கண்டியில் மீண்டும் நில அதிர்வு! அச்சத்தில் மக்கள்

கண்டியில் மீண்டும் நில அதிர்வு பதிவாகியுள்ளது என அறிவிக்கப்பட்டுள்ளது. கண்டி – திகன மற்றும் தெல்தெனிய பகுதிகளில் மற்றொரு சிறிய அளவிலான நில அதிர்வு பதிவாகியுள்ளது என குறிப்பிடப்படுகின்றது. குறித்த நில அதிவு ரிக்டர் அளவில் 1.79 ஆக பதிவாகியுள்ளதாகவும் கூறப்படுகின்றது. கடந்த 2 ஆம் திகதி கண்டி, ஹாரகம மற்றும் அநுரகம ஆகிய பகுதிகளில் நில அதிர்வு பதிவாகியது. குறித்த பகுதியில் பாரியளவில் முன்னெடுக்கப்படும் சுண்ணாம்புக்கல் அகழ்வு காரணமாகவே இவ்வாறான நிலைமை ஏற்பட்டுள்ளதென பிரதேசமக்களும் சூழலியலாளர்களும் தெரிவித்திருந்தமை குறிப்பிடத்தக்கது.