"நான் இறந்துபோனா என் உடம்புடன் நீ வருகிறாயாடா?" - நடிகர் திலகம் சிவாஜி குறித்து மனம் உருகிய சூப்பர்ஸ்டார் ரஜினிகாந்த்! 'படையப்பா' ரீ-ரிலீஸில் வைரலாகும் தகவல்!

நடிப்புக்கு உதாரணமாக விளங்கிய நடிகர் திலகம் சிவாஜி கணேசனுடன் நெருங்கிப் பழகியவர் சூப்பர்ஸ்டார் ரஜினிகாந்த். இவர்கள் இருவரும் இணைந்து நடித்த 'படையப்பா' திரைப்படம் வருகிற டிசம்பர் 12 ஆம் தேதி மீண்டும் வெளியாகும் நிலையில் (ரீ-ரிலீஸ்), இதுவரை ரூ. 30 லட்சம் ப்ரீ புக்கிங்கில் வசூலாகியுள்ளதாகத் தகவல் வெளியாகியுள்ளது.

இந்தச் சூழலில், படையப்பா ரீ-ரிலீஸ் குறித்துப் பேசிய ரஜினிகாந்த், சிவாஜி குறித்து உருக்கமாக நினைவுகூர்ந்துள்ளார். "நான் இறந்துபோனா என் உடம்பு கூடயே நீ வருகிறாயாடா என்று சிவாஜி சார் என்னிடம் கேட்டார். சிவாஜி சார் இறந்ததற்குப் பின் அவரின் உடல் வைத்திருந்த வாகனத்தில் கடைசி வரை போனேன்" என்று ரஜினி மனம் திறந்து பேசியது தற்போது வைரலாகி வருகிறது.