காலிமுகத்திடல் கடலில் மூழ்கிய சிறுவனை காணவில்லை !

கொழும்பு - காலிமுகத்திடல் கடலில் நீராடச் சென்ற 14 வயது சிறுவன் நீரில் அடித்துச் செல்லப்பட்ட நிலையில் காணாமல் போயுள்ளார். இச்சம்பவம் இன்று வெள்ளிக்கிழமை (07)  இடம்பெற்றுள்ளது. இவ்வாறு காணாமல்போன சிறுவன் கொழும்பு - வாழைத்தோட்டம் பகுதியைச் சேர்ந்தவராவார். இன்று வெள்ளிக்கிழமை பகல் 2 மணியளவில் ஏழு நண்பர்களுடன் கொழும்பு காலிமுகத்திடல் கடற் கரைக்கு குறித்த சிறுவன் சென்றுள்ளார். குறித்த பகுதியில் மக்கள் ஒன்று திரண்டுள்ளதுடன் சிறுவனை தேடும் நடவடிக்கைகள் இடம்பெற்றுள்ளன.