கோவிட்-19 :  இத்தாலியில் 8 வாரகால  பின் முடிவுக்கு வந்தது நீண்ட ஊரடங்கு

இத்தாலியில் 8 வாரகால ஊரடங்குக்குப் பின் கட்டுப்பாடுகள் தளர்த்தப்பட்டதை அடுத்து பொதுமக்கள் பொதுவெளியில் வரத் தொடங்கியுள்ளனர். கட்டுமானப் பணி நடைபெறும் இடங்கள், தொழிற்சாலைகள், அலுவலகங்கள், உணவகங்கள் ஆகியவற்றில் பணிபுரிந்த 40 இலட்சம் பேர் மீண்டும் பணிக்குத் திரும்பியுள்ளனர்.   உணவகங்கள் திறந்திருந்தாலும் அவற்றில் அமர்ந்து உணவருந்த அனுமதியில்லை. உணவுப் பொதிகளை வாங்கிக் கொண்டு சென்றுவிட வேண்டும் எனக் கட்டுப்பாடு உள்ளது.   ஊரடங்கு முடிந்ததால் மகிழ்ச்சி இருந்தாலும் ஒருவகை அச்சத்துடனேயே மக்கள் நடமாடுகின்றனர். முகக்கவசம் அணிந்திருப்பதுடன் போதிய இடைவெளியைக் கடைப்பிடிக்கின்றனர்.   இத்தாலியில் 2 இலட்சத்துப் பத்தாயிரம் பேர் கொரோனாவால் பாதிக்கப்பட்ட நிலையில், 28 ஆயிரத்து 884 பேர் உயிரிழந்தனர். இன்றுவரை உலகில், 3,579,479 பேர் கொரோனா தொற்றுக்கு உள்ளாகியுள்ளனர். 248,445 பேர் வரை உயிரிழந்தும், 1,158,956 பேர் குணமடைந்தும் உள்ளமை குறிப்பிடத்தக்கது.