சவூதியின் அமைச்சரவை மாற்றம்: இலக்குகளும் சர்ச்சைகளும் - சதீஸ் கிருஸ்ணபிள்ளை (கட்டுரை)

 

ஒரு நாட்டின் அமைச்­ச­ரவை மாற்­றப்­ப­டு­வது இயல்பு. காலத்தின் தேவை­களைக் கருத்­திற்­கொண்டு உரி­ய­வர்­க­ளுக்கு உரிய இடத்தை அளிப்­பது மாற்­றத்தின் நோக்­க­மாக இருக்கும். இத்­த­கைய அமைச்சரவை மாற்றம் பெரும்­பாலும் உள்­நாட்டு அர­சி­ய­லுடன் தொடர்­பு­பட்­ட­தாக இருக்கும்.

கடந்த வாரம் சவூதி அரே­பி­யாவின் அமைச்­ச­ர­வையும் மாற்­றப்­பட்­டி­ருக்­கி­றது. இது வழ­மை­யான அமைச்­ச­ரவை மாற்­றத்தைப் போன்­ற­தாக இல்லை.

ஒரு குடும்­பத்­தி­னதும், தேசத்­தி­னதும், பிராந்­திய மற்றும் அர­சி­ய­லி­னதும் செல்­நெ­றியைத் தீர்மானிப்பதாக அமைந்­துள்­ளது.

King Salman bin Abdulaziz

சவூதி அரே­பி­யாவின் மன்­ன­ராக இருப்­பவர், 79 வய­து­டைய சல்மான். அந்த இராச்­சி­யத்தின் தேச­பிதா என்று வர்­ணிக்­கப்­படும் மன்னர் அப்துல் அஸீஸின் புதல்­வர்­களில் ஒருவர்.

மன்னர் சல்மான் அரியாசனம் ஏறி நான்கு மாதங்­களே ஆகின்­றன. தமது சகோ­தரர் மன்னர் அப்துல்லாவின் மறைவை அடுத்து அவர் ஆட்சிப் பொறுப்பை ஏற்றார்.

இவர் கடந்த வாரம் தமது சகோ­த­ரரின் மகன் மொஹம்­மது பின் நாயெவ் என்­ப­வரை முடிக்­கு­ரிய இளவர­ச­ராக அறி­வித்­துள்ளார்.

The new Crown Prince, Mohammed bin Nayef

இள­வ­ரசர் மொஹம்­மது பின் நாயெவ் சவூ­தியின் பல­மான உட்­துறை அமைச்­ச­ராகத் திகழ்­கிறார். இவருக்கு 50 வயது.

சம­கால மன்­னரின் மக­னான இள­வ­ரசர் மொஹம்மட் பிரதி முடிக்­கு­ரிய இள­வ­ர­ச­ராக நியமிக்கப்பட்டுள்ளார். பாது­காப்பு அமைச்­ச­ராகத் திகழும் இள­வ­ரசர் மொஹம்மட் மிகவும் இளை­யவர். அவ­ருக்கு 34 வயது தான் ஆகி­றது.

Saudi Arabian Prince Muqrin Bin Abdulaziz Al Saud

மன்னர் சல்மான், தமது மற்­றொரு சகோ­த­ர­ரான முக்ரின் பின் அப்துல் அஸீஸ் என்­ப­வரை முடிக்­கு­ரிய இள­வ­ரசர் என்ற பத­வியில் இருந்து நீக்­கி­யி­ருக்­கிறார்.

இவ­ருக்கு 69 வயது. இள­வ­ரசர் முக்­ரியின் தாயார் யேமன் நாட்டைச் சேர்ந்­தவர். அவர் மன்னர் அப்துல் அஸீஸின் வைப்­பாட்டி என்ற அந்­தஸ்தில் வைத்துப் பார்க்­கப்­ப­டு­பவர்.

இந்த அமைச்­ச­ரவை மாற்றம், சவூதி அரே­பி­யாவின் அரி­யா­ச­னத்தைக் கைப்­பற்றப் போகும் இள­வ­ர­சர்­களின் வரி­சையை முற்­று­மு­ழு­தாக மாற்­றி­ய­மைத்­துள்­ளது.

இதனை மேலோட்­ட­மாக ஆராய்­கையில், மன்னர் சல்மான் முதி­ய­வர்­களை ஓரங்­கட்டி விட்டு இளையவர்­க­ளுக்கு வாய்ப்பு அளித்­துள்ளார் என்ற தோற்றம் ஏற்­படும்.

இந்தத் தோற்றம் ஒரு மாயை தானென்­பது கசப்­பான விடயம். இதற்குள் குடும்பப் பிரச்­சினை தீவி­ர­மாக மறைக்­கப்­ப­டு­கி­றது.

சவூதி அரே­பி­யாவைப் பொறுத்­த­வ­ரையில், அதன் ஆட்சிக் கட்­ட­மைப்பில் வய­துக்கு முக்­கி­யத்­துவம் அளிக்கும் பாரம்­ப­ரியம் இருந்­தது. மூத்­த­வர்கள் கௌர­விக்­கப்­ப­டு­வார்கள்.

இன்று இள­வ­ரசர் முர்க்கின் சடு­தி­யாக அப்­பு­றப்­ப­டுத்­தப்­பட்டு, இள­வ­ரசர் முஹம்­மது பின் நாயெவ்பை முடிக்­கு­ரிய இள­வ­ர­ச­ரா­கவும், தமது மகனை அவ­ருக்கு அடுத்­த­ப­டி­யான முடிக்­கு­ரிய இள­வ­ர­ச­ரா­கவும் நிய­மித்­தமை குறித்து சவூதி மக்கள் ஆச்­சரி­யப்­ப­டு­கி­றார்கள்.

இதற்­கு­ரிய முக்­கி­ய­மான காரணம் இந்த வரிசை தவ­றா­னது என்­பது தான். மாமன்னர் அப்துல் அஸீஸூக்கு 45 புதல்­வர்கள் உள்­ளார்கள் என்­பது பொது­வான மதிப்­பீடு.

இவர்­களில் பலர் உயி­ருடன் இருக்­கையில், சவூ­தியின் முடிக்­கு­ரிய இள­வ­ர­சர்கள் வரி­சையில் இரண்டா­வது இடத்தைப் பெற தமது இளைய மக­னுக்கு அவர் வாய்ப்­ப­ளித்­தி­ருக்­கிறார்.

இங்கு தான் கைகேயி நாடகம் நடந்­தி­ருப்­ப­தாகக் கூறப்­ப­டு­கி­றது. மன்னர் சல்மான் தமது மூன்­றா­வது மனை­வியை அதிகம் நேசிப்­பவர். அந்த மனை­வியின் மகன் தான், இள­வ­ரசர் மொஹம்மட்.

தமது மனை­வியின் சொல்லைக் கேட்டு இள­வ­ரசர் மொஹம்­மட்­டுக்கு மன்­ன­ராகக் கூடிய வாய்ப்பைப் பெற்றுக் கொடுத்­தி­ருப்­பது சவூதி மக்­க­ளுக்கு பிடிக்­க­வில்லை.

இள­வ­ரசர் மொஹம்மட் கடு­மை­யாக உழைப்­பா­ளி­யாக இருந்­தாலும், அவ­ருக்கு போதிய அனு­பவம் இல்லை என்­பது மக்­களின் கருத்து.

மறு­பு­றத்தில், இந்த இளை­ஞரின் திற­மை­யா­னவர் என்­பதை நிரூ­பிப்­ப­தற்­காக அவ­ருக்கு குருவி தலையில் பனங்காய் போன்­ற­தொரு பாரிய சுமை ஒப்­ப­டைக்­கப்­பட்­டுள்­ளது.

யேமன் கிளர்ச்­சி­யா­ளர்­க­ளுக்கு எதி­ராக சவூதி அரே­பியா முன்­னெ­டுக்கும் இரா­ணுவ நட­வ­டிக்­கைக்கு பொறுப்­பாக இருப்­பவர், இள­வ­ரசர் மொஹம்மட் தான்.

அது அரே­பிய வளை­குடா பிராந்­தி­யத்தில் சவூதி அரே­பி­யாவின் வல்­லா­திக்­கத்தை நிலை­நாட்டக் கூடிய முக்­கி­ய­மான நட­வ­டிக்­கை­யாகும்.

மன்னர் சல்மான் மேற்­கொண்­டுள்ள அமைச்­ச­ரவை மாற்­றத்தில் இன்­னொரு முக்­கி­ய­மான அம்­சத்­தையும் குறிப்­பிட வேண்டும்.

அது, அமெ­ரிக்­காவை சமா­ளிக்­கக்­கூ­டிய வெளி­வி­வ­காரக் கொள்­கை­க­ளுக்கு முக்­கி­யத்­துவம் அளிக்கும் நோக்­கத்­துடன் தொடர்­பு­டை­ய­தாகும்.

முடிக்­கு­ரிய இள­வ­ர­ச­ராக நிய­மிக்­கப்­பட்ட  முஹம்­மது பின் நாயெவ், அமெ­ரிக்­கா­வுடன் நெருங்கிப் பணி­யாற்­றி­யவர்.

2001ஆம் ஆண்டு தொடக்கம் அமெ­ரிக்­காவின் பயங்­க­ர­வாத ஒழிப்பு நட­வ­டிக்­கை­களை ஒருங்­கி­ணைத்த அனு­பவம் அவ­ருக்கு உண்டு. அவரை அமெ­ரிக்­காவும் மதிக்­கி­றது.

மறு­பு­றத்தில், மன்னர் சல்மான் சவூதி தூதுவர் அப்துல் அல் ஜூபைரை புதிய வெளி­வி­வ­கார அமைச்சராக நிய­மித்­துள்ளார்.

இவர்கள் இரு­வரும் அமெ­ரிக்­கா­விடம் பேரம் பேசக்­கூ­டிய ஆற்றல் கொண்­ட­வர்­க­ளாக இருப்­பது குறிப்­பி­டத்­தக்­க­தாகும். இத்­த­கைய ஆற்றல் சம­கால அர­சி­யலில் தவிர்க்க முடி­யாத தேவை­யாக மாறி­யி­ருக்­கி­றது.

அரே­பிய வளை­கு­டாவின் சம­கால அர­சி­யலை ஆரா­ய்ந்தால், அங்கு சவூதி அரே­பி­யா­விற்கும் ஈரா­னுக்கும் இடை­யி­லான ஆதிக்­கப்­போட்டி நில­வு­வதைக் காணலாம்.

இந்த ஆதிக்கப் போட்­டியில் அமெ­ரிக்கா தந்­தி­ர­மான போக்கை அனு­ச­ரிக்­கி­றது. ஒரு புறத்தில் யேமன் கிளர்ச்­சி­யா­ளர்க்கு எதி­ராக சவூதி அரே­பியா முன்­னெ­டுக்கும் போருக்கு அமெ­ரிக்கா ஆத­ர­வ­ளிக்­கி­றது. மறு­பு­றத்தில் ஈரா­னுடன் அணு­வா­யுத உடன்­ப­டிக்­கையை ஏற்­ப­டுத்தும் முயற்­சி­களில் ஈடு­ப­டு­கி­றது.

யேமன் மீதான வான்­வழித் தாக்­கு­தலில் உதவி செய்­வ­தாக அமெ­ரிக்கா கூறி­னாலும், அந்த உத­விகள் வாய் வார்த்­தை­க­ளுக்கு மாத்­திரம் மட்­டுப்­ப­டுத்­தப்­பட்­டுள்­ள­தென சவூதி அரே­பியா கரு­து­கி­றது.

இஸ்­லா­மிய இராச்­சிய கிளர்ச்­சி­யா­ளர்­க­ளுக்கு எதி­ரான போராட்­டத்தில் மாத்­தி­ர­மன்றி, சிரி­யாவின் பஷார் அல் அசாத்­திற்கு எதி­ரான போரிலும் அமெ­ரிக்கா கூடு­த­லாக உதவி செய்ய வேண்டும் என்­பது சவூதி அரே­பி­யாவின் எதிர்ப்­பார்ப்­பாகும்.

சவூதி அரே­பி­யாவைப் பொறுத்­த­வ­ரையில், அமெ­ரிக்­காவைப் பகைத்துக் கொண்டும் எதுவும் செய்ய முடி­யாது. அதற்­காக, அமெ­ரிக்கா ஈரானின் பக்கம் சாய்­வ­தையும் அனு­ம­திக்க முடி­யாது.

இந்தப் பிரச்­சி­னையை சமா­ளிக்க வேண்­டு­மானால், அமெ­ரிக்­கா­வுடன் பேரம் பேசி அதனைத் தன்­பக்கம் ஈர்ப்­பது தான் சிறந்த வழி.

இள­வ­ரசர் முஹம்­மது பின் நாயெவ் தலை­மை­யி­லான குழு­விற்கு முக்­கி­யத்­துவம் வழங்­கப்­பட்­டுள்­ள­தென்றால், அதன் பின்­புலம் இதுவே.

அமைச்­ச­ர­வையில் முதி­ய­வர்கள் ஓரங்­கட்­டப்­பட்டு வயது குறைந்­த­வர்­க­ளுக்கு வாய்ப்­ப­ளிப்­பதில் இன்னொரு நன்­மையும் இருக்­கி­றது.

தனது போராட்­டத்­திற்குள் சவூதி இளை­ஞர்­களை ஈர்த்துக் கொள்ள முனையும் இஸ்லாமிய இராச்சிய கிளர்ச்சிக்குழு, சவூதி அரேபியாவின் மன்னர் குடும்பம் கறைபடிந்தது என்ற பிரசாரத்தை தீவிரமாக முன்னெடுக்கிறது.

அமைச்­ச­ர­வையில் இளம் தலை­மு­றை­யி­ன­ருக்கு வாய்ப்­ப­ளிப்­பதன் மூலம், அந்தப் பிர­சா­ரத்­திற்கு பதி­லடி கொடுக்க முடியும்.

இன்று சவூதி சமூ­கத்தில் வேலை­வாய்ப்­பின்மை என்ற பிரச்­சினை இருக்­கி­றது. வேலை­வாய்ப்பு இல்­லாத இளை­ஞர்கள் அரச குடும்­பத்தின் மீது அதி­ருப்தி கொண்­டி­ருக்­கி­றார்கள்.

இந்த நிலையில், அரச குடும்பத்தைச் சேர்ந்தவர் அல்லாத அப்துல் அல் ஜூபைரை நியமித்ததன் மூலம் இதற்குப் பரிகாரம் காண சவூதி மன்னர் முனைந்திருக்கிறார்.

எதிர்கால சவூதி அரேபியாவில் தமக்கும் வாய்ப்புண்டு என்ற நம்பிக்கையை ஏற்படுத்துவது அவரது நோக்கமாக இருக்கலாம்.

-சதீஸ் கிருஸ்ணபிள'ளை-