில் அடைக்கப்பட்டார். இதுகுறித்து போலீஸார் கூறுகையில், ``சம்பவத்தன்று இரவு குழந்தைகளை உறவினர்கள் வீட்டுக்கு அனுப்பியுள்ளார் ரமேஷ். வீட்டில் கணவனும் மனைவியும் மட்டுமே இருந்துள்ளனர். அந்தச் சந்தர்ப்பத்தைப் பயன்படுத்திய ரமேஷ், மனைவியைக் கொலை செய்துள்ளார்" என்றனர். ஊரடங்கு சமயத்தில் மனைவியைக் கணவர் கொலை செய்த சம்பவம் அந்தப்பகுதியில் அதிர்ச்சியை ஏற்படுத்தியுள்ளது.