ஏலத்தில் புதிய சாதனை படைத்த இளஞ்சிவப்பு வைரம் ”யுனிக் பிங்க்”- (வீடியோ)

”யுனிக் பிங்க்” (Unique Pink) எனப் பெயரிடப்பட்டுள்ள மிக அரிதான இளஞ்சிவப்பு வைரம் 31.6 மில்லியன் டொலர்களுக்கு ஏலத்தில் எடுக்கப்பட்டுள்ளது.

இளஞ்சிவப்பு வைரங்களிலேயே அதிக விலைக்கு ஏலத்தில் எடுக்கப்பட்ட வைரம் என்ற சாதனையை இது நிலைநாட்டியுள்ளது.

சுவிட்ஸர்லாந்தின் ஜெனீவா நகரில் நடைபெற்ற ஏலத்தில் ஆசியாவைச் சேர்ந்த தொழிலதிபர் ஒருவர் கடும் போட்டிக்கு மத்தியில் 15.38 காரட் எடையுள்ள இந்த இளஞ்சிவப்பு வைரத்தை ஏலத்தில் எடுத்தார்.

நியூயோர்க்கைச் சேர்ந்த கோரா இன்டர்நேஷனல் என்ற நிறுவனம் இதனை விற்பனை செய்தது. சோத்பி எனும் நிறுவனம் ஏலத்தை நடத்தியது.

இதற்கு முன் இந்த ரகத்தில் 16.08 காரட் எடையுள்ள ஸ்வீட் ஜோசபைன் என்ற வைரம் 28.5 மில்லியன் டொலர்களுக்கு ஏலம் போனதே சாதனையாக இருந்தது.

யுனிக் பிங்க் வைரமானது தென்னாப்பிரிக்க சுரங்கத்தில் 5 ஆண்டுகளுக்கு முன் அகழ்ந்தெடுக்கப்பட்டது.