நீங்கள் சர்க்கரை நோயால் அவதிப்படுபவரா? அப்ப ஆவாரம்பூ சூப் குடிங்க...

சர்க்கரை நோயைக் கட்டுப்படுத்தும் குணம் ஆவாரைக்கு உண்டு. ஆவாரம்பூவின் பூ, இலை, காய், வேர் அனைத்துமே மருத்துவ குணம் நிறைந்தது. ஆவாரம்பூ சூப் தேவையான பொருட்கள் ஆவாரம்பூ பொடி - 2 டீஸ்பூன், மிளகுத்தூள் - 1/4 டீஸ்பூன், சீரகத்தூள் - 1/4 டீஸ்பூன், இஞ்சி விழுது - 1/2 டீஸ்பூன், உப்பு - தேவைக்கு, நெய் - 1/4 டீஸ்பூன், எண்ணெய் - 2 டீஸ்பூன். ஆவாரம்பூ செய்முறை கடாயில் எண்ணெய் விட்டு காய்ந்ததும் இஞ்சி விழுதை போட்டு பச்சைவாசனை போகும் வரை வதக்கவும். பின்பு அதில் மிளகுத்தூள், சீரகத்தூள், ஆவாரம்பூ பொடி போட்டு வதக்கி உப்பு, 2 கப் தண்ணீர் ஊற்றி கொதிக்க விடவும். கொதித்ததும் இறக்கி நெய் விட்டு, பரிமாறவும்.